oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୬୭ କୋଭିଡ୍ ପଜିଟିଭ୍
  • ||
  • ନବରାତ୍ରର ଦ୍ନିତୀୟ ଦିନ, ବ୍ରହ୍ମଚାରିଣୀ ରୂପେ ଦର୍ଶନ ଦେଉଛନ୍ତି ମାଆ ଜଗଦମ୍ୱା
  • ||
  • ରାଉରକେଲା : ବରିଷ୍ଠ ଆଇନଜୀବୀ ରମେଶ ବଳଙ୍କ ଆତ୍ମହତ୍ୟା, ଶ୍ୱଶୁର ଘରୁ ମିଳିଲା ଝୁଲନ୍ତା ମୃତଦେହ
  • ||
  • ଭୁବନେଶ୍ୱର : ଆସୁଛି ଆଉ ଏକ ଲଘୁଚାପ, ବର୍ଷାରେ ଭିଜିବ ଦଶହରା
  • ||

‘ଜୟ ଶ୍ରୀ ରାମ’ ନାରା ଉପରେ ରୋକ୍ ଲଗାଇବାକୁ ମନା କଲେ ସୁପ୍ରିମକୋର୍ଟ, ଯାଚିକା ଖାରଜ

9/03/2021 at 6:21 PM

ନୂଆଦିଲ୍ଲୀ ୦୯।୦୩: ବିଧାନସଭା ନିର୍ବାଚନ ପାଇଁ ରାଜନୈତିକ ରଣାଙ୍ଗନରେ ପରିଣତ ହୋଇଛି ପଶ୍ଚିମବଙ୍ଗ। ରାଜନୈତିକ ଦଳଗୁଡିକ ପକ୍ଷରୁ ଜୋରସୋରରେ ପ୍ରଚାର ଚାଲିଛି ଏବଂ ଭିନ୍ନ ଭିନ୍ନ ନାରା ମଧ୍ୟ ଦିଆଯାଉଛି। ହେଲେ ବିଜେପି ଦେଉଥିବା ‘ଜୟ ଶ୍ରୀ ରାମ’ ନାରାକୁ ନେଇ ମଙ୍ଗଳବାର ସୁପ୍ରିମକୋର୍ଟରେ ଶୁଣାଣି ହୋଇଛି। ନ୍ୟାୟାଳୟ ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ‘ଜୟ ଶ୍ରୀ ରାମ’ ପରି ନାରାର ବ୍ୟବହାର ଉପରେ କଟକଣା ଲଗାଇବାକୁ ମନା କରି ଦେଇଛନ୍ତି। ଏଥିସହ ସର୍ବୋଚ୍ଚ ଅଦାଲତ ଆଠ ପର୍ଯ୍ୟାୟରେ ବିଧାନସଭା ନିର୍ବାଚନ କରାଇବା ନିର୍ବାଚନ ଆୟୋଗଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ ଦେଇଥିବା ଆବେଦନକୁ ମଧ୍ୟ ଖାରଜ କରିଛନ୍ତି।

ପ୍ରଧାନ ବିଚାରପତି ଏସ ଏ  ବୋବଡେ, ବିଚାରପତି ଏ ଏସ୍ ବୋପାନ୍ନା ଓ ବିଚାରପତି ଭି ରାମସୁବ୍ରମଣ୍ୟମଙ୍କ ତିନି ଜଣିଆ ପୀଠ ମାମଲାର ଶୁଣାଣି କରି ଆବେଦନକୁ ଖାରଜ କରିଛନ୍ତି। ଆବେଦନରେ ପଶ୍ଚିମବଙ୍ଗରେ ୮ ପର୍ଯ୍ୟାୟ ମତଦାନ ନିର୍ବାଚନ ଆୟୋଗଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ ଦିଆଯାଇଥିଲା। ଆବେଦନକାରୀ କୋର୍ଟଙ୍କୁ ନିର୍ବାଚନ ଆୟୋଗକୁ ଏହି ନିର୍ଦ୍ଦେଶ ଦେବାକୁ ଅନୁରୋଧ କରିଥିଲେ ଯେ, ରାଜ୍ୟରେ ଆଠ ପର୍ଯ୍ୟାୟରେ ବିଧାନସଭା ନିର୍ବାଚନ କରାନଯାଉ। କାରଣ ଏଥିରେ ସମ୍ବିଧାନର ଅନୁଚ୍ଛେଦ ୧୪ ଓ ଅନୁଚ୍ଛେଦ ୨୧ର ଉଲ୍ଲଂଘନ ହେଉଛି। ଆବେଦନରେ ଏହା ମଧ୍ୟ ଅନୁରୋଧ କରାଯାଇଥିଲା ଯେ,  ବିଜେପି ନେତାଙ୍କ ଦ୍ଵାରା ରାଲିରେ ବ୍ୟବହାର ହେଉଥିବା ଜୟ ଶ୍ରୀ ରାମ ନାରା ଉପରେ ରୋକ୍ ଲଗାଯାଉ।

ପୀଠ ଆବେଦନ ଖାରଜ କରି ଆବେଦନକାରୀ ଓ ତାଙ୍କ ଓକିଲ ଏମଏଲ ଶର୍ମାଙ୍କୁ କଲିକତା ଉଚ୍ଚ ନ୍ୟାୟାଳୟ ଯିବାକୁ କହିଛନ୍ତି। ଏହା ଉପରେ ଏମଏଲ ଶର୍ମା କହିଛନ୍ତି, ଏହା ନିର୍ବାଚନ ସମ୍ଵନ୍ଧିତ ଯାଚିକା ନୁହେଁ। ଗୋଟିଏ ଦଳ ଧାର୍ମିକ ନାରାକୁ ବ୍ୟବହାର କରୁଛି। ମୋତେ ଉଚ୍ଚ ନ୍ୟାୟାଳୟ ଯିବାର କଣ ଆବଶ୍ୟକତା ରହିଛି ? ଆବେଦନକାରୀ ମାମଲାର ଶୁଣାଣି ବୁଧବାର  କରିବାକୁ ଅନୁରୋଧ କରିଥିଲେ। ହେଲେ କୋର୍ଟ ଆବେଦନକୁ ଖାରଜ କରିଛନ୍ତି।

   Related Posts