ରାଉରକେଲା ୦୭।୦୬ : ଡାକ୍ତରଖାନା ଛାତରୁ ଖସିଲା ପ୍ଲାଷ୍ଟର । ଅଳ୍କକେ ବର୍ତ୍ତିଗଲା ଚିକିତ୍ସାଧୀନ ରୋଗୀଙ୍କ ଜୀବନ । ସୁନ୍ଦରଗଡ଼ ଜିଲ୍ଲା ଲହୁଣୀପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଘଟିଛି ଘଟଣା ।  

ଖବର ଅନୁଯାୟୀ, ଲହୁଣୀପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ମହିଳା ବିଭାଗର ଆଠୋଟି ବେଡ୍‌ ରହିଥିବା ବେଳେ ୮ଜଣ ମହିଳା ରୋଗୀ ଭର୍ତ୍ତି ହୋଇ ଚିକିତ୍ସିତ ହେଉଥିଲେ । ରୋଗୀମାନେ ଶୋଇଥିବା ବେଳେ ଛାତରୁ ପ୍ଲାଷ୍ଟର ଖସିଯାଇଛି । ଯାହାଫଳରେ ୧୫ ନମ୍ବର ବେଡ୍‌ରେ ଥିବା ସାବିତ୍ରୀ ମୁଣ୍ଡାଙ୍କ ଗୋଡ ଉପରେ ପଡିଯାଇଥିଲା ।

ସେହିପରି ରୋଗୀଙ୍କ ବେଡ୍‌ ଉପରେ ପ୍ଲାଷ୍ଟର ଖସିଯାଇଥିବା ବେଳେ ଅନ୍ୟମାନ ଅଳ୍ପକେ ବର୍ତ୍ତିଯାଇଛନ୍ତି । ଲହୁଣୀପଡ଼ା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୋଠା ମରାମତି ହୋଇଛି । କିନ୍ତୁ ଏହା ନିମ୍ନମାନର ହୋଇଥିବା ଅଭିଯୋଗ ହୋଇଛି ।

You Can Read :