ବ୍ରହ୍ମପୁର: ଆଜି ଦିନିକିଆ ଗଞ୍ଜାମ ଗସ୍ତ କରିଛନ୍ତି ରାଜ୍ୟ ବିଜେପି ସଭାପତି ମୋନମୋହନ ସାମଲ । ପ୍ରଥମେ ଛତ୍ରପୁର ଠାରେ ମନ କି ବାତ କାର୍ଯ୍ୟକ୍ରମରେ ଯୋଗ ଦେବା ପରେ ଛତ୍ରପୁର ନିର୍ବାଚନ ମଣ୍ଡଳୀର କର୍ମକର୍ତ୍ତାଙ୍କ ସହ ସଙ୍ଗଠନ ନେଇ ଆଲୋଚନା କରିଥିଲେ । ଏହାପରେ ବ୍ରହ୍ମପୁରରେ ପହଞ୍ଚିଥିଲେ ମମହୋନ ସାମଲ । ବ୍ରହ୍ମପୁରରେ ପହଞ୍ଚିବା ପରେ ସହରର ଗିରିରୋଡ ସ୍ଥିତ ପାଢ଼ୀ ସେଲିବ୍ରେସନ ଠାରେ ସମ୍ବର୍ଦ୍ଧନା ସଭା ଆୟୋଜିତ ହୋଇଥିଲା । ଏଥିରେ ରାଜ୍ୟ ସଭାପତି ମୋନମୋହନ ସାମଲଙ୍କୁ ଗଞ୍ଜାମ ଜିଲ୍ଲା ବିଜେପି ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ଏହି ସମୟରେ ସାମଲ ରାଜ୍ୟ ସରକାରଙ୍କୁ ଶାଣିତ ସ୍ଵରରେ ହମଲା କରିଛନ୍ତି।
{"id":793797,"sizeSlug":"full","linkDestination":"none"}
ବ୍ରହ୍ମପୁର ଓ ଗଞ୍ଜାମ ଜିଲ୍ଲାରେ କିଭଳି ରହିଛି ବିଜେପିର ସ୍ଥିତ ଓ ଆଗକୁ କିଭଳି ଦଳକୁ ଆହୁରି ସୁଦୃଢ଼ କରାଯିବ ସେ ନେଇ ଆଲୋଚନା ହୋଇଥିଲା । ଏହି ଅବସରରେ ବ୍ରହ୍ମପୁରର ପୂର୍ବତନ ମେୟର ଶିବ ଶଙ୍କର ଦାସ ବିଜେପି ରାଜ୍ୟ ସଭାପତି ମନମୋହଲ ସାମଲଙ୍କ ସହ ସାକ୍ଷାତ କରିଥିଲେ । ରାଜନୀତିରୁ କିଛି ବର୍ଷ ହେଲା ଦୂରେଇ ରହିଥିବା ଶିବ ଶଙ୍କର ଦାସ ହଠାତ ବିଜେପି ରାଜ୍ୟ ସଭାପତିଙ୍କୁ ସାକ୍ଷାତ ନେଇ ଚର୍ଚ୍ଚା ଜୋର ଧରିଛି । ଓଡ଼ିଶାରେ ଦୀର୍ଘ ୨୪ ବର୍ଷ ହେବ ଶାସନ କରୁଥିବା ବେଳେ ବେଳେ କଣ ସବୁ କାମ କରିଛନ୍ତି ରାଜ୍ୟ ସରକାର ତାହାର ପ୍ରମାଣ ଦେବାକୁ ପଡିବ । କାହିଁକି ରାଜ୍ୟର ହଜାର ହଜାର ଶ୍ରମିକ ମାନେ ବିଭିନ୍ନ ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି ବୋଲି ବିଜେପି ରାଜ୍ୟ ସଭାପତି ପ୍ରଶ୍ନ କରିଛନ୍ତି ।
{"id":793798,"sizeSlug":"full","linkDestination":"none"}
ସେ କହିଛନ୍ତି, ଏତେ ବର୍ଷର ଶାସନ ପରେ କେତେ ପ୍ରତିଶତ ଦାରିଦ୍ରତା କମିଛି, ନବୀନ ବାବୁ ଶାସନ କାଳରେ ଓଡିଶାକୁ ବିକାଶ କ୍ଷେତ୍ରରେ ଆହୁରି ୫୦ ବର୍ଷ ପଛକୁ ନେଇ ଯାଇଛନ୍ତି । ନବୀନ ବାବୁ ଏହି ସବୁ ପ୍ରସଙ୍ଗରେ ଉତ୍ତର ଦେବାକୁ ପଡିବ । ଆସନ୍ତା ମେ ୩୦ରୁ ଜୁନ ୩୦ ବିଜେପିର ଶାସନକୁ ୯ ବର୍ଷ ପୂର୍ତ୍ତି ଅବସରରେ ୯ ବର୍ଷ ମଧ୍ୟରେ କଣ ସବୁ ବିଜେପି ଲୋକଙ୍କ ପାଇଁ କରିଛି ତାହା ଘରକୁ ଘର ବୁଲି କହିବ । ବିଜେପି ଆସିଲେ ଗଞ୍ଜାମ ଜିଲ୍ଲାରେ ୯୦ ପ୍ରତିଶତ ଜଳସେଚନ ବ୍ୟବସ୍ଥା କରିବା ସହ ଲୋକଙ୍କୁ ରୋଜଗାର ଏବଂ ଅନ୍ୟାନ୍ୟ ଆନୁଷଙ୍ଗିକ ବ୍ୟବସ୍ଥା ଯୋଗାଇଦେବ ବୋଲି କହିଛନ୍ତି ରାଜ୍ୟ ସଭାପତି ମୋନମୋହନ ସାମଲ ଗଣ ମାଧ୍ୟମକୁ କହିଛନ୍ତି । ଏହି ଅବସରରେ ଗଞ୍ଜାମ ଜିଲ୍ଲାର ବହୁ ବିଜେପି ନେତା ଓ କର୍ମୀ ଉପସ୍ଥିତ ଥିଲେ ।
wp:heading {"level":4}
