କଟକ: ଜିଲ୍ଲା ଅବକାରୀ ବିଭାଗକୁ ମିଳିଲା ବଡ଼ ସଫଳତା। ଚଢ଼ଉ କରି ବହୁ ପରିମାଣର ମଦ ପୋଚ ସହ ଦେଶୀ ମଦ ଜବତ କରିଛି। ସୂଚନା ଅନୁଯାୟୀ, କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ ପାଳ କଟା ଓ ବାଙ୍କି ଥାନା ଅନ୍ତର୍ଗତ ଢେଗୁଆ ଗ୍ରାମରେ ବେଆଇନ୍ ଭାବେ ଦେଶୀ ମଦ ତିଆରି କରାଯାଉଥିବା ସୂଚନା ପାଇ ଅଚାନକ ଚଢାଉ କରିଥିଲା ଅବକାରୀ ବିଭାଗ।
ଆଉ ଏହି ସମୟରେ ସମୟରେ ୨୧ ହଜାର ୮୦୦ ଶହ ଲିଟର ମଦ ପୋଚ ଓ ୧୯୬୦ ଲିଟର ଦେଶୀ ମଦ ଜବତ କରାଯାଇଛି। ଏହି ଘଟଣାରେ ୬ ଜଣ ମଦ ବ୍ୟବସାୟୀ ଫେରାର ହୋଇଯାଇଥିବା ବେଳେ ତାଙ୍କ ବିରୁଦ୍ଧ ରେ ମାମଲା ରୁଜୁ କରିଛି ବିଭାଗ। ଏହା ସହ ଅବକାରୀ ବିଭାଗ ପକ୍ଷରୁ ଜବତ ହୋଇଥିବା ପୋଚ ଓ ମଦକୁ ସେହି ସ୍ଥାନରେ ହିଁ ନଷ୍ଟ କରାଯାଇଥିଲା ।
ଆହୁରି ପଢ଼ନ୍ତୁ: ବାସୁଦେବପୁର ପୋଲିସକୁ ସଫଳତା: ବିପୁଳ ପରିମାଣର ଗଞ୍ଜେଇ ସହିତ ଦୁଇ ଗିରଫ