Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତରେ ଭିଏଲସି ମିଡିଆ ପ୍ଲେୟାର ବ୍ୟାନ୍, ଓ୍ୱେବସାଇଟରେ ଆସୁଛି ଆଇଟି ଆକ୍ଟ ମେସେଜ୍
  • ||
  • ୨୪ ଘଣ୍ଟାରେ ଘନୀଭୂତ ହେବ ଲଘୁଚାପ, ପ୍ରଭାବରେ ଦୁଇଦିନ ପ୍ରବଳ ବର୍ଷିବ
  • ||
  • ରେଳ ଧାରଣାରୁ ମିଳିଲା ମନ୍ତ୍ରୀଙ୍କ ଭଣଜାଙ୍କ ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ଦେଶରେ ଉପରତଳ କରୋନା ଗ୍ରାଫ୍, ୨୪ ଘଣ୍ଟାରେ ବାହାରିଲେ ୧୫୮୧୫ କରୋନା ପଜିଟିଭ୍
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୦୩ କୋଭିଡ୍ ପଜିଟିଭ୍
  • ||
  • କନ୍ନଡ ଗାୟକ ଶିବମୋଗା ସୁବାନାଙ୍କ ଦେହାନ୍ତ, ୮୩ ବର୍ଷ ବୟସରେ ହୃଦଘାତରେ ପରଲୋକ
  • ||
  • ଲଘୁଚାପ ସକ୍ରିୟ : ଦୁଇ ଦିନ ଯାଏଁ ପ୍ରବଳ ବର୍ଷା, ଫୁଲୁଛି ବିଭିନ୍ନ ନଦୀ
  • ||

ଭାରତ ବନ୍ଦକୁ ସମର୍ଥନ କରିଥିବା ଥାନା ପ୍ରଭାରୀ ନିଲମ୍ବିତ, ଜୋର ଜବରଦସ୍ତ ଦୋକାନ ବନ୍ଦ କରାଇଥିବା ଭିଡିଓ ଭାଇରାଲ

9/12/2020 at 2:13 PM

ଲକ୍ଷ୍ନୌ ୦୯/୧୨ : ଡିସେମ୍ବର ୮ ତାରିଖରେ କୃଷକ ସଂଗଠନ ଦ୍ୱାରା ଭାରତ ବନ୍ଦ ଡାକରା ଦିଆଯାଇଥିଲା। ଭାରତ ବନ୍ଦ ସମୟରେ ଜୋର ଜବରଦସ୍ତ ଦୋକାନ ବନ୍ଦ କରାଇଥିବା ଥାନା ପ୍ରଭାରୀ ରାମ ସୁଧାର ଯାଦବଙ୍କୁ ପୋଲିସ କମିଶନର ଡିକେ ଠାକୁର ନିଲମ୍ବନ କରିଛନ୍ତି। ମଙ୍ଗଳବାର ଭାରତ ବନ୍ଦ ସମୟରେ ରାମ ସୁଧାର ଯାଦବ ସରୋଜିନୀନଗରରେ ଜୋର ଜବରଦସ୍ତ ଲୋକଙ୍କ ଦୋକାନ ବନ୍ଦ କରାଇ ଦେଇଥିଲେ। ଏହାର ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା।

ସରୋଜିନୀନଗରରେ କିଛି ଦୋକାନୀ ଥାନା ପ୍ରଭାରୀଙ୍କ ବିରୋଧରେ ଅଭିଯୋଗ କରିଥିଲେ। ଏୟାରପୋର୍ଟ ଭିଆଇପି ଛକରେ ଥିବା ଜଣେ ମିଠା ଦୋକାନୀ ଥାନା ପ୍ରଭାରୀଙ୍କ ଉପରେ ଆରୋପ ଲଗାଇଥିଲେ ଯେ ସେ ଜବରଦସ୍ତ ଦୋକାନ ବନ୍ଦ କରାଇଦେଇଥିଲେ। ଦୋକାନୀଙ୍କ ଅଭିଯୋଗ ପରେ ଥାନା ପ୍ରଭାରୀଙ୍କୁ ନିଲମ୍ବନ କରାଯାଇଛି।

ସୂଚନାଯୋଗ୍ୟ ଯେ, ଭାରତ ବନ୍ଦ ସତ୍ତ୍ୱେ ଉତ୍ତର ପ୍ରଦେଶ ରାଜଧାନୀ ଲକ୍ଷ୍ନୌରେ ସମସ୍ତ ମୁଖ୍ୟ ବଜାର ଖୋଲାଥିଲା। କିଛି ଜାଗାରେ ମଙ୍ଗଳବାର ଦିନ ସାପ୍ତାହିକ ବନ୍ଦ ଥିଲା। କିନ୍ତୁ ତା ସତ୍ତ୍ୱେ ଅନେକ ଦୋକାନ ଖୋଲାଥିଲା। ଲକ୍ଷ୍ନୌର ଗ୍ରାମୀଣ ଅଞ୍ଚଳରେ ମଧ୍ୟ ଅନେକ ଦୋକାନ ଖୋଲାଥିଲା। ପୋଲିସର ସଠିକ ରଣନୀତି ଯୋଗୁଁ ରାଜଧାନୀରେ ଶାନ୍ତି ବ୍ୟବସ୍ଥା ବଜାୟ ରହିଥିଲା।

କୃଷକ ଆଇନ ବିରୋଧରେ ଅନେକ ରାଜନୈତିକ ଦଳର ବିରୋଧ ପ୍ରଦର୍ଶନ ସତ୍ତ୍ୱେ ଅନେକ ଚାଷୀ ନିଜ କ୍ଷେତରେ କାମ କରୁଥିବା ନଜର ଆସିଥିଲେ। ଗ୍ରାମୀଣ ଅଞ୍ଚଳରେ ବନ୍ଦର ଖାସ ପ୍ରଭାବ ପଡ଼ିନଥିଲା। ଅନେକ ରାଜନୈତିକ ଦଳ ରାସ୍ତାକୁ ଓହ୍ଲାଇଥିଲେ କିନ୍ତୁ ପୋଲିସ ସନ୍ତୁ ଶୁଙ୍ଖଳା ବଜାୟ ରଖିଥିଲା।

   Related Posts