ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

କପି ରୋକିବାକୁ ଅଧ୍ୟାପିକାଙ୍କ ଅଭିନବ ଉଦ୍ୟମ, ଛାତ୍ରଛାତ୍ରୀଙ୍କୁ ପିନ୍ଧାଇଲେ ସ୍ଵତନ୍ତ୍ର ଟୋପି

26/10/2022 at 12:40 PM

ନୂଆଦିଲ୍ଳୀ ୨୬।୧୦: ପରୀକ୍ଷା ସମୟରେ ନକଲ ବା କପିକୁ ରୋକିବା ଲାଗି  ଫିଲିଫାଇନ୍ସର ଜଣେ ଅଧ୍ୟାପିକା ଏକ ଅଭିନବ ଉଦ୍ୟମ କରିଛନ୍ତି । ସେ ଛାତ୍ରୀଛାତ୍ରୀମାନଙ୍କୁ ସ୍ୱତନ୍ତ୍ର ଟୋପି ପିନ୍ଧାଇଥିବା  ଜଣାପଡ଼ିଛି। ସେହି ଟୋପିଗୁଡ଼ିକର ଫଟୋ ଏବେ ଭାଇରାଲ୍‌  ହେଉଛି । ଅଧ୍ୟାପିକା ଜଣକ ହେଲେ ମ୍ୟାରି ଜୟ ମାଣ୍ଡେନ୍‌  ଓଟିଜ୍‌ । ଓଟିଜ୍‌ ଲିଗାଜ୍‌ପି ସହରର ବିକୋଲ ୟୁନିଭରସିଟି  କଲେଜ ଅଫ୍‌ ଇଞ୍ଜିନିୟରିଂରେ ପାଠପଢ଼ାନ୍ତି ।

ଏ ସଂପର୍କରେ  ସେ କହିଛନ୍ତି, ସେମିଷ୍ଟାର ପରୀକ୍ଷାରେ ସମୟ ସମୟରେ  ଛାତ୍ରଛାତ୍ରୀମାନେ ପରସ୍ପରର ଉତ୍ତରଖାତା ଦେଖି କିଛି ପ୍ରଶ୍ନର  ଉତ୍ତର ଲେଖିଥାନ୍ତି। ସେହି ସମସ୍ୟାର ସମାଧାନ ଲାଗି ମୁଁ  ସବୁବେଳେ ଚିନ୍ତା କରୁଥିଲି । ସେହିପରି ପିଲାମାନେ ଯେପରି  ସଚ୍ଚୋଟତାର ସହ ପରୀକ୍ଷା ଦେବେ ସେଥିଲାଗି ସେମାନଙ୍କୁ  ପ୍ରେରିତ କରିବାକୁ ମୁଁ ଏକ ମଜାଦାର ଉପାୟ ଖୋଜୁଥିଲି ।  ଏହିକ୍ରମରେ ଥାଇଲାଣ୍ଡରେ ୨୦୧୩ରେ ବ୍ୟବହାର ହୋଇଥିବା  ଏକ ଟେକନିକ୍‌ ସଂପର୍କରେ ଜାଣିବାକୁ ପାଇଲି । ସେଥିରେ  ଛାତ୍ରଛାତ୍ରୀମାନଙ୍କୁ ସ୍ୱତନ୍ତ୍ର ଟୋପି ପିନ୍ଧାଯାଇଥିଲା । ସେହି  ଟୋପିଗୁଡ଼ିକୁ ଏମିତି ଭାବେ ଡିଜାଇନ୍‌ କରାଯାଇଥିଲା ଯେପରିକି  ଛାତ୍ରଛାତ୍ରୀମାନେ ପରସ୍ପରର ଉତ୍ତରଖାତା ଦେଖିପାରିବେ ନାହିଁ । 

ସାଧାରଣ ଟୋପିଗୁଡ଼ିକ କେବଳ ମୁଣ୍ଡକୁ କଭର୍‌ କରୁଥିବାବେଳେ  ସେହି ଟୋପିରେ କାନ ପାଖରୁ ତଳକୁ କପଡ଼ା ସବୁ ଲାଗିଥିବାର  ଦେଖିଲି । କିଛି ଟୋପିରେ ପୂରା ମୁହଁକୁ ଆବୃତ୍ତ କରିବା ଭଳି ମୁଖା  ବି ଥିଲା । ସେଥିରୁ ଅନୁପ୍ରାଣିତ ହୋଇ ମୁଁ ଆମ କଲେଜରେ  ତାକୁ ପ୍ରୟୋଗ କରିବାକୁ ଚିନ୍ତା କଲି । ଛାତ୍ରଛାତ୍ରୀମାନଙ୍କୁ ନିଜର  ମନମୁତାବକ ଟୋପିକୁ ଡିଜାଇନ୍‌ କରିବାକୁ କହିଲି । ସେମାନେ  କାର୍ଡବୋର୍ଡ, ଅଣ୍ଡାଖୋଳ ଓ ଅନ୍ୟାନ୍ୟ ଅବ୍ୟବହୃତ ଜିନିଷରୁ  ଏହି ଟୋପି ପ୍ରସ୍ତୁତ କଲେ । ସେମାନଙ୍କର ଏହି ପ୍ରୟାସକୁ ଏବେ  ବିଭିନ୍ନ ମହଲକୁ ପ୍ରଶଂସା ମିଳୁଛି ।

   Related Posts