ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମାଲିକଙ୍କ ପାଇଁ ଜୀବନ ହାରିଲା ଲାବ୍ରାଡର, ସାପକୁ ମାରିଦେଲା ପଛେ ଘରକୁ ଛାଡିଲାନି

7/08/2022 at 10:58 AM

ସୁନ୍ଦରଗଡ଼ ୦୭।୦୮: ଘର ଭିତରକୁ ପଶିବାକୁ  ଉଦ୍ୟମ କରୁଥିଲା ଏକ ନାଗସାପ । ସାପଟି ପଶି ମାଲିକଙ୍କୁ  କିଛି କ୍ଷତି ପହଞ୍ଚାଇବା ଆଶଙ୍କା କରି ସାପ ସହ ଲଢି  ଯାଇଥିଲା ପୋଷା କୁକୁର । ପୋଷା କୁକୁର ନିଜ ଜୀବନ  ହାରି ଦେଲା ପଛେ ଘର ଭିତରକୁ ପଶିବାକୁ ଦେଲାନି ।  ସୁନ୍ଦରଗଡ଼ ବଡ଼ଗାଁ ଗ୍ରାମପଞ୍ଚାୟତର ବନ୍ଧଢିପା  ଗ୍ରାମରେ ଏଭଳି ଘଟଣା ଘଟିଛି ।

ଖବର ଅନୁଯାୟୀ, ବନ୍ଧଢିପା ଗାଁର ଅବସରପ୍ରାପ୍ତ  ବ୍ୟାଙ୍କ କର୍ମଚାରୀ କୃପାସିନ୍ଧୁ ପଣ୍ଡା ସପରିବାର ବସବାସ  କରନ୍ତି । ଶ୍ରୀ ପଣ୍ଡା ତାଙ୍କ ଘରେ ବହୁ ସଂଖ୍ୟାରେ  କୁକୁର, ବିଲେଇ ଓ ଗାଈ ରଖିଛନ୍ତି । କୃପାସିନ୍ଧୁ ଜଣେ  ପଶୁ ପ୍ରେମୀ ହୋଇଥିବା ବେଳେ ସେ ୬/୭ ପ୍ରଜାତିର  କୁକୁର ରଖିଛନ୍ତି । ଶନିବାର ସକାଳେ ସେ ଘରୁ ବାହାରିବା  ସମୟରେ ଲାବ୍ରାଡର ପ୍ରଜାତିର ଏକ କୁକୁର ଶୋଇବା  ସ୍ଥାନରେ ମୃତ୍ୟୁବରଣ କରିଥିବା ଦେଖିବାକୁ ପାଇଥିଲେ ।  କୁକୁରର ମରଶରୀର ନିକଟରେ ଏକ ନାଗସାପ  ଖଣ୍ଡବିଖଣ୍ଡ ହୋଇ ପଡ଼ିଥିବା ଦେଖିଥିଲେ । ଘଟଣା ସ୍ଥଳକୁ ଦେଖିବା ପରେ ଜଣାପଡ଼ିଥିଲା ଯେ, ସାପଟି  ଘରକୁ ପଶିବାକୁ ଚେଷ୍ଟା କରୁଥିବା ବେଳେ ପୋଷା କୁକୁର  ସାପ ସହ ଲଢେଇ କରି ନିଜର ଜୀବନ ଦେଇଥିଲା ।  ମାତ୍ର ମାଲିକଙ୍କ ଘରକୁ ପଶିବାକୁ ଦେଇନଥିଲା ।

   Related Posts