ନୂଆଦିଲ୍ଲୀ ୦୫/୦୯ : କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ରବିବାର ଦିନ ସମସ୍ତ ଜାତୀୟ କ୍ରୀଡ଼ା ଫେଡେରେସନକୁ ୨୦୨୪ ଏବଂ ୨୦୨୮ ରେ ହେବାକୁ ଥିବା ଅଲିମ୍ପିକ୍ ଗେମ୍ସ ପାଇଁ ବଡ ଯୋଜନା ପ୍ରସ୍ତୁତ କରିବାକୁ କହିଛନ୍ତି ଯାହା ଦ୍ୱାରା ଭାରତ ତା’ର ସ୍ଥିତିକୁ ଆହୁରି ଉନ୍ନତ କରିପାରିବ। ଠାକୁର ବେଙ୍ଗାଲୁରୁରେ ଗଣମାଧ୍ୟମକୁ କହିଛନ୍ତି ଯେ ସମସ୍ତ କ୍ରୀଡା ଫେଡେରେସନ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ପଡିବ ଏବଂ ବଡ ଯୋଜନା ପ୍ରସ୍ତୁତ କରିବାକୁ ଆମକୁ ମିଳିତ ଭାବରେ କାର୍ଯ୍ୟ କରିବାକୁ ପଡିବ ଯାହା ଦ୍ୱାରା ୨୦୨୪ ଏବଂ ୨୦୨୮ ଅଲିମ୍ପିକ୍ ଗେମ୍ସରେ ଭାରତର ସ୍ଥିତି ଆହୁରି ସୁଦୃଢ ହେବ।

କ୍ରୀଡା ମନ୍ତ୍ରୀ ଅନୁରାଗ ଠାକୁର ଖେଳାଳିଙ୍କୁ ଭେଟିବା ସହିତ ଅନେକ କାର୍ଯ୍ୟକ୍ରମରେ ଯୋଗଦେବା ପାଇଁ ବେଙ୍ଗାଲୁରୁ ଆସିଛନ୍ତି। ସେ କହିଛନ୍ତି ଯେ ସରକାର ଖେଳାଳିଙ୍କୁ ଗୁରୁତ୍ୱ ଦେଇଛନ୍ତି, ଯେଉଁଥିପାଇଁ ଲୋକଙ୍କ ପ୍ରତି କ୍ରୀଡା ପ୍ରତି ଧାରଣା ବଦଳିଛି। ଏହାର ଫଳ ସ୍ୱରୂପ ଅଲିମ୍ପିକ୍ସ ଏବଂ ପାରାଲିମ୍ପିକ୍ସରେ ଭାରତ ଭଲ ପ୍ରଦର୍ଶନ କରିଛି।

ସେ କହିଛନ୍ତି, ‘ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି କ୍ରୀଡା ପ୍ରତି ମନୋଭାବ ପରିବର୍ତ୍ତନ କରିବା। ଯେତେବେଳେ ସରକାର ସମସ୍ତ ପ୍ରକାର ସୁବିଧା ଯୋଗାଉଛନ୍ତି, ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜେ ଖେଳାଳିମାନଙ୍କ ସହ କଥାବାର୍ତ୍ତା କରି ସେମାନଙ୍କ ମନୋବଳ ବଢାଉଛନ୍ତି, ସେମାନଙ୍କୁ ଉତ୍ସାହିତ କରୁଛନ୍ତି, ଏହାର ପ୍ରଭାବ ସମାଜର ପ୍ରତ୍ୟେକ ବର୍ଗ ଉପରେ ପଡୁଛି, ସେ ବ୍ୟକ୍ତି ଯିଏ ବି ହେଇଥାଉ ନା କାହିଁକି। ବ୍ୟକ୍ତି କର୍ପୋରେଟ ହେଉ, ଖେଳ ସଂଘ ହେଉ କିମ୍ବା କୌଣସି ସଂଗଠନ ଏହାଦ୍ୱାରା ସମସ୍ତେ ପ୍ରଭାବିତ।