scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଜୋର ଧରିଲା ତାଳଚେରକୁ ଜିଲ୍ଲା ଘୋଷଣା ଦାବି, ରାଷ୍ଟ୍ରପତି ଏବଂ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ

28/11/2022 at 2:08 PM

ଅନୁଗୁଳ ୨୮।୧୧ : ଜୋର ଧରିଲା ତାଳଚେରକୁ ଜିଲ୍ଲା ଘୋଷଣା ଦାବି । ପାଲଲହଡ଼ା ଏବଂ ତାଳଚେର ଉପଖଣ୍ଡକୁ ନେଇ ତାଳଚେରକୁ ଜିଲ୍ଲା ଘୋଷଣା କରାଯାଉ। ଯଦି ଏହି ଦାବି ପୂରଣ ନହୁଏ । ତେବେ ଆଗାମୀ ଦିନରେ ଆନ୍ଦୋଳନକୁ ଜୋରଦାର କରାଯିବ ବୋଲି ବିଭିନ୍ନ ସଂଗଠନ ପକ୍ଷରୁ ପ୍ରଶାସନକୁ ଚେତାବନୀ ଦିଆଯାଇଛି ।

ଖବର ଅନୁଯାୟୀ, ୧୯୯୩ ମସିହାରୁ ତାଳଚେରକୁ ଜିଲ୍ଲା ଘୋଷଣା କରିବା ଦାବି ହୋଇଆସୁଛି । ଏହାସହିତ ପାଲଲହଡ଼ା ନଗିରା ଉପାନ୍ତ ଅଞ୍ଚଳରୁ ଅନୁଗୁଳ ୧୧୦ କିମି ଦୂର ହେଉଛି । ତେଣୁ  ନ୍ୟାୟ ହେଉ ଅବା ଅନ୍ୟାନ୍ୟ ପ୍ରଶାସନିକ ସେବା ପାଇଁ ସାଧାରଣ ଲୋକଟି  ଅନେକ ହଇରାଣ ହେଉଛି । ତେଣୁ ସୋମବାର ତାଳଚେର  ଏବଂ ପାଲଲହଡ଼ା ଉପଖଣ୍ଡର ସରପଞ୍ଚ, ସମିତି ସଭ୍ୟ ଏବଂ ଜିଲ୍ଲା ପରିଷଦ ସଦସ୍ୟାମାନେ ମିଶି ଏକ ଦାବିପତ୍ର ଜିଲ୍ଲାପାଳଙ୍କ ଜରିଆରେ ମାନ୍ୟବର ରାଷ୍ଟ୍ରପତି ଏବ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦେଇଛନ୍ତି ।

ସେହିପରି ତାଳଚେର ସୁରକ୍ଷା ମଞ୍ଚ ପକ୍ଷରୁ ମଧ୍ୟ ଏସଂପର୍କିତ ଦାବିପତ୍ର ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦିଆଯାଇଛି । ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନ ଜୋରଦାର କରାଯିବ ବୋଲି ମଧ୍ୟ ଚେତାବନୀ ଦେଇଛନ୍ତି । ତେବେ ସୁରକ୍ଷାକୁ ଦୃଷ୍ଟିରେ ରେଖି ଅନୁଗୁଳ ଜିଲ୍ଲାପାଳଙ୍କ ଅଫିସରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି ।

   Related Posts