ନୂଆଦିଲ୍ଳୀ, ୦୩/୦୨: ଖୁବଶୀଘ୍ର ସୁପ୍ରିମକୋର୍ଟକୁ ୫ ନୂଆ ବିଚାରପତି ମିଳିବାକୁ ଯାଉଛି। ଏନେଇ ସରକାରଙ୍କ ତରଫରୁ ସୁପ୍ରିମକୋର୍ଟ ବେଞ୍ଚକୁ ଏହି ସୂଚନା ଦିଆଯାଇଛି। ଏହି ନିଯୁକ୍ତି ଉପରେ ରବିବାର ସୁଦ୍ଧା ମୋହର ଲାଗିବା ନେଇ ଜଣାଇଛନ୍ତି ଆଟର୍ଣ୍ଣୀ ଜେନେରାଲ୍। ଏହି ୫ ଜଜ୍ଙ୍କ ମଧ୍ୟରେ ଜଷ୍ଟିସ୍ ପଙ୍କଜ ମିତ୍ତଲ, ସଞ୍ଜୟ କରୋଲ, ପିଭି ସଞ୍ଜୟ କୁମାର, ଅହସାନୁଦ୍ଦୀନ ଅମାନୁଲ୍ଲାହ ଏବଂ ମନୋଜ ମିଶ୍ରା ଅଛନ୍ତି। ଏମାନଙ୍କ ମଧ୍ୟରୁ ତିନି ବିଚାରପତି ହାଇକୋର୍ଟର ମୁଖ୍ୟ ବିଚାରପତି ରହିଛନ୍ତି ଏବଂ ଅନ୍ୟ ଦୁଇଜଣ ହାଇକୋର୍ଟରେ ବିଚାରପତି ଅଛନ୍ତି। ଗତ ବର୍ଷ ୧୩ ଡିସେମ୍ବରରେ ସୁପ୍ରିମକୋର୍ଟଙ୍କ କଲେଜିୟମ ଏହି ଜଜ୍ଙ୍କ ନାମକୁ ସୁପାରିଶ କରିଥିଲେ।
ପଙ୍କଜ ମିତ୍ତଲ ରାଜସ୍ଥାନ ହାଇକୋର୍ଟର ମୁଖ୍ୟ ବିଚାରପତି ଅଛନ୍ତି। ସଞ୍ଚୟ କରୋଲ ପାଟଣା ହାଇକୋର୍ଟର ମୁଖ୍ୟ ବିଚାରପତି ଅଛନ୍ତି। ସେହିଭଳି ପିଭି ସଞ୍ଚୟ କୁମାର ମଧ୍ୟ ମଣିପୁର ହାଇକୋର୍ଟର ମୁଖ୍ୟ ବିଚାରପତି ରହିଛନ୍ତି। ଜଷ୍ଟିସ୍ ଅହସାନୁଦ୍ଦିନ ଅମାନୁଲ୍ଲାହ ପାଟଣା ହାଇକୋର୍ଟରେ ବିଚାରପତି ଅଛନ୍ତି ଏବଂ ମନୋଜ ମିଶ୍ରା ବର୍ତ୍ତମାନ ଆଲାହାବାଦ ହାଇକୋର୍ଟର ବିଚାରପତି ଅଛନ୍ତି।
ସରକାରଙ୍କ ତରଫରୁ ଖୁବଶୀଘ୍ର ଏହି ନାଁକୁ ମଞ୍ଜୁର କରାଯାଇପାରେ। ଏହି ଜଜ୍ଙ୍କ ଶପଥ ନେବା ସହ ସୁପ୍ରିମକୋର୍ଟରେ ଜଜ୍ଙ୍କ ସମୁଦାୟ ସଂଖ୍ୟା ୩୨ ହୋଇଯିବ। ସୁପ୍ରିମକୋର୍ଟରେ ଜଜ୍ଙ୍କ ସମୁଦାୟ ସଂଖ୍ୟା ୩୪ ପଦ ରହିଛି ଯେଉଁଥିରେ ଏବେ ୨୭ ପଦରେ ନିଯୁକ୍ତ ରହିଛି। ଏହା ପୂର୍ବରୁ ୩୧ ଜାନୁଆରୀରେ ସୁପ୍ରିମକୋର୍ଟ କଲେଜିୟମ ଆଉ ଦୁଇ ନାମକୁ ସୁପ୍ରିମକୋର୍ଟକୁ ପଠାଇବାକୁ ନେଇ ସୁପାରିଶ କରିଥିଲେ ସୁପ୍ରିମକୋର୍ଟ। ଏଥିରେ ଆଲାହାବାଦ ହାଇକୋର୍ଟର ମୁଖ୍ୟ ବିଚାରପତି ରାଜେଶ ବିନ୍ଦଲ ଏବଂ ଗୁଜରାଟ ହାଇକୋର୍ଟ ମୁଖ୍ୟ ବିଚାରପତି ଅରବିନ୍ଦ କୁମାର ସାମିଲ୍ ହୋଇଛି।
ସୂଚନାଯୋଗ୍ୟ, ସୁପ୍ରିମକୋର୍ଟ କଲେଜିୟମ ଏବଂ କେନ୍ଦ୍ର ସରକାରଙ୍କ ମଧ୍ୟରେ ବିଚାରପତି ନିଯୁକ୍ତି ପ୍ରକ୍ରିୟାକୁ ନେଇ ଅନେକ ଦିନରୁ ବିବାଦ ଦେଖାଦେଇଛି। ଅନକେ ଥର ଆଇନ ମନ୍ତ୍ରୀ କିରଣ ରିଜିଜୁ କଲେଜିୟମ ସିଷ୍ଟମ ଉପରେ ପ୍ରଶ୍ନ ଉଠାଇଛନ୍ତି ଏବଂ ଏହାକୁ ଅଣ ସମ୍ବିଧାନିକ ବୋଲି କହିଛନ୍ତି। କିରଣ ରିଜୁଜୁ କହିଥିଲେ ସମ୍ବିଧାନରେ କେଉଁଠି ମଧ୍ୟ ଜଜ୍ଙ୍କ ନିଯୁକ୍ତି ପାଇଁ କଲେଜିୟମ ବ୍ୟବସ୍ଥାର ଉଦାହରଣ ଦିଆଯାଇନାହିଁ।
ଏମିତିରେ ୪ ଜଜ୍ଙ୍କ ନିଯୁକ୍ତି ଉପରେ ସରକାରଙ୍କ ମୋହର ଲଗାଇବା ଗୁରୁତ୍ବପୂର୍ଣ୍ଣ। ଗୁରୁବାର ମଧ୍ୟ କିରନ ରିଜିଜୁ ରାଜ୍ୟସଭାରେ କହିଥିଲେ ଯେ ଆମେ ଚାହୁଛୁ ହାଇକୋର୍ଟରେ ଜଜ୍ଙ୍କ ନିଯୁକ୍ତିରେ ସାମାଜିକ ବିବିଧତାର ଧ୍ୟାନ ରଖଯାଉ। ଦଳିତ, ଆଦିବାସୀଙ୍କ ବ୍ୟତୀତ ଅଳ୍ପସଂଖ୍ୟକ ଏବଂ ମହିଳା ବର୍ଗଙ୍କ ଜଜ୍ଙ୍କୁ ମଧ୍ୟ ସାମିଲ୍ କରାଯାଉ।
