ପୁରୀ ୨୦।୧୨: ଶ୍ରୀମନ୍ଦିର ପରିଚାଳନା କମିଟି ବୈଠକ ଚାଲିଛି । ସୁପ୍ରିମକୋର୍ଟଙ୍କ ନିର୍ଦ୍ଦେଶର କାର୍ଯ୍ୟକାରିତା ନେଇ ଚାଲିଛି ତର୍ଜମା । ସୁପ୍ରିମକୋର୍ଟ ନଭେମ୍ବର ୪ ତାରିଖରେ ଜାରି କରିଥିବା ୨୨ ଟି ମଧ୍ୟବର୍ତ୍ତୀ ଆଦେଶ ନେଇ ବୈଠକରେ ହେବ ଆଲୋଚନା ।
ଆଦେଶଗୁଡିକ ଉପରେ ଆଉ କଣ ସବୁ କାର୍ଯ୍ୟାନୁଷ୍ଠାନ ହେବ ସେନେଇ ବୈଠକରେ ନିଷ୍ପତ୍ତି ହେବ । ଶ୍ରୀମନ୍ଦିର ପ୍ରଶାସନରେ ସ୍ଥାୟୀ ପ୍ରଶାସକ ନିଯୁକ୍ତିଠାରୁ ଆରମ୍ଭ କରି ଅନ୍ୟ ନିର୍ଦ୍ଦେଶକୁ କାର୍ଯ୍ୟକାରୀ କରିବାକୁ କି କି ପଦକ୍ଷେପ ସବୁ ନିଆଯିବ ଏବଂ କୋର୍ଟକୁ କଣ ଜବାବ ଦିଆଯିବ ତାହା ବି ବୈଠକରେ ନିର୍ଣ୍ଣୟ ହେବ ।
ଶ୍ରୀମନ୍ଦିର ସୁପରିଚାଳନା ପାଇଁ ସୁପ୍ରିମକୋର୍ଟ ଦେଇଥିବା ୨୨ ଟି ଗୁରୁତ୍ବପୂର୍ଣ୍ଣ ନିର୍ଦ୍ଦେଶ କାର୍ଯ୍ୟକାରି କରିବାକୁ ଶ୍ରୀମନ୍ଦିର ଆଇନରେ ପରିବର୍ତ୍ତନ ଲୋଡା ଅଛି । ଏଥିପାଇଁ ପରିଚାଳନା କମିଠି ସୁପାରିସ କରିବାର ଆଭାସ ମିଳିଛି । ସୁପ୍ରିମକୋର୍ଟରେ ଶ୍ରୀମନ୍ଦିର ମାମଲାର ପରବର୍ତ୍ତୀ ଶୁଣାଣି ଜାନୁଆରୀ ୮ରେ ହେଉଛି । ତେଣୁ ପରିଚାଳନା କମିଟି ବୈଠକ ବେଶ୍ ଗୁରୁତ୍ବ ବହନ କରୁଛି ।
