ମୋରଡା ୩୦।୮: ମୟୁରଭଞ୍ଜ ଜିଲ୍ଲାର ମୋରଡା ଥାନା ଅନ୍ତର୍ଗତ ଚିତ୍ରଡା ଫାଣ୍ଡି ଭୋଳାଗଡିଆ ନିକଟରେ ସୁବର୍ଣ୍ଣରେଖା କେନାଲ ନିର୍ମାଣ କାର୍ଯ୍ୟ କ୍ୟାମ୍ପରେ ଶୁକ୍ରବାର କିଛି ଦୁର୍ବୃତ୍ତ ଚୋରୀ ଉଦ୍ୟମ କରଥିଲେ । ସେହି କ୍ୟାମ୍ପର ସୁପରଭାଇଜର ପ୍ରତିବାଦ କରିବାରୁ ତାଙ୍କୁ ମାରପିଟ୍ କରିବା ସହିତ ତୀର ମାଡ କରିଥିବା ମୋରଡା ଥାନାରେ ଶନିବାର ଅଭିଯୋଗ ହୋଇଛି । ସୁପରଭାଇଜର ଜଣଙ୍କ ହେଲେ ଶୁଳିଆପଦା ଥାନା ଅନ୍ତର୍ଗତ କୁସୁମୀ ଗ୍ରାମର ରତନ କୁମାର ଗିରି । ତାଙ୍କ ବୟସ ୨୬ ବର୍ଷ ।
ଠିକାଦାରଙ୍କ କହିବା ଅନୁଯାୟୀ ଗତ ତା ୨୮/୦୮/୨୦୨୦ ରିଖ ଶୁକ୍ରବାର ରାତିରେ କ୍ୟାମ୍ପରେ କର୍ମଚାରୀମାନେ ଥିବା ସମୟରେ କିଛି ଦୁର୍ବୃତ୍ତ ମାରପିଟ୍ କରିବା ସହ ସୁପରଭାଇଜରଙ୍କୁ ତୀର ମାଡ଼ କରିଛନ୍ତି । ତୀରଟି ସୁପରଭାଇଜର ଡାହାଣ ହାତରେ ଲାଗିଥିଲା ଏବଂ ଦୁର୍ବୃତ୍ତମାନେ ସେଠାରୁ ପଳାଇ ଯାଇଥିଲେ । ସୁପରଭାଇଜର ତାଙ୍କର ମାଲିକ ରାଜେନ୍ଦ୍ର ଗୁପ୍ତାଙ୍କୁ ଏହି ଘଟଣା ସମ୍ପର୍କରେ ଜଣାଇବା ପରେ ସେ ରାତିରେ କ୍ୟାମ୍ପରେ ପହଞ୍ଚି ତାଙ୍କୁ ସେଠାରୁ ଉଦ୍ଧାର କରି ବାରିପଦା ସ୍ଥିତ ପିଆରଏମ ମେଡିକାଲରେ ଭର୍ତ୍ତି କରାଇଥିଲେ।
