ମୁମ୍ଵାଇ ୨୦।୦୨: ସାଉଥ ସିନେମାର ଭେଟେରାନ୍ ନିର୍ଦ୍ଦେଶକ ଏସ୍ ଏସ୍ ରାଜାମୌଲି । ବର୍ତ୍ତମାନ ତାଙ୍କର କୌଣସି ପରିଚୟ ଆବଶ୍ୟକ ନାହିଁ। 'ବାହୁବଲୀ' ଏବଂ 'ଆରଆରଆର' ଚଳଚ୍ଚିତ୍ର ମାଧ୍ୟମରେ ରାଜାମୌଲି ପ୍ରମାଣ କରିଛନ୍ତି ଯେ ନିର୍ଦ୍ଦେଶନା କ୍ଷେତ୍ରରେ ତାଙ୍କର କୌଣସି ମୁକାବିଲା ନାହିଁ। ଏହି ସମୟରେ, ଖବର ଆସୁଛି ଯେ ରାଜାମୌଲି ପ୍ରସିଦ୍ଧ OTT ପ୍ଲାଟଫର୍ମ ନେଟଫ୍ଲିକ୍ସର ସିଇଓ ଟେଡ ସାରାଣ୍ଡୋସଙ୍କ ସହ ଏକ କ୍ଲୋଜ୍ ଡୋର ମିଟିଂ କରିଛନ୍ତି। ଯେଉଁ କାରଣରୁ ଚର୍ଚ୍ଚା ଜୋର ହୋଇଛି ଯେ ଆଗାମୀ ସମୟରେ ଦର୍ଶକମାନେ ରାଜାମୌଲିଙ୍କର ଆଉ ଏକ ବଡ ଧମାଲ ପ୍ରୋଜେକ୍ଟ ଦେଖିବାକୁ ପାଇବେ ।
ଇ ଟାଇମ୍ସର ଖବର ଅନୁଯାୟୀ, ରବିବାର ଦିନ ରାଜାମୌଲି ନେଟଫ୍ଲିକ୍ସ ସିଇଓ ସହ କ୍ଲୋଜ୍ ଡୋର୍ ମିଟିଂ କରିଥିଲେ। ରିପୋର୍ଟ ଅନୁଯାୟୀ, ରାଜାମୌଲି ଟେଡ ସାରଣ୍ଡୋସଙ୍କ ସହ ତାଙ୍କର ପରବର୍ତ୍ତୀ ପ୍ରୋଜେକ୍ଟକୁ ସିଧାସଳଖ ନେଟଫ୍ଲିକ୍ସରେ ମୁକ୍ତ କରିବା ବିଷୟରେ ଏକ ବିଶେଷ ବାର୍ତ୍ତାଳାପ କରିଛନ୍ତି। ଏହା କୁହାଯାଉଛି ଯେ ରାଜାମୌଲି ବାହୁବଳୀ ଲାଇନ୍ରେ ଏକ ୱେବ୍ ସିରିଜ୍ ପ୍ରସ୍ତୁତ କରୁଛନ୍ତି । ଯାହା ବାହୁବଳୀ ଓ ବାହୁବଳୀ-୨ ଭଳି ନେଟପ୍ଲିକ୍ସରେ ରିଲିଜ୍ କରିବାକୁ ଚାହୁଁଛନ୍ତି। ଏଭଳି ପରିସ୍ଥିତିରେ, ନେଟଫ୍ଲିକ୍ସର ସିଇଓ ଟେଡ ସାରାଣ୍ଡୋସଙ୍କ ସହାୟତାରେ ତାଙ୍କର ଆଗାମୀ ପ୍ରୋଜେକ୍ଟରେ କାମ କରିବାକୁ ଚାହୁଁଛନ୍ତି। ତେବେ ଏପର୍ଯ୍ୟନ୍ତ ଏହି ବିଷୟରେ କୌଣସି ସୂଚନା ମିଳିନାହିଁ। କିନ୍ତୁ ଯଦି ବାହୁବଲୀ ପ୍ରକାରର ସିରିଜର ରାଜାମୌଲିଙ୍କର କୌଣସି ପ୍ଲାନିଂ ଅଛି । ତେବେ ଏହା ଫ୍ୟାନ୍ସଙ୍କ ପାଇଁ ବହୁତ ବଡ ଖୁସି ଖବର ।
{"width":822,"height":617}ଶନିବାର ଦିନ ହିନ୍ଦୀ ସିନେମାର ଭେଟେରାନ୍ ନିର୍ଦ୍ଦେଶକ ସଞ୍ଜୟ ଲୀଲା ଭନସାଲୀଙ୍କ ଆଗାମୀ ୱେବ୍ ସିରିଜ୍ 'ହୀରାମଣ୍ଡି'ର ଫାଷ୍ଟ ଲୁକ୍ ସାମ୍ନାକୁ ଆସିଛି। ଏହି ସିରିଜ୍ କେବଳ OTT ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରିବ । ଏଭଳି ପରିସ୍ଥିତିରେ ସଞ୍ଜୟ ଲୀଲାଙ୍କ ପଥକୁ ଅନୁସର କରିବା ପାଇଁ ରାଜାମୌଲି ମଧ୍ୟ ନିଜର ପ୍ରସ୍ତୁତି ଚଳାଇଛନ୍ତି ବୋଲି କଳ୍ପନା ଜଳ୍ପନା କରାଯାଉଛି ।