ମୁମ୍ଵାଇ ୧୫।୦୨: ମହାଠକ ସୁକେଶ ଚନ୍ଦ୍ରଶେଖର । ୨୦୦ କୋଟି ମନି ଲଣ୍ଡରିଂ ମାମଲାରେ ଫସିରହିଛନ୍ତି। ତାଙ୍କୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସୁଛି। ହେଲେ ବର୍ତ୍ତମାନ ଆଉ ଏକ ଖବର ପାଇ ଚର୍ଚ୍ଚାକୁ ଆସିଛନ୍ତି। ଭାଲେଣ୍ଟାଇନ୍ସ ଡେ ରେ ସୁକେଶ ଚନ୍ଦ୍ରଶେଖର ଜ୍ୟାକଲିନଙ୍କୁ ଶୁଭେଚ୍ଛା ଜଣାଇଛନ୍ତି। କହିବାକୁ ଗଲେ ମଙ୍ଗଳବାର ତାଙ୍କୁ କୋର୍ଟରୁମ୍ରୁ ନିଆଯାଉଥିଲା । ସେହି ସମୟରେ ତାଙ୍କ ପଚରାଗଲା କି ଜ୍ୟାକଲିନ୍ ଦ୍ଵାରା କରାଯାଇଥିବା ଅଭିଯୋଗ ବିଷୟରେ କଣ କହିବ ?

ମିଡିଆକୁ ଉତ୍ତର ଦେବା ବେଳେ ସୁକେଶ କହିଛନ୍ତି ଯେ ତାଙ୍କ ବିଷୟରେ କିଛି କହିବି ନାହିଁ । ସେ ମୋ ବିଷୟରେ ବହୁତ କିଛି କହିବାର କାରଣ ନିଶ୍ଚୟ ଅଛି। ମୁଁ ତାଙ୍କ ବିଷୟରେ କିଛି କହିବାକୁ ଚାହେଁ ନାହିଁ।” ଯେତେବେଳେ ଜ୍ୟାକଲିନଙ୍କ ସହ ତାଙ୍କର ସମ୍ପର୍କ ବିଷୟରେ ପଚରାଗଲା, ସୁକେଶ କହିଛନ୍ତି ଯେ ମୋ ତରଫରୁ ତାଙ୍କ ଭାଲେଣ୍ଟାଇନ୍ସ ଡେ ଶୁଭେଚ୍ଛା କହିଦେବ।

କହିବାକୁ ଗଲେ ନିକଟରେ ଜ୍ୟାକଲିନ୍ ଫର୍ଣ୍ଣାଣ୍ଡିସ୍ ସୁକେଶ ଚନ୍ଦ୍ରଶେଖରଙ୍କ ବିଷୟରେ କହିଥିଲେ ଯେ ସେ ତାଙ୍କ ଭାବନା ସହିତ ଖେଳିଥିଲେ । ତାଙ୍କ ଜୀବନକୁ ନର୍କରେ ପରିଣତ କରିଥିଲେ। ଏହା ଜଣା ଯେ, ଜ୍ୟାକଲିନ ମଧ୍ୟ ସୁକେଶ ଚନ୍ଦ୍ରଶେଖରଙ୍କ ୨୦୦କୋଟି ଟଙ୍କା ଠକେଇ ମାମଲାରେ ଜଡିତ ଅଛନ୍ତି । ଦୀର୍ଘ ଦିନ ଧରି କୋର୍ଟରେ ଚକ୍କର କାଟୁଛନ୍ତି।