ଚଣ୍ଡିଖୋଲ ୧୮/୧୨: ଚଣ୍ଡିଖୋଲରେ ଅଭାବନୀୟ ଘଟଣା । ଚଣ୍ଡିଖୋଲ ବିଦ୍ୟାଳୟ ପରିସରରୁ ଝୁଲନ୍ତା ଅବସ୍ଥାରେ ଦଶମ ଶ୍ରେଣୀ ଛାତ୍ରୀଙ୍କ ମୃତଦେହ ଉଦ୍ଧାର । ଯାଜପୁର ଜିଲ୍ଲା ବାଲିଚନ୍ଦ୍ରପୁର ଥାନା ବଡ଼ବାଲିକୁଦା ବିଦ୍ୟାଳୟରେ ଝୁଲନ୍ତା ଅବସ୍ଥାରେ ଛାତ୍ରୀଙ୍କ ମୃତଦେହ ଉଦ୍ଧାର କରିଛି ପୋଲିସ ।
ସୂଚନା ଅନୁଯାଇ, ବଡବାଲିକୁଦା ଗ୍ରାମର ପଙ୍କଜ ରାଉତଙ୍କ ଝିଅ ଦଶମ ଶ୍ରେଣୀରେ ପାଠ ପଢ଼ୁଥିଲେ । ଶନିବାର ରାତିରୁ ଘରୁ କେଉଁ ଆଡେ ନିଖୋଜ ହୋଇଯାଇଥିଲେ । ପରିବାର ଲୋକ ବହୁ ଖୋଜାଖୋଜି କରିଥିଲେ ମଧ୍ୟ ଝିଅର କୌଣସି ଖବର ପାଇନଥିଲେ । ମାତ୍ର ରବିବାର ସକାଳୁ ବଡବାଲିକୁଦା ବିଦ୍ୟାଳୟ ପରିସରରୁ ଝିଅର ଝୁଲନ୍ତା ମୃତଦେହ ସ୍ଥାନୀୟ ଲୋକ । ପରେ ପୋଲିସକୁ ଖବର ଦେବା ସହିତ ପରିବାର ଲୋକଙ୍କୁ ଜଣାଇଥିଲେ । ବାଲିଚନ୍ଦ୍ରପୁର ପୋଲିସ ଘଟଣାସ୍ଥରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ସ୍ଥାନୀୟ ଲୋକଙ୍କ କହିବା ଅନୁଯାୟୀ, ଜଣେ ଯୁବକଙ୍କ ସହିତ ଛାତ୍ରୀଙ୍କର ପ୍ରେମ ସମ୍ପର୍କ ଗଢି ଉଠିଥିଲେ । ପ୍ରେମ ସମ୍ପର୍କ ପାଇଁ ଝିଅକୁ ହତ୍ୟା କରାଯାଇଥିବା କହିଛନ୍ତି ଅଭିଯୋଗ ଆଣିଛନ୍ତି ପରିବାର ଲୋକ ।