AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହିପିଣ୍ଡା ସଂରକ୍ଷିତ ଜଙ୍ଗଲରେ ଦନ୍ତା ମୃତଦେହ ଠାବ, ହାତୀକୁ ମାରି ନେଇଗଲେ ଦାନ୍ତ
  • ||
  • MKCG ମେଡିକାଲ ମୁଖ୍ୟ ଫାଟକ ସମ୍ମୁଖରେ ଦୁର୍ଘଟଣା: ସ୍କୁଟି-କାର୍ ମୁହାଁମୁହିଁ ଧକ୍କା, ଦୁଇ ମୃତ
  • ||
  • ଭୁବନେଶ୍ୱର: ରାତିରେ ପାରଦ କମିବ ଓ ଶୀତ ବଢ଼ିବ, ଦିନରେ ସ୍ୱାଭାବିକଠାରୁ ଅଧିକ ରହିବ ତାପମାତ୍ରା
  • ||
  • ତୋଲକୋଇ: ଦନ୍ତା ଆକ୍ରମଣରେ ହାତୀଛୁଆର ମୃତ୍ୟୁ, ଜଙ୍ଗଲରେ ପଡିଛି ମୃତଦେହ
  • ||

ନିର୍ବାଚନ ଇସ୍ତାହାର ପାଇଁ ଲୋକଙ୍କଠୁ ମତ ଲୋଡିଲା ବିଜେପି, ଆରମ୍ଭ ହେଲା ସ୍ବତନ୍ତ୍ର ୱେବପେଜ୍

27/01/2019 at 2:52 PM

ଭୁବନେଶ୍ବର୨୭|୧: ୨୦୧୯ ସାଧାରଣ ନିର୍ବାଚନ ପାଇଁ ଇସ୍ତାହାର ନେଇ ଜନସାଧାରଣଙ୍କ ମତାମତ ଲୋଡିଲା ବିଜେପି । ଲୋକଙ୍କ ମତାମତ ନେବାକୁ ବିଜେପି ପକ୍ଷରୁ ଆଜି ଉନ୍ମୋଚିତ ହୋଇଛି ୱେବସାଇଟ୍ । ବିଜେପି ସଂକଳ୍ପପତ୍ରର ସଭାପତି ବିଶ୍ବ ଭୂଷଣ ହରିଚନ୍ଦନ ଏହି ୱେବ ସାଇଟକୁ  ଉନ୍ମୋଚନ କରିଛନ୍ତି । ୱେବ ସାଇଟଟି ହେଲା ୱେବସାଇଟ୍- www.bjpodishasankalppatra.com । ଏହି ୱେବସାଇଟ ମଧ୍ୟମରେ ଇସ୍ତାହାର ନେଇ ଜନସାଧାରଣ ରଖିପାରିବେ ନିଜର ମତାମତ ।

ୱେବସାଇଟ୍ ଉନ୍ମୋଚନ ପରେ ବିଶ୍ବଭୂଷଣ ହରିଚନ୍ଦନ କହିଛନ୍ତି ଯେ, ପଫେବୃଆରୀ ୧୫ ତାରିଖ ଯାଏ ଇସ୍ତାହାର ପାଇଁ ଲୋକଙ୍କ ମତାମତ ଗ୍ରହଣ କରାଯିବ । ଏଥିପାଇଁ ରାଜ୍ୟ ବିଜେପି କାର୍ଯ୍ୟାଳୟଠାରେ ଏକ ବକ୍ସ ସ୍ଥାପନ କରାଯାଇଥିବାବେଳେ ଦଳୀୟ ସଂଗଠନର କର୍ମକର୍ତ୍ତାମାନେ ୩୦ଟି ଯାକ ଜିଲ୍ଲା ବୁଲି ମଧ୍ୟ ମତାମତ ସଂଗ୍ରହ କରିବେ । ଲୋକଙ୍କ ମତାମତକୁ ଇସ୍ତାହାରରେ ସ୍ଥାନିତ କରାଯିବ ।

ତେବେ ଚଳିତ ଥର ଇସ୍ତାହାରରେ କୃଷକମାନଙ୍କୁ ଅଗ୍ରାଧିକାର ଦିଆଯିବ ବୋଲି  ବିଶ୍ବଭୂଷଣ ସୂଚନା ଦେଇଛନ୍ତି । ବିଜେପି କ୍ଷମତାକୁ ଆସିଲେ କୃଷିଋଣ ଛାଡ କରିବେ ବୋଲି ଆଗରୁ ବିଜେପି ନେତାମାନେ କହୁଥିଲେ । ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କୃଷି ଋଣ ଛାଡକୁ ସମର୍ଥନ କରୁନାହାଁନ୍ତି । ରାଜ୍ୟ ବିଜେପି ଓ ପ୍ରଧାନମନ୍ତ୍ରୀଙ୍କ ଆଭି ମୁଖ୍ୟ ସମ୍ପର୍କିତ ଏକ ପ୍ରଶ୍ନର ଉତ୍ତରରେ ବିଶ୍ବଭୂଷଣ କହିଥିଲେ ଯେ,  ରାଜ୍ୟ ବିଜେପି କୃଷି ଋଣ ଛାଡ ନେଇ ପ୍ରଥମେ ଘୋଷଣା କରିଥିଲା । ତା ପରେ ପ୍ରଧାନମନ୍ତ୍ରୀ ଏନେଇ ମତ ଦେଇଛନ୍ତି ।

ତେବେ କୃଷକମାନଙ୍କୁ ସାହାର୍ଯ୍ୟ କରିବା ପାଇଁ ବିକଳ୍ପ ବ୍ୟବସ୍ଥା ମଧ୍ୟ କରାଯାଇପାରିବ ଏବଂ ବିଜେପି ସେଥିପାଇଁ ସଂକଳ୍ପବଦ୍ଧ । ଏ ସମ୍ପର୍କରେ କେନ୍ଦ୍ର  ଯାହା ନିଷ୍ପତ୍ତି ନେବ ତାହା ମଧ୍ୟ ଇସ୍ତାହାରରେ ଲେଖାଯିବ ବୋଲି ବିଶ୍ବଭୂଷଣ କହିଛନ୍ତି ।  ।ୱେବସାଇଟ ଉନ୍ମୋଚନ ଅବସରରେ  ବିଶ୍ବଭୂଷଣଙ୍କ  ବ୍ୟତୀତ ପୂ୍ବତନ ମନ୍ତ୍ରୀ ମନମୋହନ ସାମଲ, ସୁରମା ପାଢୀ , ସଜ୍ଜନ ଶର୍ମା ଓ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ଥିଲେ ।

ମୁଖ୍ୟମନ୍ତ୍ରୀ ସମ୍ପ୍ରତି ରାଜ୍ୟର ବିଭିନ୍ନ ଅଞ୍ଚଳକୁ ଗସ୍ତ ସମ୍ପର୍କରେ ପ୍ରତିକ୍ରିୟା ରଖିଛନ୍ତି ପୂର୍ବତନ ମନ୍ତ୍ରୀ ମନମୋହନ ସାମଲ । ସେ କହିଛନ୍ତି ଯେ, ବିଜେପି ଆଗାମୀ ଦିନରେ ରାଜ୍ୟରେ କ୍ଷମତା ହାସଲ କରିବାକୁ ଯାଉଛି ବୋଲି ନବୀନ ପଟ୍ଟନାୟକ ଜାଣିସାରିଲେଣି । ତେଣୁ ଭୟଭୀତ ହୋଇ ବିନଭିନ୍ନ ଅଞ୍ଚଳ ଗସ୍ତ କରୁଛନ୍ତି ।

ରାହୁଲଗାନ୍ଧୀ ଭୁବନେଶ୍ବଠାରେ ଏକ ସମାବେଶରେ ବିଜେପିକୁ ଟାର୍ଗଟ କରିଥିଲେ । ବିଜେପି ଦେଶକୁ ଲୁଟୁଛି ବୋଲି କଟାକ୍ଷ କରିଥିଲେ । ଏ ସଂକ୍ରାନ୍ତୀୟ ଏକ ପ୍ରଶ୍ନର ଉତ୍ତରରେ ବିଶ୍ବଭୂଷଣ କହିଛନ୍ତି ଯ, ଆସନ୍ତା ୨୯ ତାରିଖରେ ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ପୁଣି ଓଡିଶା ଗସ୍ତରେ ଆସୁଛନ୍ତି । ରାହୁଲ ତାଙ୍କ ଗସ୍ତ ସମୟରେ ବିଜେପିକୁ ନେଇ ଯେଉଁସବୁ ମନ୍ତବ୍ୟ ଦେଇଛନ୍ତି ସେ ନେଇ ଅମିତ ଶାହା ଗୋଟି ଗୋଟି ପ୍ରଶ୍ନର ଉତ୍ତର ରଖିବେ ।

   Related Posts