କଟକ ୩୧/୦୧: କଟକ ସବ ରେଜିଷ୍ଟ୍ରାର ଅଫିସରେ ଅଗ୍ନିକାଣ୍ଡ । ସବ ରେଜିଷ୍ଟ୍ରାର ଅଫିସ ରେକର୍ଡ ରୁମ୍ରେ ଲାଗିଛି ନିଆଁ । ନିଆଁରେ ହୁତୁହୁତୁ ହୋଇ ଜଳିଯାଇଛି ଆସବାବପତ୍ର । ନିଆଁ ଲିଭା କାର୍ଯ୍ୟରେ ୩ଟି ଦମକଳ ବାହିନୀ ନିୟୋଜିତ ଅଛନ୍ତି ।
ନିଆଁରେ ଫଶିଥିବା ଜଣେ ବ୍ୟକ୍ତିଙ୍କୁ ଉଦ୍ଧାର କରିଛି ଦମକଳ ବାହିନୀ । ସେପଟେ ଘଟଣାସ୍ଥଳରେ ପହଞ୍ଚିଛନ୍ତି ପୋଲିସ ଓ ଅଗ୍ନିଶମବାହିନୀର ବରିଷ୍ଠ ଅଧିକାରୀ ।
ନିଆଁ ଲାଗିବାର କାରଣ ଅସ୍ପଷ୍ଟ ଥିଲେ ବି ରେଜିଷ୍ଟ୍ରାର ଅଫିସ ନିକଟରେ ଥିବା ହୋଟେଲରୁ ନିଆଁ ଲାଗି ବ୍ୟାପିଥିବା ସନ୍ଦେହ କରାଯାଉଛି । ପ୍ରଥମେ ହୋଟେଲ , ପରେ ଅବକାରୀ ବିଭାଗ ଗୋଦାମ ଏବଂ ସବ ରେଜିଷ୍ଟ୍ରାର ଅଫିସକୁ ନିଆଁ ବ୍ୟାପିଥିବା ଜଣାପଡିଛି ।
