AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନବଦାସ ହତ୍ୟା ଘଟଣାରେ ଡିଜିଙ୍କ ପ୍ରେସମିଟ୍, କହିଲେ ତଦନ୍ତକୁ ଆହୁରି ଲାଗିବ ସମୟ
  • ||
  • ଭୁବନେଶ୍ୱର୨: CFSLର ସହାୟତାରେ ASI ଗୋପାଳ ଦାସଙ୍କ ହେବ ଭଏସ ଟେଷ୍ଟ
  • ||
  • ଖଲ୍ଲିକୋଟ: ବସ୍‌ କର୍ମଚାରୀ ଭୁଲିଗଲେ ମାନବିକତା, ଅଧାରାସ୍ତାରେ ଛାଡି ଚାଲିଗଲେ ମୃତଦେହ
  • ||
  • ଦାରିଙ୍ଗବାଡି: ବାଇକ୍‌-କାର୍‌ ମୁହାଁମୁହିଁ ଧକ୍କା: ୨ ମୃତ, ଜଣେ ଆହତ
  • ||
  • ପାଟଣା: ପୋଖରୀ ଭିତରକୁ ପଶିଲା ତେଲ ଟ୍ୟାଙ୍କର, ଭାରସାମ୍ୟ ହରାଇ ଓଲଟିପଡିଲା
  • ||

ନାବାଳିକାକୁ ଦୁଷ୍କର୍ମ ପରେ ଦଲାଲ ହାତରେ ବିକିଦେଲା ସାବତ ବାପା, ମାଆ ବି ଏହି କାମରେ କରୁଥିଲା ସାହାର୍ଯ୍ୟ

18/01/2019 at 7:51 PM

ପାନିପଥ ୧୮/୧- ମଣିଷ ପୁଣି ଏତେ ତଳକୁ ଖସିଯାଇପାରେ । ସାବତ ବାପ କେଜାଣି ନିଜର ନୁହଁ, ହେଲେ ମାଆ ତ ଅନ୍ତ ଫାଡ଼ି ଜନ୍ମ କରିଛି ତାକୁ । ଏମିତି କେମିତି କରିପାରିଲା ମାଆ, ବାପା ବୋଲି ପରିଚୟ ଦେଇ ମାଆ ପାଖରେ ରହିଥିବା ସାବତ ବାପା । ନାବାଳିକା ଝିଅକୁ ନଜରବନ୍ଧୀ କରି ରଖିଥିବା ଝିଅକୁ ବାଲ୍ କଲ୍ୟାଣ ସମିତି ଉଦ୍ଧାର କଲାପରେ ସାମନାକୁ ଆସିଛି ଏହିଭଳି ଘଟଣା ।

ଘଟଣାଘଟିଛି  ପାନିପଥ ବିରାଟ ନଗର ଅଂଚଳରେ । ନାବାଳିକା ଝିଅ ମେନକା  ଆଣିଛି ଏହିଭଳି ଚାଂଚଲ୍ୟକର ଘଟଣା । ମେନକା ମାଆଙ୍କ ସହ ରହୁଥିଲା । ମାଆଙ୍କ ପାଖରେ ରହୁଥିବା ମୁକେଶ ନାମକ ଜଣେ ଲୋକକୁ ମାଆ ମୂଳରୁ ତାର ବାପା ବୋଲି ଚିହ୍ନେଇଥିଲା । ଫଳରେ ମେନକା ମୁକେଶକୁ ବାପା ବୋଲି ଡ଼ାକୁଥିଲା । ମେନକା ଜାଣି ନଥିଲା ସେ ତାର ସାବତ ବାପା ବୋଲି । ମେନକା ଟିକେ ବଡ଼ ହେଲାପରେ ଆରମ୍ଭ ହୋଇଥିଲା ଅକଥନୀୟ ଯୌନ ଉତ୍ପୀଡ଼ନ । ଏହିକଥା କାହାକୁ କହିପାରୁ ନ ଥିଲା । କାରଣ ଏହି କାମରେ ତା ମାଆ ମଧ୍ୟ ସମର୍ଥନ କରୁଥିଲା । କିଛିଦିନ ପରେ ଯେତେବେଳେ ଅଧିକରୁ ଅଧିକ ମାଆ-ବାପା ମିଶି ଯୌନ ନିର୍ଯ୍ୟାତନା  ଅଧିକ ଦେଲେ, ଶେଷରେ ପାଟି ଖୋଲିଥିଲା ମେନକା ।

ଏ ବାବଦରେ ପଡ଼ୋଶୀଙ୍କୁ କହିଥିଲା ମେନକା । ପଡ଼ୋଶୀମାନେ ମୁକେଶ ତା ବାପା ନୁହେଁ ବୋଲି ମଧ୍ୟ କହିଥିଲେ । କିଛି ଦିନପରେ ମେନକା କୁ ଆଉ ବାହାରକୁ ବି ଛାଡ଼ି ନଥିଲେ । ଶେଷରେ ମେନକାକୁ ୧.୫ଲକ୍ଷ ଟଂକାରେ ବିକ୍ରି କରିବାକୁ ଯୋଜନା କରୁଥିଲା ବେଳେ ବାଲ କଲ୍ୟାଣ ସମିତି ଉଦ୍ଧାର କରିଥିଲା ।

ଏହି ଘଟଣାରେ ମେନକାଙ୍କ ପଡ଼ୋଶୀ ଲୋକ ଗୁପ୍ତରେ ବାଲ କଲ୍ୟାଣ ସମିତିକୁ କହିଥିଲେ । ବାଲ ବିକାଶ ସମିତି ଠିକଣା ସମୟରେ ପହଂଚି ନାବାଳିକାକୁ ଉଦ୍ଧାର କରିଥିଲା । ଉଦ୍ଧାର କଲାପରେ ମେନକା ଦେଇଥିଲା ଚାଂଚଲ୍ୟକର ତଥ୍ୟ ।

ସାବତ ବାପା ସବୁବେଳେ କରୁଥିଲେ ଦୁଷ୍କର୍ମ । ଏହି କାମରେ ମାଆ ବି ସାହାର୍ଯ୍ୟ କରୁଥିଲେ । ଯଦି ସେ ଏଥିରେ ଅମଙ୍ଗ ହେଉଥିଲା ଉଭୟ ମାଆ ଓ ବାପା ମିଶି ତାକୁ ପିଟୁଥିଲେ । ଏହିକାମରେ ସହଯୋଗ କରୁ ନଥିଲେ ଅକଥନୀୟ ଅତ୍ୟାଚାର କରୁଥିଲେ । ଅନେକ ସମୟରେ ଖାଇବାକୁ ବି ଦେଉ ନ ଥିଲେ ବୋଲି ମେନକା ବାଲ କଲ୍ୟାଣ ସମିତି କର୍ମକର୍ତ୍ତାଙ୍କ ଆଗରେ ପ୍ରକାଶ କରିଥିଲା ।

ବାଲ କଲ୍ୟାଣ ସମିତି ନାବାଳିକାକୁ ନେଇ ଥାନାରେ ଏତାଲା ଦେଇଛନ୍ତି । ମାମଲା ରୁଜୁକରି ପୋଲିସ ତଦନ୍ତ ଚଳାଇଛି ।

   Related Posts