ବରଗଡ ୧୯।୧୧: କୃଷି ଓ ଶିଳ୍ପ ପ୍ରଧାନ ଜିଲ୍ଲା ବରଗଡରେ ପ୍ରତିବର୍ଷ ଶତଧିକ ଲୋକ ମାରାତ୍ମକ କ୍ୟାନସର ରୋଗରେ ଆକ୍ରାନ୍ତ ହୋଇ ମୃତ୍ୟୁବରଣ କରୁଥିବା ବେଳେ ବରଗଡରେ ଏକ କ୍ୟାନସର ହସ୍ପିଟାଲର ଆବଶ୍ୟକତା ରହିଛି । ବରଗଡ଼ରେ ୧୧୦ ଧାନ ମିଲ, ୬ ଟି ତେଲ ମିଲ୍ ସମେତ ସିମେଣ୍ଟ କାରଖାନା ଆଦି ରହିଛି । ଏଥିସହ ଚାଷ କାର୍ଯ୍ୟରେ ରାସାୟନିକ ସାରର ବହୁଳ ବ୍ୟବହାର ଏହାର କାରଣ ଦର୍ଶାଇ ୟୁଏଫସିଏଚବି ପକ୍ଷରୁ ଏହି ଗଣଧାରଣା ଦିଆଯାଇଛି । ଏଥିରେ ବହୁ ନାଗରିକ, ସମାଜସେବୀ, ବୁଦ୍ଧିଜୀବୀ, ସାହିତ୍ୟିକ, ସାମ୍ବାଦିକ ଆଦି ସାମିଲ ହୋଇଛନ୍ତି ।