ଖଲ୍ଲିକୋଟ ୦୮।୦୨ : ଗଞ୍ଜାମ ଜିଲ୍ଲାପାଳ ଅଫିସ ଆଗରେ ଜମାକାରୀଙ୍କ ବିକ୍ଷୋଭ । ସାହାରା ଓ ଅନ୍ୟାନ୍ୟ କମ୍ପାନୀ ଦ୍ୱାରା କ୍ଷତିଗ୍ରସ୍ତ ଜମାକାରୀଙ୍କ ଅର୍ଥ ରାଶି ତୁରନ୍ତ ଫେରସ୍ତ ଦାବିରେ ବିକ୍ଷୋଭ ସହ ଧାରଣା ।  ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ପୋଲିସ ଫୋର୍ସ ମୁତୟନ କରାଯାଇଛି ।

ଖବର ଅନୁଯାୟୀ, ସାହାରା ଓ ଅନ୍ୟାନ୍ୟ ସଂସ୍ଥା ରାଜ୍ୟର ଲକ୍ଷ ଲକ୍ଷ ଜମାକାରୀଙ୍କୁ ଲୋଭନୀୟ ସ୍କିମ ଦେଖାଇ ଅର୍ଥ ରାଶି ଜମା କରାଇଥିଲେ । ହେଲେ ଏବେ ଆଉ ଜମାକାରୀଙ୍କୁ ଟଙ୍କା ଫେରସ୍ତ କରୁନାହିଁ କମ୍ପାନୀ | ୮ରୁ ୯ ବର୍ଷ ହେବ ଟଙ୍କା ନପାଇ ଜମାକାରୀମାନେ ଅତିଷ୍ଠ ହୋଇଗଲେଣି । ଶେଷରେ ନିଜ ଅର୍ଥରାଶିକୁ ଫେରସ୍ତ ପାଇବା ଦାବିରେ ଛତ୍ରପୁର ଉପର ବସଷ୍ଟାଣ୍ଡ ଛକରୁ ଏକ ରାଲି ବାହାରି ଜିଲ୍ଲାପାଳଙ୍କ ଅଫିସ ଆଗରେ ପହଞ୍ଚି ଗଣସତ୍ୟାଗ୍ରହ କରିଛନ୍ତି । ଗଞ୍ଜାମ ଜିଲ୍ଲାର ବିଭିନ୍ନ ଅଞ୍ଚଳରୁ ହଜାର ହଜାର ଲୋକେ ଧାରଣାରେ ବସିଛନ୍ତି । ଜମା ହୋଇଥିବା ରାଶି ଉପରେ ସୁଧ ହାର ଯୋଡି ଟଙ୍କା ଫେରସ୍ତ କରିବାକୁ ଦାବି କରିଛନ୍ତି କ୍ଷତିଗ୍ରସ୍ତ ।