ଆନନ୍ଦପୁର ୧୩।୦୩: ମାଟ୍ରିକ ପରୀକ୍ଷା କେନ୍ଦ୍ର ପାଖରେ ଥିବା ଜେରକ୍ସ ଦୋକାନରେ ଉପଜିଲ୍ଲାପାଳଙ୍କ ଚଢାଉ। କେନ୍ଦୁଝର ଆନନ୍ଦପୁର ପୌରପାଳିକା ଅଞ୍ଚଳରେ ଥିବା କେତେକ ମାଟ୍ରିକ୍ ପରୀକ୍ଷାକେନ୍ଦ୍ର ନିକଟ ଜେରକ୍ସ ଦୋକାନରେ ଉପଜିଲ୍ଲାପାଳ ଓ ଏସଡିପିଓ ମିଳିତ ଚଢାଉ କରିଛନ୍ତି।

ଖବର ଅନୁଯାୟୀ,  ଏସବୁ ଜେରକ୍ସ ଦୋକାନ ଗୁଡିକରୁ ପରୀକ୍ଷା ଦିନ ସମ୍ଭାବ୍ୟ ପ୍ରଶ୍ନ ଗୁଡିକର ଉତ୍ତର ମାଇକ୍ରୋ ଜେରକ୍ସ କରାଯାଇ ପରିକ୍ଷାର୍ଥୀଙ୍କୁ ବିକ୍ରି କରାଯାଉଥିବା ଅଭିଯୋଗ ହୋଇଥିଲା । ଆଜିର ଚଢାଉ ସମୟରେ ଦୋକାନୀ ମାନଙ୍କୁ ତାଗିଦ କରାଯାଇଛି । ପରୀକ୍ଷା ଦିନ ଏସବୁ ଜେରକ୍ସ ଦୋକାନ ମାନଙ୍କୁ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି । ପରୀକ୍ଷା ସେପଟେ କେନ୍ଦ୍ରରେ ଆହୁରି କଡାକଡି ଭାବେ କପି ଚେକିଂ କରିବାକୁ ନିର୍ଦ୍ଦେଶ ଦେଇଛନ୍ତି ଉପଜିଲ୍ଲାପାଳ।