Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅବପାତର ରୂପ ନେଲା ଲଘୁଚାପ, ସୋମବାରଠୁ କମିବ ବର୍ଷା
  • ||
  • ସ୍ୱାଧିନତା ଦିବସ ଅବସରରେ ସମସ୍ତଙ୍କୁ ମୋର ଆନ୍ତରିକ ଶୁଭେଚ୍ଛା, ପ୍ରତିଟି ଭାରତୀୟ ପାଇଁ ଗୌରବର ମୁହୂର୍ତ୍ତ
  • ||
  • ‘ଦୁନିଆରେ ହଜାରେ ବାଘ, କିନ୍ତୁ ଦ୍ରାବିଡ…’ : ଟିମ୍ ଇଣ୍ଡିଆର କୋଚ୍‌ଙ୍କୁ ନେଇ ଟେଲରଙ୍କ ବଡ ବୟାନ
  • ||

ପୁରୀ ଶ୍ରୀମନ୍ଦିରରେ ଶ୍ରୀଜିଉଙ୍କ ଚିତା ଲାଗି ନୀତି, ୪ଘଣ୍ଟା ବନ୍ଦ ରହିବ ଦର୍ଶନ

1/08/2019 at 1:39 PM

ପୁରୀ ୧|୮:  ଶ୍ରୀମନ୍ଦିରରେ ଆଜି ଚିତା ଲାଗି ନୀତି ଅନୁଷ୍ଠିତ ହେବ । ଏହି ଅବସରରେ ଶ୍ରୀମନ୍ଦିରରେ ସାଧାରଣ ଦର୍ଶନ ୪ ଘଣ୍ଟା ବନ୍ଦ ରହିବ। ଶ୍ରୀଜିଉଙ୍କର ଏହି ସ୍ୱତନ୍ତ୍ର ନୀତି ପ୍ରଥମ ଭୋଗ ମଣ୍ଡପରେ ଅପରାହ୍ଣ ୨ ଟାରୁ ସଂଧ୍ୟା ୬ଟା ଯାଏଁ ଅନୁଷ୍ଠିତ ହେବ।

ଶ୍ରୀଜିଉ ମାନଙ୍କ ମଥାରେ ଲାଗୁଥିବା ‘ରତ୍ନ ଚିତା’କୁ ନେଇ ଶ୍ରୀମନ୍ଦିରରେ ଚିତା ଲାଗି ଅମାବାସ୍ୟା ପାଳନ ହୋଇଥାଏ। ଦେବସ୍ନାନ ପୂର୍ଣ୍ଣିମା ପୂର୍ବରୁ ଠାକୁରଙ୍କ ମଥାରୁ ପଞ୍ଚରତ୍ନରେ ନିର୍ମିତ ‘ରତ୍ନ ଚିତା’ ଓଲାଗୀ ହୋଇଥାଏ। ଠାକୁରଙ୍କ ମଥାରେ ସୋଲରେ ତିଆରି ଚିତାକୁ ଲଗାଇ ଦିଆଯାଇଥାଏ। ରଥଯାତ୍ରା ଶେଷ କରି ଶ୍ରୀଜିଉମାନେ ଶ୍ରୀମନ୍ଦିରକୁ ଫେରି ଆସିଛନ୍ତି। ତେଣୁ ପୁଣି ଥରେ ସେହି ରତ୍ନ ଚିତାକୁ ଠାକୁରଙ୍କ ମଥାରେ ଲଗାଯିବ।

ନୀତି ଅନୁସାରେ ବଡ଼ ଠାକୁର ଶ୍ରୀଜଗନ୍ନାଥ ନୀଳ ଚିତା ପିନ୍ଧିବେ। ସେହିପରି ଦେବୀ ସୁଭଦ୍ରାଙ୍କର ମଥାରେ ନାଲି ଚିତା ଓ ବଳଭଦ୍ରଙ୍କ ମଥାରେ ଧଳା ଚିତା ଲାଗିବ। ଶ୍ରୀମନ୍ଦିରରେ ଚିତା ଲାଗି ଅମାବାସ୍ୟା ବ୍ୟତୀତ ଏହି ପର୍ବ ପାଳନ ଅବସରରେ ଓଡ଼ିଆ ଘରେ ଚିତାଉ ପିଠା ତିଆରି ହୋଇଥାଏ।

   Related Posts