ନୂଆଦିଲ୍ଲୀ ୨୯।୦୯; ଦିଲ୍ଲୀର ନାଙ୍ଗଲୋଇ ଅଞ୍ଚଳରେ ଅଭାବନୀୟ ଘଟଣା ଘଟିଛି । ଚଢ଼ାଉ ପାଇଁ ଯାଇଥିବା କନଷ୍ଟେବଳଙ୍କୁ ଧକ୍କା ଦେଲା କାର୍। ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି।
ପୋଲିସ ସୂତ୍ର ଅନୁଯାୟୀ, ନାଙ୍ଗଲୋଇ ପୋଲିସ ଷ୍ଟେସନରେ କନେଷ୍ଟବଳ ନାଇଟ୍ ଡ୍ୟୁଟିରେ ଥିଲେ। କନଷ୍ଟେବଳ ମଦ ଯୋଗାଣକାରୀଙ୍କ କାର ଆସୁଥିବାର ନେଇ ସୂଚନା ପାଇଥିଲେ। ଏହାପରେ ସେ ଚଢ଼ାଉ ପାଇଁ ଯାଇଥିଲେ। ମଦ ଯୋଗାଣକାରୀଙ୍କ କାରକୁ ଅଟକାଇବାକୁ ସଙ୍କେତ ଦିଆଯାଇଥିଲା, କିନ୍ତୁ କାରରେ ବସିଥିବା ବ୍ୟକ୍ତ ଜଣକ ଗାଡି ଅଟକାଇ ନଥିଲେ । କନଷ୍ଟେବଳଙ୍କୁ ଧକ୍କା ଦେଇଥିଲା। ଯାହା ଫଳରେ କନେଷ୍ଟବଳଙ୍କର ମୃତ୍ୟୁ ହୋଇଥିଲା ।
ଅନ୍ୟପଟେ ପୋଲିସ ମଦ ଯୋଗାଣକାରୀଙ୍କ କାରକୁ ଜବତ କରିଛି, କିନ୍ତୁ କାରରୁ ମଦ ଉଦ୍ଧାର କରାଯାଇ ନାହିଁ। ଏହି ସମୟରେ ଡ୍ରାଇଭର କାର ଛାଡି ଫେରାର ହୋଇଯାଇଛନ୍ତି। ବରିଷ୍ଠ ପୋଲିସ କର୍ମଚାରୀ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ଅନୁଧ୍ୟାନ କରିଥିଲେ।
