STA କ୍ରିପ୍ଟୋ କରେନ୍ସି କାରବାରର ପର୍ଦ୍ଦାଫାଶ, ଭାରତ ମୁଖ୍ୟ ସହ ଓଡିଶା ମୁଖ୍ୟ ଗିରଫ

Published By : Prameya-News7 Bureau | August 07, 2023 IST

ଭୁବନେଶ୍ବର ୭।୮: କ୍ରିପ୍ଟୋ କରେନ୍ସି କାରବାର ମାମଲାରେ ଦୁଇ ଅଭିଯୁକ୍ତ ଗିରଫ ହୋଇଛନ୍ତି । ଦୁଇ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ ଇଓଡବ୍ଲୁ ଗିରଫ କରିଛି । ଏସ୍‌ଟିଏ କ୍ରିପ୍ଟୋ କରେନ୍ସିର ଭାରତ ମୁଖ୍ୟ ପଞ୍ଜାବରୁ ଗିରଫ ହୋଇଥିବା ବେଳେ ଓଡିଶା ମୁଖ୍ୟ ଭଦ୍ରକରୁ ଗିରଫ ହୋଇଛନ୍ତି । ପଞ୍ଜାବରୁ ଗୁରୁତେଜ ସିଂ ଓ ଭଦ୍ରକରୁ ନିରୋଦ ଦାସଙ୍କୁ ଇଓଡବ୍ଲୁ ଗିରଫ କରିଛି ।

ଗୁରୁତେଜ ସିଂଙ୍କୁ ସ୍ଥାନୀୟ କୋର୍ଟରେ ହାଜର କରାଯାଇଥିଲା । ୭ ଦିନିଆ ଟ୍ରାଞ୍ଜିଟ୍ ରିମାଣ୍ଡରେ ନେବା ପାଇଁ କୋର୍ଟ ଅନୁମତି ଦେଇଛନ୍ତି । ଗୁରୁତେଜ ବାରମ୍ବାର ନିଜର ଲୋକେସନ୍ ପରିବର୍ତ୍ତନ କରୁଥିଲା । ଗୋଆ, ଲୁନାବଲା, ମୁମ୍ଵାଇ, ଦିଲ୍ଲୀ, ଫରିଦକୋଟ, ଭଟିଣ୍ଡା, ହନୁମାନଗଡ଼ ଏବଂ ଶ୍ରୀ ଗଙ୍ଗନଗର ଭଳି ସ୍ଥାନରେ ସେ ବାରମ୍ବାର ଲୋକେସନ ପରିବର୍ତ୍ତନ କରୁଥିଲା । ପଞ୍ଜାବ, ରାଜସ୍ଥାନ, ବିହାର, ଝାଡଖଣ୍ଡ, ହରିୟାଣା, ଦିଲ୍ଲୀ, ମଧ୍ୟପ୍ରଦେଶ, ମହାରାଷ୍ଟ୍ର, ଓଡ଼ିଶା ଏବଂ ଆସାମର ବହୁ ଲୋକ ଏହି ସ୍କାମର ଶିକାର ହୋଇଛନ୍ତି । ଓଡ଼ିଶାର ଭଦ୍ରକ, ବାଲେଶ୍ଵର, ଭୁବନେଶ୍ଵର, ମୟୁରଭଞ୍ଜ, ଯାଜପୁର, କେନ୍ଦ୍ରାପଡ଼ା ଏବଂ କେନ୍ଦୁଝର ଜିଲ୍ଲାରେ ଏହି ସ୍କାମ୍ ବହୁଳ ଭାବରେ ଚାଲିଥିଲା ।

ସେପ୍ଟେମ୍ବର ୨୦୨୧ରେ STA ଆରମ୍ଭ କରାଯାଇଥିଲା । କ୍ରିପ୍ଟୋ ଟୋକେନ୍ ନାମରେ STA ଏକ ବଡ଼ ପୁଞ୍ଜି ସ୍କାମ ଚଳାଇଥିଲା । ଯୁବ ହଙ୍ଗେରୀ ନାଗରିକ ଡେଭିଡ ଗିସ୍ ଙ୍କ ଦ୍ୱାରା STA ପରିଚାଳିତ । ଅନେକ ଥର ସେ ଭାରତ ଗସ୍ତରେ ଆସିଛନ୍ତି । ଏହାର ପ୍ରସାର ପାଇଁ STA ବିଭିନ୍ନ ସ୍ଥାନରେ ଅନେକ ପ୍ରୋତ୍ସାହନମୂଳକ କାର୍ଯ୍ୟକ୍ରମ ଆୟୋଜନ କରୁଥିଲା । ସଦସ୍ୟମାନଙ୍କୁ ପ୍ରତିଦିନ ୨୦ ଡଲାରରୁ ୩ ହଜାର ଡଲାର ପ୍ରତିଦିନ ରୋଜଗାର କରିବାକୁ ଲୋଭ ଦେଖାଉଥିଲା । ଓଡ଼ିଶାର ପ୍ରାୟ ୧୦ ହଜାର ଲୋକ ଏହି ଯୋଜନାର ସଦସ୍ୟ ହୋଇସାରିଛନ୍ତି । ଏହି ସ୍କାମରେ ୨ ଲକ୍ଷରୁ ଅଧିକ ସଦସ୍ୟ ଅଛନ୍ତି ।

You Can Read :

wp:embed {"url":"https://www.prameyanews7.com/eviction-from-30-years-block-road-in-damana-of-bhubaneswar/","type":"wp-embed","providerNameSlug":"prameya-news-7"}
https://www.prameyanews7.com/eviction-from-30-years-block-road-in-damana-of-bhubaneswar/
/wp:embed

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.