ମୁମ୍ବାଇ ୨୧।୩: ଶିବସେନା-ୟୁବିଟି ଅଧ୍ୟକ୍ଷ ତଥା ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ପରିବାରକୁ ଭେଟିଲେ ସାଉଥ୍ ସୁପରଷ୍ଟାର ରଜନୀକାନ୍ତ । ଶନିବାର ଦ୍ବିପ୍ରହରରେ ରଜନୀକାନ୍ତ ଠାକରେ ପରିବାର ସହ ତାଙ୍କ ଘର ‘ମାତୋଶ୍ରୀ’ରେ ଭେଟିଛନ୍ତି । ଏହା ସୌଜନ୍ୟମୂଳକ ସାକ୍ଷାତ ବୋଲି କୁହାଯାଉଛି । ଉଦ୍ଧବ ଠାକରେ, ତାଙ୍କ ପତ୍ନୀ ରଶ୍ମୀ, ତାଙ୍କ ପୁଅ ଆଦିତ୍ୟ ଏବଂ ତେଜସ ସୁପରଷ୍ଟାର ରଜନୀକାନ୍ତଙ୍କୁ ଉତ୍ସାହର ସହ ସ୍ବାଗତ କରିଥିଲେ ।

ରଜନୀକାନ୍ତଙ୍କୁ ଅଭିବାଦନ କରିବା ବେଳେ ପରିବାରଲୋକଙ୍କ ଏକ ଫଟୋ ଟ୍ବିଟ୍ କରିଛନ୍ତି । ବାଲାସାହେବ ଠାକରେଙ୍କ ଫଟୋ ସମ୍ମୁଖରେ ରଜନୀକାନ୍ତ କାନ୍ଧରେ ଶାଲ୍ ପକାଇ ଠିଆ ହୋଇଛନ୍ତି । ଠାକରେ ପରିବାର ସଦସ୍ୟ ତାଙ୍କୁ ଏକ ବଡ ଫୁଲ ତୋଡା ଭେଟି ଦେଇଥିବା ଦେଖିବାକୁ ମିଳିଥିଲା ।

ଦୀର୍ଘ ୧୩ ବର୍ଷ ପରେ ରଜନୀକାନ୍ତ ଘରକୁ ଆସିଥିବାରୁ ଆଦିତ୍ୟ କହିଥିଲେ ଯେ, ରଜନୀକାନ୍ତ ଜୀଙ୍କୁ ପୁଣି ଥରେ ମାତୋଶ୍ରୀରେ ପାଇ ସେ ଅତ୍ୟନ୍ତ ଖୁସି । ଦଳର ଜଣେ ପଦାଧିକାରୀ କହିଛନ୍ତି, ରଜନୀକାନ୍ତଙ୍କ ସାକ୍ଷାତ ସୌଜନ୍ୟମୂଳକ ସାକ୍ଷାତ ଥିଲା । ଏହା ପଛରେ କୌଣସି ରାଜନୈତିକ କାରଣ ନାହିଁ ।

ପ୍ରାୟ ୧୩ ବର୍ଷ ପୂର୍ବରୁ ଅକ୍ଟୋବର ୨୦୧୦ରେ ରଜନୀକାନ୍ତ ବାଲାସାହେବ ଠାକରେଙ୍କୁ ଭେଟିବାକୁ ତାଙ୍କ ଘରକୁ ଆସିଥିଲେ । ସେମାନେ ପରସ୍ପରକୁ ଆଲିଙ୍ଗନ ମଧ୍ୟ କରିଥିଲେ ।  ରଜନୀକାନ୍ତ ତାଙ୍କ ଆଶୀର୍ବାଦ ଭିକ୍ଷା କରିଥିଲେ ଏବଂ ଉଭୟଙ୍କ ମଧ୍ୟରେ