ଭୁବନେଶ୍ୱର ୩୦।୦୯ : ଏସ୍‌ଟିଏଫ୍‌ ପଞ୍ଝାରେ ବଜ୍ରକାପ୍ତା ବ୍ୟବସାୟୀ । ବଲାଙ୍ଗୀର ଜିଲ୍ଲା ଦେବଗାଓଁ ବିଡି ଘାଟ ନିକଟରୁ ଜୀବନ୍ତ ବଜ୍ରକାପ୍ତାକୁ ଜବତ କରିଛି ଏସ୍‌ଟିଏଫ୍‌ ଟିମ୍‌ । ଏହାସହିତ ଜଣେ ବେପାରୀଙ୍କୁ ମଧ୍ୟ ଗିରଫ କରିଛି ଟିମ୍‌ ।

ଖବର ଅନୁଯାୟୀ, ୧୦ ଲକ୍ଷ ଟଙ୍କାରେ ବଜ୍ରକାପ୍ତାଟିକୁ ବିକ୍ରି ପାଇଁ ହୋଇଥିଲା ଯୋଜନା । ଆଉ ଏହି ଯୋଜନା କ୍ରମରେ ବଲାଙ୍ଗୀର ଜିଲ୍ଲା ଦେବଗାଓଁ ବିଡି ଛକ ନିକଟ ଦେଇ ବେପାରୀ ଜଣଙ୍କ ବଜ୍ରକାପ୍ତା ନେଇ ଯାଉଥିଲେ । ପୂର୍ବରୁ ସୂଚନା ପାଇଥିବା ଏସ୍‌ଟିଏଫ୍‌ ଟିମ୍‌ ଦେବଗାଓଁ ବିଡି ଛକ ନିକଟରେ ଛକି ବସିଥିଲା । ଆଉ ବଜ୍ରକାପ୍ତା ବେପାରୀଙ୍କୁ ଦେଖି ମାଡିବସିଥିଲା । ତାଙ୍କ ନିକଟରେ ଏକ ଜୀବନ୍ତ ବଜ୍ରକାପ୍ତା ଜବତ କରିଛି ଏସ୍‌ଟିଏଫ୍‌ ଟିମ୍‌ । ଏହାସହିତ ବେପାରୀ ସେବକ ଧାରୁଆଙ୍କୁ ଗିରଫ ମଧ୍ୟ କରିଛି ।

ସେହିପରି ଏହି କାରବାରରେ ଆଉ କିଏ କିଏ ସାମିଲ ଅଛନ୍ତି । ସେନେଇ ଏସ୍‌ଟିଏପ୍‌ ଟିମ୍‌ ଖୋଳତାଡ଼ ଜାରି ରଖିଛି । ଏପିରିକି ଗିରଫ ବେପାରୀ ସେବକ ଧାରୁଆଙ୍କୁ ମଧ୍ୟ ଜେରା କରୁଛି ଏସ୍‌ଟିଏଫ୍‌ ।