ଭୁବନେଶ୍ୱର ୧୬।୦୮: ପୁରୀ, ଖୋର୍ଦ୍ଧା, କଟକ, ବୌଦ୍ଧ ଜିଲ୍ଲାରେ କିଛି ଅଞ୍ଚଳରେ ପାଣି ପଶିଛି । ଜିଲ୍ଲାପାଳମାନେ ଆବଶ୍ୟକ ଅନୁଯାୟୀ ସ୍ଥାନାନ୍ତରଣ କରିବେ । ଯେତେଦିନ ଚାହିଁବେ ରିଲିଫ୍ ଦେଇପାରିବେ । ଏବର୍ଷ ପ୍ରଥମ ବନ୍ୟା ଆସୁଥିବାରୁ ଅଧିକ ଘଳିଆ ପଡିପାରେ ବୋଲି ପ୍ରେସମିଟ୍ରେ ସୂଚନା ଦେଇଛନ୍ତି ସ୍ୱତନ୍ତ୍ର ରିଲିଫ୍ କମିଶନର ।
ସେ ଆହୁରୀ ମଧ୍ୟ କହିଛନ୍ତି ଯେ, ବନ୍ୟା ପରିସ୍ଥିତିକୁ ଦେଖି ସ୍କୁଲ ବନ୍ଦ କରିବାକୁ ଜିଲ୍ଲାପାଳ ନିର୍ଦ୍ଦେଶ ଦିଆଯାଇଛି। ଆବଶ୍ୟକ ଅନୁସାରେ ସ୍କୁଲ ବନ୍ଦ କରିବେ। ପଶୁ ଖାଦ୍ୟ ପାଇଁ ଜିଲ୍ଲାପାଳ ମାନେ ସିଧା ଓମ୍ଫଫେଡ଼କୁ ଚିଠି ଲେଖିବେ। । ବନ୍ୟାର ପରିସ୍ଥିତିକୁ ଦେଖି ସରକାରୀ କର୍ମଚାରୀମାନଙ୍କ ଛୁଟି ବାତିଲ କରିବାକୁ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦିଆଯାଇଛି।
ସେହିପରି ବୈତରଣୀରେ ଛୋଟିଆ ଘାଇ ହେଇଛି । ବର୍ତ୍ତମାନ ସ୍ଥିତି ଗମ୍ଭୀର ରହିଛି । ପରିସ୍ଥିତିର ମୁକାବିଲା ପାଇଁ ଅଗ୍ନିଶମ ବିଭାଗକୁ ଅଧିକ ଟିମ ପ୍ରସ୍ତୁତ କରି ରଖିଛି । କେନ୍ଦ୍ରାପଡା, କାଠଯୋଡ଼ି କୁଆଖାଇ, ଦେବୀ, ଭାର୍ଗବୀ ଅଞ୍ଚଳ ସବୁଠୁ ଅଧିକ ସମ୍ବେଦନଶୀଳ ରହିଛି। ରାସ୍ତା କିମ୍ଭା ବ୍ରିଜ଼ ଉପରେ ବନ୍ୟା ଜଳ ଚାଲୁ ଥିଲେ ଯିବା ଆସିବା ନକରିବାକୁ ବନ୍ୟାଞ୍ଚଳବାସୀଙ୍କୁ ଅନୁରୋଧ କରିଛନ୍ତି ଏସ୍ଆର୍ଏସି ।