AKK 2023
MONGINIS 728X90
Hari omm 2
AKK2023
hari om films
WEB_F-8
MONGINIS 728X90
Showcase2022
HARI-OMM_728X90_B
WEB_F-9
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୁପ୍ରିମକୋର୍ଟରେ ଶୀଘ୍ର ହେଉଛି ଶୁଣାଣି, CJI ଜଷ୍ଟିସ୍ ଚନ୍ଦ୍ରଚୂଡ଼ ଦାୟିତ୍ବ ନେବା ପରେ ୬,୮୪୪ ମାମଲାର ସମାଧାନ

20/12/2022 at 8:56 AM

ନୂଆଦିଲ୍ଲୀ: ମାମଲା ସମାଧାନ କରିବାରେ ସୁପ୍ରିମକୋର୍ଟଙ୍କ ରେକର୍ଡ । ଗୋଟିଏ ମାସରେ ୬ହଜାରରୁ ଅଧିକ ମାମଲାର ଶୁଣାଣି କରିଛନ୍ତି ମୁଖ୍ୟ ବିଚାରପତି ଜଷ୍ଟିସ୍ ଡିଓ୍ବାଇ ଚନ୍ଦ୍ରଚୂଡ଼ । ସେହିପରି ଗତ ସପ୍ତାହରେ ହଜାରେରୁ ଅଧିକ ମାମଲାରେ ଅଭିଯୁକ୍ତଙ୍କୁ ଜମିନ୍ ମିଳିଛି ।

ଜଷ୍ଟିସ୍ ଡିଓ୍ବାଇ ଚନ୍ଦ୍ରଚୂଡ ସୁପ୍ରିମକୋର୍ଟର ମୁଖ୍ୟ ବିଚାରପତି ଭାବେ କାର୍ଯ୍ୟଭାର ସମ୍ଭାଳିବା ପରେ ଅଦାଲତ କାର୍ଯ୍ୟରେ ସ୍ପିଡ୍ ଆସିଛି । ନଭେମ୍ବର ୯ ତାରିଖରୁ ଡିସେମ୍ବର ୧୬ ତାରିଖ, ୧ମାସ ମଧ୍ୟରେ ଶୀର୍ଷ ଅଦାଲତରେ ୬ହଜାର ୮୪୪ଟି ମାମଲାର ଶୁଣାଣି କରିଛନ୍ତି । ସେହିପରି ୧,୧୬୩ ମାମଲାର ଶୁଣାଣି କରି ଅଭିଯୁକ୍ତଙ୍କୁ ଜାମିନ୍ ପ୍ରଦାନ କରିଛନ୍ତି ।   

ଏହି ୧ମାସ ଭିତରେ ମୋଟ୍ ୫ହଜାର ୮୯୮ଟି କେସ୍ ଦାୟର ହୋଇଛି । ସିଜେଆଇ କାର୍ଯ୍ୟଭାର ସମ୍ଭାଳିବା ପରେ ନଭେମ୍ବର ୯ତାରିଖରେ ସବୁଠାରୁ ଅଧିକ ୨୭୭ଟି ମାମଲା ରୁଜୁ ହୋଇଥିଲା । ଅନ୍ୟପଟେ ଡିସେମ୍ବର ୧୨ତାରିଖରେ ସର୍ବାଧିକ ୩୮୪ ମାମଲାର ଶୁଣାଣି କରିଛନ୍ତି କୋର୍ଟ । ଜାମିନ୍ ଆବେଦନ ବ୍ୟତୀତ ୧,୩୫୩ ବୈବାହିକ ବିବାଦର ସମାଧାନ କରିଛନ୍ତି ସର୍ବୋଚ୍ଚ ଅଦାଲତ ।

ସୁପ୍ରମକୋର୍ଟର ସମସ୍ତ ବେଞ୍ଚ ପ୍ରତିଦିନ ୧୦ ସ୍ଥାନାନ୍ତରଣ ମାମଲା ଓ ୧୦ ଜାମିନ ଆବେଦନର ଶୁଣାଣି କରିବା ନେଇ ସିଜେଆଇ ଚନ୍ଦ୍ରଚୂଡ଼ ଘୋଷଣା କରିଥିଲେ । ଏହା ସହିତ ହାଇକୋର୍ଟଙ୍କ ସମକକ୍ଷ ପଡିଥିବା ସମସ୍ତ ମାମଲର  ଶୀତକାଳୀନ ଅବକାସରେ ଶୁଣାଣି ହେବ । ସିଜେଆଇ କହିଥିଲେ, ସୁପ୍ରିମକୋର୍ଟ ସ୍ଥାନାନ୍ତରଣ ମାମଲାର ଶୁଣାଣି ସହିତ ୧୦ ଜାମିନ୍ ପାଇଁ ଆବେଦନ ହୋଇଥିବା ଯାଚିକା ମଧ୍ୟ ବିଚାର କରିବେ । ଏଥିରେ ବ୍ୟକ୍ତିଗତ ସ୍ବଧୀନତା ପ୍ରଶ୍ନ ବି ରହିବ । ଜାମିନ୍ ଆବେଦନ ଯାଚିକାକୁ ବିଶେଷ ଭାବେ ପ୍ରାଥମିକତା ଦିଆଯିବ ବୋଲି ସିଜେଆଇ ନିର୍ଦ୍ଦେଶ ଦେଇଛନ୍ତି ।   

   Related Posts