Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିମିଳିପାଳ ଉପରମୁଣ୍ଡରେ ପ୍ରବଳ ବର୍ଷା, ଖୋଲିଲା କାଳ ଡ୍ୟାମ୍ ଗେଟ୍
  • ||
  • ପାଣି ଘେରରେ ଚାନ୍ଦବାଲି ବ୍ଲକର ୨୦ ଗାଁ, ଦୁର୍ବଳ ନଦୀବନ୍ଧ ପାଇଁ ଚିନ୍ତାରେ ଲୋକେ
  • ||
  • ଦେଶରେ ଉପର ତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୪୦୯୨ କରୋନା ପଜିଟିଭ୍
  • ||
  • ଆଉ ନାହାନ୍ତି ବିଶିଷ୍ଠ ଶିଳ୍ପପତି ତଥା ଭାରତର ୱାରେନ୍ ବଫେଟ୍‌ ରାକେଶ ଝୁନଝୁନୱାଲା: ୬୨ ବର୍ଷ ବୟସରେ ମୁମ୍ବାଇରେ ପରଲୋକ
  • ||
  • ମହାନଦୀ ଫୁଲୁଛି : ବୌଦ୍ଧରେ ବନ୍ୟା ସ୍ଥିତି, ହରଭଙ୍ଗା ବ୍ଲକ୍‌ର ୫୫ ଗାଁ ପ୍ରଭାବିତ
  • ||
  • କୁଲଗାମରେ ଆତଙ୍କବାଦୀଙ୍କ ଗ୍ରେନେଡ୍ ମାଡ, ଜଣେ ପୋଲିସ କର୍ମୀ ସହିଦ
  • ||
  • ଏସିଆ କପ୍ ପାଇଁ କୋହଲି ପ୍ରସ୍ତୁତ : ଇନଡୋର୍ ଷ୍ଟାଡିୟମରେ କଲେ ଜୋରଦାର ଅଭ୍ୟାସ
  • ||

ସୁପ୍ରିମକୋର୍ଟଙ୍କ ଉପରେ ଥିଲା ସମସ୍ତଙ୍କ ନଜର; ଜ୍ଞାନବାପୀ ମସ୍‌ଜିଦ୍‌ ମାମଲାର ଶୁଣାଣି କରି ଏମିତି ନିର୍ଦ୍ଦେଶ ଦେଲେ ସର୍ବୋଚ୍ଚ ଅଦାଲତ

20/05/2022 at 4:58 PM

ନୂଆଦିଲ୍ଲୀ: ଆଜି ସୁପ୍ରିମକୋର୍ଟରେ ଜ୍ଞାନବାପୀ ମସ୍‌ଜିଦ୍‌ ମାମଲାର ଶୁଣାଣି ହେବାର ଥିଲା। ଏଥିପାଇଁ ଗଣମାଧ୍ୟମ ଠାରୁ ଆରମ୍ଭ କରି ସମସ୍ତଙ୍କ ନଜର କୋର୍ଟଙ୍କ ଉପରେ ରହିଥିଲା। ହେଲେ ସର୍ବୋଚ୍ଚ ଅଦାଲତ କିନ୍ତୁ ମାମଲାକୁ ବାରାଣସୀର ଜିଲ୍ଲା କୋର୍ଟକୁ ହସ୍ତାନ୍ତର କରିଛନ୍ତି।

ମାମଲା ହସ୍ତାନ୍ତର ବେଳେ ସୁପ୍ରିମକୋର୍ଟ କହିଛନ୍ତି ଯେ ଜିଲ୍ଲା କୋର୍ଟଙ୍କ ପାଖରେ ୨୫ ବର୍ଷର ଅଭିଜ୍ଞତା ରହିଛି। ତେଣୁ ଆମେ ଜିଲ୍ଲା କୋର୍ଟଙ୍କ ରାୟ ଉପରେ ପ୍ରଶ୍ନ ଉଠାଇପାରିବା ନାହିଁ। ଏଥିସହିତ ଶିବଲିଙ୍ଗ ମିଳିଥିବା ସ୍ଥାନକୁ ସିଲ୍ କରିବା, ମସ୍‌ଜିଦ୍‌ରେ କମ୍ ସଂଖ୍ୟକ ମୁସଲମାନଙ୍କୁ ନମାଜ୍ ପାଠକୁ ଅନୁମତି ଓ ୱଜୁ କରିବା ଉପରେ କୋର୍ଟ ଦେଇଥିବା ଅନ୍ତରୀଣ ରାୟକୁ କାଏମ ରଖିଛନ୍ତି। ଏନେଇ କୋର୍ଟ କହିଛନ୍ତି ଯେ ମେ ୧୭ ତାରିଖରେ ଲାଗୁ କରାଯାଇଥିବା ଆଦେଶ ୮ ସପ୍ତାହ ଅର୍ଥା ଜୁଲାଇ ୧୭ ତାରିଖ ପର୍ଯ୍ୟନ୍ତ ଲାଗୁ ରହିବ। ଏହାପରେ ଯାଇ ମାମଲାର ଶୁଣାଣି ସୁପ୍ରିମକୋର୍ଟରେ ହେବ ବୋଲି ବିଚାରପତି କହିଛନ୍ତି।

ମାମଲାର ଶୁଣାଣି ବେଳେ ସୁପ୍ରିମକୋର୍ଟ କହିଛନ୍ତି ଯେ ଏଗୁଡ଼ିକ ସବୁ ଜଟିଳ ସାମାଜିକ ସମସ୍ୟା। ତେଣୁ ମଣିଷ ଏହାର ସଠିକ୍ ସମାଧାନ କରିପାରିବ ନାହିଁ। ମାମଲାରେ ଶାନ୍ତି କାଏମ୍ ରଖିବା ପାଇଁ ଆମ ନିର୍ଦ୍ଦେଶ ଥିଲା। ଏହାର ସମାଧାନ ଅନ୍ତରୀଣ ଆଦେଶରେ ହୋଇପାରେ। ଆମେ ଦେଶର ଏକତା ପାଇଁ ଏକ ମିଳିତ ଅଭିଯାନରେ ଅଛୁ ବୋଲି କୋର୍ଟ କହିଛନ୍ତି।।

ଅନ୍ୟପଟେ ସର୍ଭେ ରିପୋର୍ଟ ଗଣମାଧ୍ୟମରେ ଲିକ୍ ହେବା ନେଇ ମୁସଲମାନ ପକ୍ଷର ଓକିଲ ହୁଜେଫା ଅହମଦୀ ଅଭିଯୋଗ କରିଛନ୍ତି। ଏହାପରେ ନିଜର ବିଚାର ପ୍ରକାଶ କରି କୋର୍ଟ କହିଛନ୍ତି ଯେ ଥରେ ଏଠାକୁ ରିପୋର୍ଟ ଆସିବା ପରେ ଏଠାରୁ ସ୍ୱାର୍ଥ ଆଧାରରେ ତଥ୍ୟ ଲିକ୍ ହୋଇପାରେନା। ରିପୋର୍ଟ ଲିକ୍ ନହେବା ଦରକାର। ଏହାକୁ କେବଳ ବିଚାରପତି ହିଁ ଖୋଲିପାରିବେ ବୋଲି କୋର୍ଟ ଉପଦେଶ ଦେଇଛନ୍ତି।

ହିନ୍ଦୁ ପକ୍ଷର ଯୁକ୍ତି

ମାମଲା ଯେହେତୁ ୧୦୦ ବର୍ଷ ପୁରୁଣା ସମୟର ତେଣୁ ଏହା ୧୯୯୧ର ପ୍ଲେସେଜ୍‌ ଅଫ୍‌ ୱର୍ଶିପ୍ ଆକ୍ଟ ଅଧୀନରେ ଆସିପାରିବ ନାହିଁ। ତେଣୁ ଏଭଳି ସ୍ଥିତିରେ ମାମଲାର ଶୁଣାଣି ଓ ସର୍ଭେ ପାଇଁ କୋର୍ଟଙ୍କ କମିଶନ ଗଠନ ଉପରେ ପ୍ରଶ୍ନ ଉଠାଯାଇ ପାରିବ ନାହିଁ।  ଅନ୍ୟପଟେ ମୁସଲମାନ ପକ୍ଷ ସର୍ଭେ ତଥ୍ୟ ଲିକ୍ ନେଇ ପ୍ରଶ୍ନ ଉଠାଇବା ପରେ ସୁପ୍ରିମକୋର୍ଟ ତାଗିଦ୍ କରିଥିଲେ।

   Related Posts