ମୁମ୍ଵାଇ ୦୪।୦୧: ୨୦୦୧ରେ ମୁକ୍ତିଲାଭ କରିଥିବା ସନ୍ନି ଦେଓଲଙ୍କ ଫିଲ୍ମ ‘ଗଦର’ । ଯାହା ଦର୍ଶକଙ୍କ ହୃଦୟରେ ଏକ ସ୍ଥାନ ସୃଷ୍ଟି କରିଥିଲା। ଏହି ଫିଲ୍ମର ଜୋସ୍‌ ଆଜି ବି ଦର୍ଶକଙ୍କ ମଧ୍ୟରେ ଅଛି। ଫିଲ୍ମ ପାଇଁ ସମାନ ପ୍ରେମ ଦେଖିବାକୁ ମିଳୁଛି। ବର୍ତ୍ତମାନ ୨୨ ବର୍ଷ ପରେ ଏହାର ସିକ୍ୱେଲ୍ ଘୋଷଣା କରାଯାଇଛି। ସେବେଠାରୁ ପ୍ରଶଂସକମାନେ ଉତ୍ସାହର ସହିତ ଫିଲ୍ମକୁ ଅପେକ୍ଷା କରିଛନ୍ତି । ଚଳିତ ବର୍ଷ ବଡ ପରଦାରେ ‘ଗଦର ୨’ ରିଲିଜ ହେବାକୁ ଯାଉଛି। ହେଲେ ଏହାର ରିଲିଜ୍ ତାରିଖ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ। କିନ୍ତୁ ବର୍ତ୍ତମାନ ସନି ଦେଓଲଙ୍କ ପ୍ରଥମ ଲୁକ ଫିଲ୍ମରୁ ଦେଖିବାକୁ ମିଳିଛି।

With the biggest stars and power-packed releases, #Zeestudios is all set to make 2023 a blockbuster!✨

#2023 #ZeeStudioslineup #HappyNewYear pic.twitter.com/3mRVpoSWJX

— Zee Studios (@ZeeStudios_) January 3, 2023

ବାସ୍ତବରେ, ଜି ଷ୍ଟୁଡିଓ ୨୦୨୩ରେ ଏହାର ଯୋଜନା ପ୍ରସ୍ତୁତ କରୁଥିବା ୫୦ ସେକେଣ୍ଡର ଭିଡିଓ ଟ୍ୱିଟ୍ କରିଛି । ଏଥିରେ ଚଳିତ ବର୍ଷ ରିଲିଜ୍ ହେବାକୁ ଥିବା ଅନେକ ଛୋଟ ଏବଂ ବଡ ଚଳଚ୍ଚିତ୍ରର ଲୁକ ଦେଖିବାକୁ ମିଳିଛି । ଏହି କ୍ଲିପ୍‌ରେ, ଗଦର-୨ର ସନ୍ନି ଦେଓଲଙ୍କ ଲୁକ୍‌ ମଧ୍ୟ କିଛି ସେକେଣ୍ଡ ପାଇଁ ଦେଖାଯାଏ। ବର୍ତ୍ତମାନ ଏହି ବହୁ ପ୍ରତୀକ୍ଷିତ ଚଳଚ୍ଚିତ୍ରର କେବଳ ଗୋଟିଏ ଲୁକ୍ ଦର୍ଶକଙ୍କ ମଧ୍ୟରେ ଗୁଜବ ସୃଷ୍ଟି କରିଛି । ସନ୍ନି ଦେଓଲ ବହୁତ କ୍ରୋଧିତ ଏବଂ ତାଙ୍କ ଚାରିପାଖରେ ଅନେକ ଲୋକ ନଜର ଆସିଛନ୍ତି । କ୍ଲିପ୍‌ରେ ଏହା ଦେଖିବାକୁ ମିଳେ ଯେ ସନ୍ନି ଦେଓଲ୍ ଏକ ଗାଡିର ଚକ ଧରିଛନ୍ତି । ଏହା ସହ ଖୁବ୍‌ ରାଗରେ ନଜର ଆସିଛନ୍ତି।

କହିବାକୁ ଗଲେ ଯେ ପ୍ରଥମ ଚଳଚ୍ଚିତ୍ରରେ ସନ୍ନି ହ୍ୟାଣ୍ଡପମ୍ପକୁ ଉପରକୁ ଉଠାଇଥିବାର ନଜର ଆସିଥିଲେ।  ତାଙ୍କର ଏହି ଦୃଶ୍ୟ ଏବଂ ଏହି ଚଳଚ୍ଚିତ୍ରର ସଂଳାପଗୁଡ଼ିକ ଆଜି ମଧ୍ୟ ଲୋକଙ୍କ ମୁହଁରୁ ଶୁଣାଯାଏ । ଏଭଳି ପରିସ୍ଥିତିରେ ସନ୍ନିଙ୍କ ସମାନ ଷ୍ଟାଇଲ୍‌ ପୁଣିଥରେ ‘ଗଦର ୨’ରେ ଦେଖିବାକୁ ମିଳିବ। ୨୦୦୧ରେ ଅନିଲ ଶର୍ମାଙ୍କ ନିର୍ଦ୍ଦେଶିତ ଫିଲ୍ମ ‘ଗଦର’ରେ ସନ୍ନି ଦେଓଲଙ୍କ ସହ ଅମିଶା ପଟେଲ ମୁଖ୍ୟ ଅଭିନେତ୍ରୀ ଭାବରେ ନଜର ଆସିଥିଲେ। ଏହି ଚଳଚ୍ଚିତ୍ରରେ ଅନିଲଙ୍କ ପୁଅ ଉତ୍କଳ ଶର୍ମା ସନ୍ନି ଏବଂ ଅମିଶାଙ୍କ ପୁଅ ଭୂମିକାରେ ଅଭିନୟ କରିଥିଲେ। ଏବେ କୁହାଯାଉଛି ଯେ ସମାନ ପରିବାରକୁ ପୁଣିଥରେ ‘ଗଦର ୨’ରେ ଦେଖିବାକୁ ମିଳିବ ।