ଭୁବନେଶ୍ବର୨୩|୧: ଶ୍ରୀକାନ୍ତଙ୍କ ବହିଷ୍କାରକୁ ନେଇ ଏବେବି କଂଗ୍ରେସରେ ଦ୍ବନ୍ଦ୍ବ । ତାଙ୍କୁ ଯେଉଁ କାରଣ ପାଇଁ ବିଦା କରାଯାଇଥାଉ ନା କାହିଁକି ତାହା ଯେ ନିୟମ ଅନୁଯାୟୀ ହୋଇନି ସେନେଇ କିଛି ବରିଷ୍ଠ ନେତା ସନ୍ଦେହ କରୁଛନ୍ତି । ଏନେଇ ଏଆଇସିସି ଶୃଙ୍ଖଳା କମିଟି ଅଧ୍ୟକ୍ଷ ଏ.କେ. ଆଣ୍ଟୋନୀଙ୍କ ଠାରୁ ଖବର କଣ ବୁଝିବେ ବୋଲି କହିଲେଣି ବରିଷ୍ଠ ନେତା ଭକ୍ତ ଦାସ । ସେପଟେ ରାହୁଲଙ୍କ କାର୍ଯ୍ୟକ୍ରମର ତଦାରଖ କରିବାକୁ ଭୁବନେଶ୍ବରରେ ପହଁଚିଥିବା ରାଜ୍ୟ ପ୍ରଭାରୀ ଜିତେନ୍ଦ୍ର ସିଂ ଶ୍ରୀକାନ୍ତ ଜେନାଙ୍କୁ ଚ୍ୟାଲେଞ୍ଜ କରି କହିଛନ୍ତି ଯେ ସେ ରାହୁଲଙ୍କ ପୋଲ୍ ଖୋଲିବା ପୂର୍ବରୁ ଆଗ କଂଗ୍ରେସ ଶ୍ରୀକାନ୍ତଙ୍କ ପୋଲ୍ ଖୋଲିବ ।…..
{"id":77324}ପ୍ରିୟଙ୍କାଙ୍କ ପାଇଁ ଜୋସ୍ରେ କଂଗ୍ରେସ ଓଡ଼ିଶାରେ କିନ୍ତୁ କଂଗ୍ରେସ କୋଡୁଛି ଯେତେ ମାଡୁଛି ସେତେ । ଦିନକ ପରେ ଆସିବେ ରାହୁଲ ଗାନ୍ଧି । ଯେଉଁମାନେ ଦଳ ବିରୋଧି ମନ୍ତବ୍ୟ ଦେଉଥିଲେ ସେମାନଙ୍କୁ ବିଦା କରିଦେଲେ ଆଉ ଦଳ ପାଇଁ ମୁଣ୍ଡ ବିନ୍ଧା ବଢିବନି ବୋଲି ଭାବିନେଇଥିଲେ ପଦାଧିକାରୀ । କିନ୍ତୁ ଏବେ ତାହା ଓଲଟା ହେବାକୁ ଗଲାଣି । ଶ୍ରୀକାନ୍ତ ଜେନାଙ୍କୁ ଯେଉଁ ଢଙ୍ଗରେ ଦଳରୁ ବହିଷ୍କାର କରାଗଲା ତାଉପରେ ପ୍ରଶ୍ନ ଉଠାଇଲେଣି ବରିଷ୍ଠ ନେତା ଭକ୍ତ ଦାସ । ଏନେଇ ସେ କେନ୍ଦ୍ରୀୟ ଶୃଙ୍ଖଳା କମିଟି ଅଧ୍ୟକ୍ଷ ଏ. କେ. ଆଣ୍ଟୋନୀଙ୍କ ଠାରୁ ସ୍ପଷ୍ଟୀକରଣ ମାଗିଥିବା କହିଲେଣି । ଏକଥା କହି ପିସିସି ମୁଖିଆ ଓ ରାଜ୍ୟ ପ୍ରଭାରୀଙ୍କ ନିଷ୍ପତ୍ତି ଉପରେ ପ୍ରଶ୍ନଚିହ୍ନ ଟାଣିଛନ୍ତି ଭକ୍ତ ଦାସ ।
{"id":77325}ସେପଟେ ରାହୁଲ ଗାନ୍ଧିଙ୍କ ଗସ୍ତକୁ ସଫଳ କରିବା ଲାଗି କଂଗ୍ରେସ ନେତାଏ ଜୋରଦାର ମାତିଛନ୍ତି । ପ୍ରଭାରୀ ଜିତେନ୍ଦ୍ର ସିଂ ଆଜି ଭୁବନେଶ୍ବରରେ କହିଛନ୍ତି, ଶ୍ରୀକାନ୍ତ ଜେନା କଣ ରାହୁଲ ଗାନ୍ଧିଙ୍କ ପୋଲ୍ ଖୋଲିବେ । ତାଙ୍କ ପୋଲ୍ ଆଗ ଖୋଲିବ କଂଗ୍ରେସ । ଜଣେ ପରେ ଜଣେ ନେତା କଂଗ୍ରେସ ଛାଡୁଛନ୍ତି। ଜିତେନ୍ଦ୍ର ସିଂଙ୍କ ମତ ହେଲା ନିର୍ବାଚନ ଆସିଲେ କିଛି ଆୟା ରାମ ଗୟା ରାମ ଏଭଳି କରନ୍ତି ।
{"id":77326}ରାହୁଲଙ୍କ କାର୍ଯ୍ୟକ୍ରମକୁ ପରିବର୍ତନ ସଙ୍କଳ୍ପ ସମାବେଶ ନାଁ ଦେଇ ଆଜି ଭୁବନେଶ୍ବର ଜିଲ୍ଲା କଂଗ୍ରେସ ରଥ ବୁଲାଇଛି । ସେପଟେ ୫୦ ବିଧାୟକଙ୍କୁ ଆଗୁଆ ଟିକେଟ ଦେବ ବୋଲି କଂଗ୍ରେସ ଯେଉଁ ଘୋଷଣା କରିଥିଲା ତାହା ଫେବୃଆରୀ ୧୫ ସୁଦ୍ଧା ଘୋଷଣା ହେବ ବୋଲି ଜିତେନ୍ଦ୍ର ସିଂ ସୂଚନା ଦେଇଛନ୍ତି ।….