scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ତୃତୀୟ ପର୍ଯ୍ୟାୟରେ ୧୫୦୦ କର୍ମଚାରୀଙ୍କୁ ଛଟେଇ କରିବ Spotify

4/12/2023 at 11:07 PM

ନୂଆଦିଲ୍ଲୀ: ଅନଲାଇନ୍‌ ମ୍ୟୁଜିକ୍ ଷ୍ଟ୍ରିମିଂ ଆପ୍‌ ‘ସ୍ପଟିଫାଏ’ ପୁଣି ଥରେ ବଡ଼ ଧରଣ ଛଟେଇ କରିବାକୁ ଯାଉଛି । ସାରା ଦୁନିଆର ୧୫ ଶହ କର୍ମଚାରୀଙ୍କୁ କମ୍ପାନି ବିଦା କରିବ ବୋଲି ଘୋଷଣା କରିଛି । ଜାନୁଆରୀରେ ୬୦୦ ଏବଂ ଜୁନରେ ୨୦୦ରୁ ଅଧିକ କର୍ମଚାରୀଙ୍କୁ ଛଟେଇ କରିଥିଲା କମ୍ପାନି । ଏବେ ପୁଣି ଥରେ ଏହାର ୧୭ ପ୍ରତିଶତ କର୍ମଚାରୀ ଚାକିରି ହରାଇବାକୁ ଯାଉଛନ୍ତି ।

ସ୍ପଟିଫାଏ ସିଇଓ ଡାନିଏଲ ଏକ୍ କହିଥିଲେ ଯେ, କମ୍ପାନି ୨୦୨୦ ଏବଂ ୨୦୨୧ରେ ଅଧିକ କର୍ମଚାରୀଙ୍କୁ ନିଯୁକ୍ତି ଦେଇଥିଲା । କିନ୍ତୁ ଖର୍ଚ୍ଚ କାଟ୍ ପାଇଁ କମ୍ପାନି ଛଟେଇ ପାଇଁ ବାଧ୍ୟ ହୋଇଛି । ତେବେ ସ୍ପଟିଫାଏ ନିଜର ପଡକାଷ୍ଟ ବ୍ୟବସାୟରେ ଏକ ବିଲିୟନ୍ ଡଲାରରୁ ଅଧିକ ନିବେଶ କରିଛି । ଅନେକ ଲୋକପ୍ରିୟ ସେଲିବ୍ରିଟି କିମ୍ କର୍ଦାସିଆନ୍, ବ୍ରିଟେନ ରାଜପରିବାର ସଦସ୍ୟ ପ୍ରିନ୍ସ ହ୍ୟାରୀ ଏବଂ ମେଗନ ମର୍କେଲ ଏହାର ବ୍ରାଣ୍ଡ ଆମ୍ବାସଡର ଅଛନ୍ତି । ସେପଟେ କମ୍ପାନି ୨୦୩୦ ସୁଦ୍ଧା ଏକ ବିଲିୟନ୍ ୟୁଜରଙ୍କ ପାଖରେ ପହଞ୍ଚିବାକୁ ଲକ୍ଷ୍ୟ ରଖିଛି ।

ପଢନ୍ତୁ: ଆଇଟି ଫାର୍ମ L&T ଟେକ୍ନୋଲଜିରେ ଛଟେଇ, ୨୦୦ କର୍ମଚାରୀ ଚାକିରିରୁ ବିଦା

ବର୍ତ୍ତମାନ ସମୟରେ ସ୍ପଟିଫାଏର ୬୦୧ ମିଲିୟନ ୟୁଜର ଥିବା ବେଳେ ୨୦୨୦ରୁ ୩୪୫ ମିଲିୟନ୍ ୟୁଜର ବୃଦ୍ଧି ପାଇଛନ୍ତି । ତୃତୀୟ ତ୍ରୈମାସିକରେ କମ୍ପାନି ବହୁ ଲାଭ କରିଥିବା ବେଳେ ସବସ୍କ୍ରାଇବରଙ୍କ ସଂଖ୍ୟା ବଢ଼ିଛି । ଛଟେଇ ହେବାକୁ ଥିବା କର୍ମଚାରୀଙ୍କୁ ସୋମବାର ପାଖରୁ କମ୍ପାନି ପକ୍ଷରୁ ସୂଚନା ଦିଆଯାଉଛି । ଚାକିରି ହରାଇବାକୁ ଥିବା କର୍ମଚାରୀଙ୍କୁ ୫ ମାସର ଦରମା, ଭେକେସନ୍ ପେ ଏବଂ ସ୍ବାସ୍ଥ୍ୟ ବୀମା ଦେବ କମ୍ପାନି ।

   Related Posts