କାଲିମେଳା ପୋଲିସକୁ ସଫଳତା, ଗଞ୍ଜେଇ ଚାଲାଣ ବେଳେ ଜଣେ କନଷ୍ଟେବଲଙ୍କ ସହ ୭ ଗିରଫ

Published By : Prameya-News7 Bureau | May 25, 2023 IST

କାଲିମେଳା: ମାଲକାନଗିରି ପୋଲିସକୁ ସଫଳତା । ଗଞ୍ଜେଇ ଚାଲାଣ ବେଳେ ପୋଲିସ ପାଟ୍ରୋଲିଂରେ ଧରାପଡିଲେ ସାତ ଜଣ l ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ କମଳାପଦର ଛକ ନିକଟରୁ ସମସ୍ତ ଅଭିଯୁକ୍ତଙ୍କ ଗିରଫ କରିଛି ପୋଲିସ । ସେମାନଙ୍କ ନିକଟରୁ ଏକ କ୍ୱିଣ୍ଟାଲ ଗଞ୍ଜେଇ ଜବତ କରାଯାଇଛି ।

{"id":792472,"sizeSlug":"full","linkDestination":"none"}

ଗଞ୍ଜେଇ ଚାଲାଣରେ ଗିରଫ ସାତ ଜଣଙ୍କ ମଧ୍ୟରେ ଜଣେ ପୋଲିସ କନଷ୍ଟେବଲ ଥିବା ଜଣାପଡ଼ିଛି । ତେଲେଙ୍ଗାନର ପୋଲିସ କନଷ୍ଟେବଲ ଆର.ଶ୍ରୀନୁ ନାୟକଙ୍କୁ ଗିରଫ କରାଯାଇଛି । ଗିରଫ ଅନ୍ୟମାନଙ୍କ ମଧ୍ୟରେ ମହାରାଷ୍ଟ୍ର, ତେଲେଙ୍ଗାନା, ଆନ୍ଧ୍ରପ୍ରଦେଶର ରହିଥିବା ବେଳେ ଜଣେ ମାଲକାନଗିରିର ଅଛନ୍ତି l ସେମାନଙ୍କଠାରୁ ଏକ କ୍ୱିଣ୍ଟାଲ ଗଞ୍ଜେଇ, ଦୁଇଟି କାର ଓ ୬ଟି ମୋବାଇଲ ଜବତ କରିଛି ପୋଲିସ l ମାଝିପାକା କୁରମାନୁର ରାସ୍ତା ଦେଇ ଆନ୍ଧ୍ର ଓ ତେଲେଙ୍ଗାନାକୁ ଚାଲାଣ ହେଉଥିଲା ଗଞ୍ଜେଇ  l ଅଭିଯୁକ୍ତଙ୍କୁ କୋର୍ଟ ଚାଲାଣ ସହ ଘଟଣାର ଅଧିକ ତଦନ୍ତ ଜାରି ରଖିଛି ପୋଲିସ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.