ମୁମ୍ବାଇ ୦୩।୦୯ : ବର୍ଷ ଶେଷ ଆଡକୁ ଖେଳାଯିବ ବର୍ଡର-ଗାଭାସ୍କର ଟ୍ରଫି । ପୁଣି ଥରେ ମୁହାଁମୁହିଁ ହେବେ ଅଷ୍ଟ୍ରେଲିଆ-ଭାରତ । ଏଥର ଅଷ୍ଟ୍ରେଲିଆରେ ଖେଳାଯିବ ଏହି ଫେମସ୍ ସିରିଜ୍ । ଏହି ସିରିଜ୍ ଆଉ କିଛି ଦିନ ବାକି ରହିଛି । ହେଲେ ଏହା ପୂର୍ବରୁ ଆରମ୍ଭ ହୋଇଯାଇଛି ମାଇଣ୍ଡ ଗେମ୍ । କେତେବେଳେ ଅଷ୍ଟ୍ରେଲିଆ ଖେଳାଳି କହୁଛନ୍ତି .. ଏଥର ଆମ ଦଳ ଜିତିବ.. ଆଉ କେତେବେଳେ ତାଙ୍କୁ କାଉଣ୍ଟର କରି ଟିମ୍ ଇଣ୍ଡିଆର ପୂର୍ବତନ ଖେଳାଳି କହୁଛନ୍ତି , ଏଥର ବି ଗାଭାସ୍କରଙ୍କ ଦେଶକୁ ଟ୍ରଫି ଆସିବ । ଆଉ ଏବେ ସୁନୀଲ ଗାଭାସ୍କର ମଧ୍ୟ ଏହି ରେସ୍ରେ ନିଜକୁ ସାମିଲ କରିଛନ୍ତି । ଭାରତୀୟ କ୍ରିକେଟ୍ର ଏହି ମହାନ ବ୍ୟାଟରଙ୍କ ମତରେ ଏହି ଦେଶ ହିଁ ଜିତିବ ଏଥର ବର୍ଡର-ଗାଭାସ୍କର ଟ୍ରଫି ।
ସୁନୀଲ ଗାଭାସ୍କରଙ୍କ ମତରେ, ଭାରତୀୟ କ୍ରିକେଟ୍ ଟିମ୍ ଏଥର ବି ଅଷ୍ଟ୍ରେଲିଆକୁ ଅଷ୍ଟ୍ରେଲିଆ ମାଟିରେ ହରାଇବ । ଆଉ ୩-୧ରେ ବର୍ଡର-ଗାଭାସ୍କର ଟ୍ରଫି ଜିତିବ । ବର୍ତ୍ତମାନ ସମୟରେ ଭାରତୀୟ ଟିମ୍ ଜବରଦସ୍ତ ଫର୍ମରେ ରହିଛି । ତେଣୁ କୌଣସି ଦଳ ଭାରତୀୟ ଟିମ୍କୁ ହରାଇବା କାଠିକର । ଗତ ତିନି ବର୍ଷ ଧରି ଭାରତୀୟ ଟିମ୍ ଯେଉଁପରି ଭାବରେ ବର୍ଡର-ଗାଭାସ୍କର ଟ୍ରଫି ଉପରେ ନିଜର ଦବ୍ଦବା ଜାହିର କରିଛି । ତାହା ଅତ୍ୟନ୍ତ ପ୍ରଂଶସନୀୟ । ତେଣୁ ଆଗାମୀ ଦିନରେ ବି ଟିମ୍ ଇଣ୍ଡିଆ ନିଜର ଦବ୍ଦବା କାୟମ ରଖିବ ।
ସେହିପରି ଅଷ୍ଟ୍ରେଲିଆ ଟିମ୍ କାହିଁକି ଏହି ସିରିଜ୍କୁ କମ୍ବ୍ୟାକ୍ କରିପାରିବନାହିଁ । ତାହା ମଧ୍ୟ କହିଛନ୍ତି ସୁନୀଲ ଗାଭାସ୍କର । ତେବେ ଲିଟିଲ୍ ମାଷ୍ଟରଙ୍କ ମତରେ, ଡେଭିଡ୍ ଓ୍ୱାର୍ଣ୍ଣରଙ୍କ ଅବସର ପରେ ଅଷ୍ଟ୍ରେଲିଆ ଟିମ୍ର ଓପନିଂ ଯୋଡି ଦୁର୍ବଳ ହୋଇଯାଇଛି । ଏହାବ୍ୟତୀତ ମିଡିଲ୍ ଅର୍ଡରରେ ବି କିଛି ଦୁର୍ବଳତା ଲକ୍ଷ୍ୟ କରାଯାଇଛି । ଯାହାକି ଟିମ୍କୁ ଆଗାମୀ ସିରିଜ୍ରେ ଭୋଗିବାକୁ ପଡିପାରେ ।ତେବେ ଦେଖାଯାଉ ସିରିଜ୍ ଏକପାଖିଆ ହେଉଛି ନା ଟିମ୍ ଇଣ୍ଡିଆ ସିରିଜ୍ରେ ବାଜିମାରୁଛି ।
