ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଫେବ୍ରୁଆରୀ ୧ରେ ସଂସଦରେ କେନ୍ଦ୍ରୀୟ ବଜେଟ୍ ଉପସ୍ଥାପନ କରିଛନ୍ତି । ଆସନ୍ତା ସାଧାରଣ ନିର୍ବାଚନ ପୂର୍ବରୁ ଏହାର ମୋଦୀ ସରକାରଙ୍କ ଶେଷ ପୂର୍ଣ୍ଣଙ୍ଗ ବଜେଟ୍ । ଏଥର ବଜେଟରେ ସବୁ କ୍ଷେତ୍ରକୁ ସାମିଲ କରିବାକୁ ପ୍ରୟାସ କରିବା ସହ ଅର୍ଥ ଆବଣ୍ଟନ କରିଛନ୍ତି । ବଜେଟରେ ଏଥର ଖେଳ ମନ୍ତ୍ରାଳୟକୁ ବିପୁଳ ଅର୍ଥ ଆବଣ୍ଟନ କରାଯାଇଛି । କେନ୍ଦ୍ର ସରକାର ଯୁବ ଏବଂ ଖେଳ ବ୍ୟାପାର ମନ୍ତ୍ରାଳୟ ପାଇଁ ୩୩୮୯ କୋଟି ଟଙ୍କାର ବଜେଟ୍ ଆବଣ୍ଟନ କରାଯାଇଛି, ଯାହା ପୂର୍ବ ବର୍ଷ ବଜେଟରେ ଆବଣ୍ଟିତ ରାଶି ଠାରୁ ବହୁ ଅଧିକ ।

୨୦୨୨-୨୩ ବଜେଟରେ ଖେଳ ମନ୍ତ୍ରାଳୟକୁ ୨୬୭୧ କୋଟି ଟଙ୍କା ଦିଆଯାଇଥିଲା । ଅନ୍ୟପଟେ ୨୦୨୩-୨୪ ବଜେଟରେ ୩୩୮୯ କୋଟି ଟଙ୍କା ଆବଣ୍ଟିତ କରାଯାଇଛି । ମୋଦୀ ସରକାର ଖେଲୋ ଇଣ୍ଡିଆର ବଜେଟରେ ୪୦୦ କୋଟି ଟଙ୍କା ବୃଦ୍ଧି କରିଛନ୍ତି, ଏବେ ଏହାର ବଜେଟ୍ ୧୦୦୦ କୋଟି ଟଙ୍କା ହୋଇଛି । ଜାମ୍ମୁ କାଶ୍ମୀରରେ ଖେଳର ବିସ୍ତାର ପାଇଁ ୧୫ କୋଟି ଟଙ୍କା ଆବଣ୍ଟିତ କରାଯାଇଛି ।

କେନ୍ଦ୍ର ସରକାର ରାଷ୍ଟ୍ରୀୟ ଖେଳ ବିଶ୍ୱବିଦ୍ୟାଳୟ ପାଇଁ ୧୦୭ କୋଟି ଟଙ୍କା ଆବଣ୍ଟିତ କରାଯାଇଛି । ରାଷ୍ଟ୍ରୀୟ ଖେଳ ସଂଘ ଗୁଡିକୁ ଦିଆଯାଉଥିବା ସହାୟତା ବଜେଟକୁ ଶେଷ କରାଯାଇଛି । ପୂର୍ବ ବର୍ଷ ଏହି ଅର୍ଥରାଶି ୨୮୦କୋଟି ଟଙ୍କା ଥିଲା ।

{"id":740185,"sizeSlug":"full","linkDestination":"none"}