ବେଙ୍ଗାଲୁରୁ: ବନ୍ଦେ ଭାରତ ଏକ୍ସପ୍ରେସ୍ ଉପରେ ପଥରମାଡ଼ କରିବା ଏକ ସାଧାରଣ କଥା ହୋଇଗଲାଣି। ରାଜନୈତିକ ହିଂସା ଓ ସରକାରୀ ଉଦାସୀନତା ଯୋଗୁ ବାରମ୍ବାର ଏଭଳି ଘଟଣା ଘଟୁଥିବା ଅଭିଯୋଗ ହେଉଛି। ଶନିବାର ତାମିଲନାଡୁରେ ପୁଣି ବେନ୍ଦ ଭାରତ ଏକ୍ସପ୍ରେସ ଉପରେ ପଥର ମାଡ଼ ହୋଇଛି। ମହୀଶୂର-ଚେନ୍ନାଇ ଫେରନ୍ତା ବନ୍ଦେ ଭାରତ ଏକ୍ସପ୍ରେସ ଉପରେ ଆକ୍ରମଣ ହୋଇଛି। ଟ୍ରେନ୍‌ର ଦୁଇଟି ଝରକା କାଚ ଭାଙ୍ଗିଯାଇଥିବା ସୂଚନା ମିଳିଛି।

କୃଷ୍ଣରାଜପୁରମ ଏବଂ ବେଙ୍ଗାଲୁରୁ କାଣ୍ଟନମେଣ୍ଟ ରେଳ ଷ୍ଟେସନ ମଝିରେ ଦୁର୍ବୃତ୍ତମାନେ ଟ୍ରେନ୍ ଉପରକୁ ପଥରମାଡ଼ କରିଥିଲେ। ଏହି ଦୁର୍ଘଟଣାରେ କୌଣସି ଯାତ୍ରୀ ଆହତ ହୋଇ ନଥିବା ସୂଚନା ମିଳିଛି। ତେବେ ଏହି ଘଟଣାରେ ରେଳବାଇ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।

ନିକଟରେ ଅନେକ ଥର ବନ୍ଦେ ଭାରତ ଏକ୍ସପ୍ରେସ ଉପରେ ପଥରମାଡ଼ ଘଟଣା ଘଟିଛି। ୨୦୨୩ ଜାନୁଆରୀ ମାସରେ ରେଳବାଇ ପୁଲିସ ୨୧ଟି ପଥରମାଡ଼ ମାମଲା ରୁଜୁ କରିଛି। ସେହିପରି ଫେବ୍ରୁଆରୀ ମାସରେ ବେଙ୍ଗାଲୁରର ଦକ୍ଷିଣ ପଶ୍ଚିମ ରେଳବାଇ ଜିଭିଜନ ଏପର୍ଯ୍ୟନ୍ତ ସୁଧା ୧୩ଟି ମାମଲା ରୁଜୁ ହୋଇଛି କରାଯାଇଛି। ସେହିପରି ଦେଶର ଅନେକ ରାଜ୍ୟର ମଧ୍ୟ ଏଭଳି ପଥରମାଡ଼ ଘଟଣା ଘଟିଛି।