ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

‘ଫନି’ ବାତ୍ୟା କ୍ଷୟକ୍ଷତି ହିତାଧିକାରୀ ଚୟନରେ ବ୍ୟାପକ ଅନିୟମିତତା ଅଭିଯୋଗରେ ଏସୟୁସିଆଇ ପକ୍ଷରୁ ବିକ୍ଷୋଭ

22/11/2019 at 3:57 PM

କଟକ ୨୨।୧୧: କଟକ ସଦର ବ୍ଲକ୍ ରେ ଫନି ବାତ୍ୟା କ୍ଷୟକ୍ଷତି ହିତାଧିକାରୀ ଚୟନରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି । କ୍ଷତିଗ୍ରସ୍ତଙ୍କୁ ବ୍ଲକ୍ ତରଫରୁ ଆବାସ ଯୋଜନାରେ ଅନ୍ତର୍ଭୁକ୍ତ କରିବା ପାଇଁ ଯେଉଁ ସର୍ଭେ କାମ ଚାଲିଛି, ସେଥିରେ ପ୍ରିୟାପ୍ରିତୀ ତୋଷଣ ଓ ଦଳୀୟ ଭିତ୍ତିରେ ହିତାଧିକାରୀଙ୍କ ତାଲିକା ପ୍ରସ୍ତୁତ କରାଯାଉଥିବା ଅଭିଯୋଗ ହୋଇଛି । ଏହାସହ ଯାହା ବି ସର୍ଭେ ହୋଇଛି, ତାହା ଚୂଡାନ୍ତ ପର୍ଯ୍ୟାୟରେ ପହଞ୍ଚି ପାରୁନାହିଁ । ଫଳରେ ବାତ୍ୟାରେ ନିରାଶ୍ରୟ ହୋଇଥିବା ଲୋକେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ବୋଲି ଏସ୍ ୟୁ ସି ଆଇ ପକ୍ଷରୁ ଅଭିଯୋଗ ହୋଇଛି । ଏହିସବୁ ଅଭିଯୋଗ କରି ଆଜି ଏସ୍ ୟୁ ସି ଆଇ ପକ୍ଷରୁ କଟକ ସଦର ବ୍ଲକ୍ ଆଗରେ ବିକ୍ଷୋଭ ପ୍ରଦର୍ଶନ କରାଯାଇଛି ।

ଅନ୍ୟ ପଟେ ସଦର ବ୍ଲକ୍ ବିଡିଓଙ୍କ କହିବା ଅନୁସାରେ କିଛି ଯାଗାରେ ହିତାଧିକାରୀ ଚିହ୍ନଟ ସରିଛି ଓ ଆଉ କିଛି ଯାଗାରେ ସର୍ଭେ କାମ ଚାଲିଛି । ସର୍ଭେ ସରିବା ପରେ ଚୂଡାନ୍ତ ହିତାଧିକାରୀ ତାଲିକା ପଞ୍ଚାୟତ ଅଫିସ୍ ରେ ସର୍ବସାଧାରଣଙ୍କ ଅବଗତି ନିମନ୍ତେ ପ୍ରଦର୍ଶିତ ହେଉଥିବା ବିଡିଓ କହିଛନ୍ତି । ମାତ୍ର ଆନ୍ଦୋଳକାରୀଙ୍କ କହିବା ଅନୁସାରେ ଏହା କେବଳ ଧର୍ମକୁ ଅଖିଠାର । କାଗଜ କଲମରେ ହିତାଧିକାରୀ ତାଲିକା ଟଙ୍ଗା ଯାଉଛି । ମାତ୍ର ବାସ୍ତବପକ୍ଷେ ସେପରି ହେଉ ନାହିଁ ।

   Related Posts