scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ଜନସଭାରେ ଅଘଟଣ, ଦଳାଚକଟାରେ ୩ ମୃତ, ଅନେକ ଆହତ

1/01/2023 at 9:20 PM

ହାଇଦ୍ରାବାଦ: ଆନ୍ଧ୍ର ପ୍ରଦେଶର ଗୁଣ୍ଟୁରରେ ପୂର୍ବତନ ମୁଖ୍ୟମନ୍ତ୍ରୀ ତଥା ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁଙ୍କ ଜନସଭାରେ ରବିବାର ପୁଣି ଏକ ବଡ଼ ଧରଣ ଅଘଟଣ ଘଟିଛି । ଦଳାଚକଟାରେ ବର୍ତ୍ତମାନ ସୁଦ୍ଧା ତିନି ଜଣଙ୍କ ମୃତ୍ୟୁ ନେଇ ଖବର ଆସିଥିବା ବେଳେ ଅନେକ ଆହତ ଅଛନ୍ତି । ଏହାର କିଛି ଦିନ ପୂର୍ବରୁ ନେଲ୍ଲୋରେ ମଧ୍ୟ ଚନ୍ଦ୍ରବାବୁ ନାଇଡୁଙ୍କ ଜନସଭାରେ ଦଳାଚକଟା ଯାଗୁଁ ଆଠ ଜଣଙ୍କ ଜୀବନ ଯାଇଥିଲା ।

ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁ ଗୁଣ୍ଟୁରର ଜନସଭରୁ ଯିବା ପରେ ଏଠାରେ ଦଳାଚକଟା ଆରମ୍ଭ ହୋଇଥିଲା । ଏଥିରେ ଆହତ ଲୋକଙ୍କୁ ନିକଟସ୍ଥ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ରାସନ କିଟ୍ ବିତରଣ ପାଇଁ ଡିଟିପି ପକ୍ଷରୁ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏଠାକୁ ବଡ଼ ସଂଖ୍ୟାରେ ଲୋକେ ପହଞ୍ଚିଥିଲେ ।

ଏହା ପୂର୍ବରୁ ଡିସେମ୍ୱର ୨୮ରେ ଆନ୍ଧ୍ର ପ୍ରଦେଶର ନେଲ୍ଲୋର ଜିଲ୍ଲାର କାଣ୍ଡୁକୁରରେ ତେଲୁଗୁ ଦେଶମ ପାର୍ଟି ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଦଳାଚକଟାରେ ଆଠ ଜଣଙ୍କ ମୃତ୍ୟୁ ହୋଇଥିଲା । ବିରୋଧୀ ନେତା ଏନ.ଚନ୍ଦ୍ରବାବୁ ନାଇଡୁ ବୁଧବାର ଏକ ରୋଡ ଶୋକୁ ସମ୍ୱୋଧିତ କରିବା ସମୟରେ କେନାଲରେ ପଡି କିଛି ଜଣଙ୍କ ଜୀବନ ଯାଇଥିଲା । ଘଟଣାରେ ମୃତକଙ୍କ ପାଇଁ ୧୦ ଲକ୍ଷ ଲେଖାଏ ଅନୁକମ୍ପା ରାଶି ଘୋଷଣା କରାଯାଇଥିଲା ।  

   Related Posts