oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଶାଶୂ ଘର ଛାଡିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ, ୩୦ ସୁଦ୍ଧା ଘର ଛାଡିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୩୧ କୋଭିଡ୍ ପଜିଟିଭ୍
  • ||
  • ମୁମ୍ଵାଇ : ଠକେଇର ଶିକାର ହେଲେ ଅନ୍ନୁ କପୁର, KYC ଅପଡେଟ୍ ବାହାନାରେ ଲୁଟି ନେଲେ ୪.୩୬ ଲକ୍ଷ ଟଙ୍କା
  • ||
  • ଲମତାପୁଟ : ରାଜ୍ୟ ବାହାରକୁ ହେଉଥିଲା ଚାଲାଣ, ଚେକିଂ ବେଳେ କାର୍‌ରୁ ବାହାରିଲା ୧୦ଲକ୍ଷ ଟଙ୍କାର ଗଞ୍ଜେଇ
  • ||
  • ଭୁବନେଶ୍ୱର : ରାଜଧାନୀର ବିଭିନ୍ନ ବାର୍‌ରେ ରେଡ୍‌, କଟକଣା ପରେ ବି ମାନୁନଥିଲେ ମାଲିକ
  • ||
  • ଇଣ୍ଡୋନେସିଆ : ରକ୍ତ ରଞ୍ଜିତ ହେଲା ଖେଳ ପଡ଼ିଆ; ଫୁଟବଲ ମ୍ୟାଚ୍ ଚାଲିଥିବା ବେଳେ ଦଙ୍ଗା, ୧୨୭ ମୃତ, ଏକାଧିକ ଆହତ
  • ||

ସୁପ୍ରିମକୋର୍ଟର ବରିଷ୍ଠ ଆଇନଜୀବୀଙ୍କ ବଡ ବୟାନ : ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କୁ ବଦନାମ କରିବା ପାଇଁ ତାଙ୍କୁ ଦିଆଯାଇଥିଲା ଅଫର

21/04/2019 at 3:30 PM

ନୂଆଦିଲ୍ଲୀ ୨୧/୪ : ସୁପ୍ରିମକୋର୍ଟ ମୁଖ୍ୟ ବିଚାରପତି ରଞ୍ଜନ ଗୋଗୋଇଙ୍କ ବିରୋଧରେ ଯୌନ ଉତ୍ପୀଡ଼ନ ମାମଲାର ଶୁଣାଣି ଗତକାଲି, ଶନିବାର ଦିନ ହୋଇଥିଲା | ବିଚାରପତି ତାଙ୍କ ବିରୋଧରେ ହୋଇଥିବା ସମସ୍ତ ଅଭିଯୋଗକୁ ଖଣ୍ଡନ କରିଥିଲେ | ଏହି ମାମଲାରେ ସୁପ୍ରିମକୋର୍ଟର ଜଣେ ଓକିଲ ବଡ ବୟାନ ଦେଇଛନ୍ତି | ସେ ଦାବି କରି କହିଛନ୍ତି ଯେ, ସିଜେଆଇଙ୍କୁ ବଦନାମ କରିବା ପାଇଁ ତାଙ୍କ ପାଖକୁ ମଧ୍ୟ କିଛି ଲୋକ ଆସିଥିଲେ | ସେମାନେ ଓକିଲଙ୍କୁ ଲାଞ୍ଚ ଦେବା ପାଇଁ ଚେଷ୍ଟା କରିଥିଲେ |


ସୁପ୍ରିମକୋର୍ଟ ଓକିଲ ଉତ୍ସବ ବେନ୍ସ ନିଜ ସୋସିଆଲ ମିଡ଼ିଆ ଆକାଉଣ୍ଟରେ ଏନେଇ ପୋଷ୍ଟ କରିଥିଲେ | ସେ କହିଥିଲେ ଯେ, ରଞ୍ଜନ ଗୋଗୋଇଙ୍କ ବିରୋଧରେ ଯୌନ ଉତ୍ପୀଡ଼ନ ମାମଲାର ଏକ ଜବରଦସ୍ତ କାହାଣୀ ଗଢିବାକୁ ତାଙ୍କୁ ଅଫର ଦିଆଯାଇଥିଲା | କାହାଣୀ ଏମିତି ହେବ ଦରକାର ଯେଭଳି ସିଜେଆଇ ନିଜେ ନିଜ ପଦବୀରୁ ଇସ୍ତଫା ଦେଇଦେବେ |
ସେ କହିଛନ୍ତି ଯେ, ଫିକ୍ସରଙ୍କ ଅଫରକୁ ଅସ୍ବୀକାର କରିବା ପରେ ସେ ଗୋଗୋଇଙ୍କୁ ପୁରା ଘଟଣା ସମ୍ପର୍କରେ କହିବାକୁ ଚେଷ୍ଟା କରିଥିଲେ | ସେଥିପାଇଁ ସେ ଗୋଗୋଇଙ୍କ ବାସଭବନକୁ ମଧ୍ୟ ଯାଇଥିଲେ କିନ୍ତୁ ସେତେବେଳେ ସେ ଘରେ ଉପସ୍ଥିତ ନଥିଲେ |


ଗତକାଲି ସୁପ୍ରିମକୋର୍ଟରେ ହୋଇଥିବା ସ୍ୱତନ୍ତ୍ର ଶୁଣାଣି ବେଳେ ଗୋଗୋଇ କହିଥିଲେ ଯେ, ମହିଳାଙ୍କ ଅଭିଯୋଗ ଅବିଶ୍ୱାସନୀୟ | କାର୍ଯ୍ୟାଳୟକୁ ନିଷ୍କ୍ରିୟ କରିବା ପାଇଁ ଷଡଯନ୍ତ୍ର ରଚା ଯାଇଛି ବୋଲି ସେ କହିଥିଲେ | କାରଣ ଆଗକୁ ସୁପ୍ରିମକୋର୍ଟ କିଛି ବଡ ବଡ ମାମଲାର ଶୁଣାଣି ହେବାକୁ ଅଛି |


ଯୌନ ଉତ୍ପୀଡ଼ନ ଅଭିଯୋଗ କରିଥିବା ମହିଳାଙ୍କ ଅଭିଯୋଗ ପତ୍ରର କପି ସୁପ୍ରିମକୋର୍ଟର ୨୨ ଜଣ ବିଚାରପତିଙ୍କ ଆବାସକୁ ପଠାଯାଇଥିଲା | ଶନିବାର ଦିନ ମାମଲା ସାର୍ବଜନିକ ହେବାପରେ ଜଷ୍ଟିସ ଗୋଗୋଇଙ୍କ ଅଧ୍ୟକ୍ଷତାରେ ୩ ସଦସ୍ୟ ବିଶିଷ୍ଟ ସ୍ୱତନ୍ତ୍ର ଖଣ୍ଡପୀଠ ଗଠନ କରାଯାଇଥିଲା | ମହିଳା ଯୌନ ଉତ୍ପୀଡ଼ନ ମାମଲାର ୨ଟି ଅଭିଯୋଗ କରିଥିଲେ |


ଗୋଗୋଇ କହିଥିଲେ ଯେ, ଏହି ଷଡଯନ୍ତ୍ର ପଛରେ କୌଣସି ବଡ ଲୋକର ହାତ ଅଛି | ଗୋଗୋଇଙ୍କ ଏହି ବୟାନ ପରେ ସୁପ୍ରିମକୋର୍ଟର ବରିଷ୍ଠ ଆଇନଜୀବୀ ଏହି ଷଡଯନ୍ତ୍ରର ପର୍ଦାଫାଶ କରିଛନ୍ତି |

   Related Posts