oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫାଷ୍ଟଫୁଡ୍ ଦୋକାନରୁ ମାଲିକଙ୍କ ମୃତଦେହ ଉଦ୍ଧାର, ତଦନ୍ତ ଆରମ୍ଭ କଲା ପୋଲିସ୍‌
  • ||
  • ରାୟଗଡ଼ା : ଗୁମ୍ମା ଘାଟିରେ ଦୁର୍ଘଟଣା : ସ୍ୱାମୀ ମୃତ, ସ୍ତ୍ରୀ ଏବଂ ପୁଅ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୪୯ କୋଭିଡ୍ ପଜିଟିଭ୍
  • ||
  • ମେକ୍ସିକୋ ଧୁଆଁଧାର ଫାୟାରିଂ: ୭ ପୋଲିସ କର୍ମଚାରୀ, ମେୟରଙ୍କ ସମେତ ୧୮ ଜଣଙ୍କ ମୃତ୍ୟୁ
  • ||
  • ଜଲପାଇଗୁଡ଼ିରେ ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ବନ୍ୟାରେ ଭାସି ୭ ମୃତ
  • ||

ପୂର୍ବତନ ବିଧାୟକ ସରକାରୀ କ୍ୱାଟରସ୍‌ ନଛାଡିଲେ କାଟି ଦିଆଯିବ ବିଜୁଳି ଓ ପାଣି-ବାଚସ୍ପତି

16/09/2019 at 7:26 PM

ଭୁବନେଶ୍ୱର ୧୬।୦୯-କ୍ବାର୍ଟରସ ନଛାଡିଲେ ବିଜୁଳି ପାଣି କାଟିଦିଆଯିବ । ଯେଉଁ ପୂର୍ବତନ ବିଧାୟକ ଭୁବନେଶ୍ବରରେ ସରକାରୀ କ୍ବାର୍ଟରକୁ ମାଡ଼ି ରଖିଛନ୍ତି, ସେମାନଙ୍କୁ ଏଭଳି ଚେତାବନୀ ଦେଇଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । କ୍ବାର୍ଟରସ ଖାଲି ହେଉନଥିବାରୁ ନୂଆକରି ଜିତିଥିବା ବିଧାୟକମାନଙ୍କୁ କ୍ବାର୍ଟରସ ଆଲଟମେଣ୍ଟ ହୋଇପାରୁନାହିଁ । ସେମାନେ ବିଭିନ୍ନ ସ୍ଥାନରେ ଏବଂ ରାଜ୍ୟ ଅତିଥି ଭବନରେ ଆଡଜଷ୍ଟ କରି ରହୁଛନ୍ତି ।

ଭୁବନେଶ୍ବରରେ କ୍ବାର୍ଟରସ ମାଡିବସିଥିବା ୨୬ ପୂର୍ବତନ ବିଧାୟକଙ୍କୁ ବାଚସ୍ପତିଙ୍କ କଡ଼ା ତାଗିଦ୍‌ । କ୍ବାର୍ଟରସ ନଛାଡିଲେ ସେସବୁ ଘରକୁ ପିଇବା ପାଣି ଓ ବିଜୁଳି ଲାଇନ୍ କାଟି ଦିଆଯିବ । କିଛି ହାରିଯାଇଥିବା ବିଧାୟକ ଓ ମନ୍ତ୍ରୀ ଅନେକ ଦିନ ଧରି ଭୁବନେଶ୍ବର କ୍ବାର୍ଟରସ ମାଡ଼ି ବସିଛନ୍ତି । ବାରମ୍ବାର ଏନେଇ ବିଧାନସଭା ସଚିବାଳୟ ଏବଂ ସାଧାରଣ ପ୍ରଶାସନ ବିଭାଗ ପକ୍ଷରୁ ରିମାଇଣ୍ଡର ଗଲେ ବି ଶୁଣି ନଶୁଣିବା ଭଳି ଗାଲେଇଯାଉଛନ୍ତି। ।

ଏସମସ୍ତଙ୍କର ଯେ ଭୁବନେଶ୍ବରରେ ପ୍ରାଇଭେଟ ଘର ନାହିଁ ସେମିତି ନୁହେଁ । ବୋଧହୁଏ ରାଜଧାନୀର ହାର୍ଟ ଉପରେ ବଡ ସରକାରୀ ବଙ୍ଗଳା ନେଇ ରହିବା କିଛି ନେତା ନିଜର ସୌକ ବୋଲି ଭାବି ନେଇଛନ୍ତି । ସେଥିପାଇଁ ଘର ଛାଡିବାକୁ କୁନ୍ଥୁକୁନ୍ଥୁ ହେଉଛନ୍ତି। ହେଲେ ଆଜି ବାଚସ୍ପତି ଡେଡ୍ ଲାଇ ଶୁଣାଇଛନ୍ତି । ତୁରନ୍ତ ଘର ନଛାଡିଲେ ସରକାର ଆକ୍ସନ ମୁଡକୁ ଆସିବେ ବୋଲି ଚେତାଇଛନ୍ତି ।

ସେପଟେ ବହୁ ନୂଆ ବିଧାୟକ ଏବେ କ୍ବାର୍ଟରସ ପାଇବାକୁ ଅପେକ୍ଷା କରିଛନ୍ତି । କିଏ ଭଡାଘରେ ରହୁଛି ତ ଆଉକିଏ ରାଜ୍ୟ ଅତିଥି ଭବନରେ ରହୁଛି । ହେଲେ ହାରିଯାଇଥିବା ବିଧାୟକମାନେ କ୍ବାର୍ଟରସ ଖାଲି କରୁନଥିବାରୁ ଏମାନେ ହଇରାଣ ହେଉଛନ୍ତି । ଗତ ନିର୍ବାଚନରେ ସୁଦୂର ଚିତ୍ରକୋଣ୍ଡାରୁ ବିଧାୟକ ଭାବେ ଜିତି ଆସିଛନ୍ତି ପୂର୍ଣଚନ୍ଦ୍ର ବାକା । ତାଙ୍କୁ କ୍ବାର୍ଟରସ ମିଳିନଥିବାରୁ ସେ ତାଙ୍କ ପରିବାରକୁ ଭୁବନେଶ୍ବର ଆଣିପାରୁ ନାହାଁନ୍ତି । ବାରମ୍ବାର ବାଚସ୍ପତିଙ୍କୁ ଫେରାଦ ହେଉଛନ୍ତି । ଆଜି ବି ଫେରାଦ ହୋଇଛନ୍ତି । ବାଚସ୍ପତି ଅଧିକାରୀ ମାନଙ୍କୁ ଡାକି ଗୋଟେ କ୍ବାର୍ଟରସର ଚାବି ଦେବାକୁ ତାଗିଦ କରିବା ପରେ ପୂର୍ଣଚନ୍ଦ୍ର ବାକାଙ୍କୁ ଚାବି ହସ୍ତାନ୍ତର ହୋଇଛି ।

ସେହିଭଳି ଫାଷ୍ଟ ଟାଇମ ଜିତି ମନ୍ତ୍ରୀ ହୋଇଥିବା ତୁଷାର କାନ୍ତି ବେହେରାଙ୍କୁ ବି କ୍ବାର୍ଟରସ ମିଳିନାହିଁ । ସେ ରାଜ୍ୟ ଅତିଥିଭବନରେ ରହୁଛନ୍ତି । ତେବେ କ୍ବାର୍ଟରସ ଛାଡିବା ପାଇଁ ବାଚସ୍ପତିଙ୍କ ତାଗିଦକୁ ତାରା ବାହିନିପତିଙ୍କ ଭଳି କିଛି ବରିଷ୍ଠ ବିଧାୟକ ହଜମ କରିପାରିନାହାଁନ୍ତି । ତାରାଙ୍କ ଯୁକ୍ତି, ଯେଉଁ ବିଧାୟକ ଓ ମନ୍ତ୍ରୀ ମାନଙ୍କର ଭୁବନେଶ୍ବରରେ ବ୍ୟକ୍ତିଗତ ଘର ଅଛି ସେମାନଙ୍କୁ କ୍ବାଟରସ ମିଳିବା ଉଚିତ ନୁହେଁ । ବରଂ ଜଣେ ବିଧାୟକ ଯଦି ହାରିଯାଇଥିବେ କିନ୍ତୁ ତାଙ୍କ ପିଲା ଭୁବନେଶ୍ବରରେ ପାଠ ପଢୁଥିବେ ସେମାନଙ୍କୁ କ୍ବାର୍ଟରସ ମିଳିବା ଦରକାର ।

ଦିଲ୍ଲିରେ ମଧ୍ୟ ସମାନ ସ୍ଥିତି ଉପୁଜିଛି । ହାରିଯାଇଥିବା ପାଖାପାଖି ୨୦୦ ସାଂସଦ ସେମାନଙ୍କ କ୍ବାର୍ଟରସ ଛାଡୁନଥିବାରୁ ସେସବୁ କ୍ବାର୍ଟରସ କୁ ପାଣି, ବିଜୁଳି ଓ ଗ୍ୟାସ କାଟି ଦିଆଯାଇଛି । ଏବେ ଓଡିଶାରେ ସମାନସ୍ଥିତି । ୨୬ ପୂର୍ବତନ ଏମଏଲଏଙ୍କ ଭିତରୁ କିଛି ନେତାଙ୍କ ପୁଅମାନେ ଏଥର ଜିତି ଆସିଛନ୍ତି । ସେମାନେ ନିଜନିଜ ବାପାଙ୍କ କ୍ବାର୍ଟରସ ରଖିବା ପାଇଁ ଲବି କରୁଛନ୍ତି ।….

   Related Posts