ମୁମ୍ଵାଇ ୦୭।୦୩:  ୨୦୦ କୋଟି ଟଙ୍କା ଠକେଇ ମାମଲାରେ ସୁକେଶ ଚନ୍ଦ୍ରଶେଖର ଜେଲ୍‌ରେ ଅଛନ୍ତି। ଏହି ମନି ଲଣ୍ଡରିଂ ମାମଲାରେ ଜ୍ୟାକଲିନ ଫର୍ଣ୍ଣାଣ୍ଡିଜ ମଧ୍ୟ ଦୀର୍ଘ ଦିନ ଧରି ଚର୍ଚ୍ଚାରେ ରହିଆସିଥିଲେ। ବର୍ତ୍ତମାନ ସୁକେଶ ଜେଲରେ ଅଛନ୍ତି । ଏବେ ବି ସେ ଜ୍ୟାକ୍‌ଲିନ୍‌ଙ୍କ ପ୍ରେମରେ ଉବୁଟୁବୁ ହେଉଛନ୍ତି।  ସେ ଏକ ଚିଠି ମାଧ୍ୟମରେ ଜ୍ୟାକଲିନଙ୍କୁ ହୋଲି ଶୁଭେଚ୍ଛା ଜଣାଇଛନ୍ତି।

ସୁକେଶ କେବଳ ଜ୍ୟାକଲିନ ଫର୍ଣ୍ଣାଣ୍ଡିସଙ୍କୁ ନୁହେଁ ବରଂ ଗଣମାଧ୍ୟମକୁ ମଧ୍ୟ ଏହି ଚିଠି ଲେଖିଛନ୍ତି । ଏହା ସହିତ ସୁକେଶ ହୋଲି ପାଇଁ ତାଙ୍କ ପରିବାର, ବନ୍ଧୁ, ‘ସମର୍ଥକ ଏବଂ ଘୃଣାକାରୀ’ ତଥା ତାଙ୍କର ଆଇନଗତ ଦଳକୁ କାମନା କରିଥିଲେ। ସୁକେଶ ତାଙ୍କ ଚିଠିରେ ଜ୍ୟାକଲିନଙ୍କୁ ‘ସବୁଠାରୁ ଚମତ୍କାର ମଣିଷ’ ବୋଲି କହିଛନ୍ତି ଏବଂ ତାଙ୍କ ଜୀବନରେ ‘ହଜିଯାଇଥିବା ରଙ୍ଗ’କୁ ଫେରାଇ ଆଣିବାକୁ ପ୍ରତିଜ୍ଞା କରିଛନ୍ତି।

ଜେଲରୁ ଆସିଥିବା ଚିଠିରେ ସୁକେଶ ଲେଖିଛନ୍ତି, ‘ମୁଁ ମଧ୍ୟ ସବୁଠାରୁ ଚମତ୍କାର ବ୍ୟକ୍ତି, ଆଶ୍ଚର୍ଯ୍ୟଜନକ, ମୋର ଏଭରଗ୍ରୀନ ସୁନ୍ଦରୀ ଜ୍ୟାକଲିନଙ୍କୁ ଶୁଭେଚ୍ଛା ଜଣାଉଛି। ଏହି ଦିନ, ରଙ୍ଗର ପର୍ବ, ମୁଁ ତୁମକୁ ପ୍ରତିଶୃତି ଦେଉଛି । ଯେଉଁ ରଙ୍ଗ ଗୁଡ଼ିକ ଫିକା ପଡି ଯାଇଛି କିମ୍ବା ଅଦୃଶ୍ୟ ହୋଇଯାଇଛି। ତାହାକୁ ମୁଁ ୧୦୦ ଗୁଣ କରି ଫେରାଇ ଆଣିବି। ମୁଁ ଏହାକୁ ନିଶ୍ଚିତ କରିବି ଏବଂ ଏହା ମୋର ଦାୟିତ୍ଵ। ତୁମେ ଜାଣିଛ ଯେ ମୁଁ ତୁମ ପାଇଁ ଯେକୌଣସି ସ୍ତରକୁ ଯାଇପାରିବି। ମୋର ବେବି ଗର୍ଲ.. ଆଇ ଲଭ ୟୁ ମାଇ ବେବି.. ଏମିତି ସବୁବେଳେ ହସୁଥାଅ।। ତୁମେ ଭଲ ଭାବରେ ଜାଣିଛ ତୁମେ ମୋ ପାଇଁ କଣ । ଆଇ ଲଭ ୟୁ ମାଇଁ ପ୍ରିନସେସ୍‌, ମିସ୍‌ ୟୁ ମାଇଁ ଲେଡି ଲଭ୍‌ । ବର୍ତ୍ତମାନ ଏହି ଚିଠି ଏବେ ସୋସିଆଲ ମିଡିଆରେ ଭାଇରାଲ୍‌ ହେବାରେ ଲାଗିଛି।