ଭୁବନେଶ୍ୱର ୦୧/୦୯: ସେପ୍ଟେମ୍ବର ୧୮ରୁ ୨୨ ସଂସଦର ସ୍ବତନ୍ତ୍ର ଅଧିବେଶନ । ଏହି ୫ଦିନିଆ ଅଧିବେଶନର ଏଜେଣ୍ଡା କ’ଣ ତାହା ସାର୍ବଜନୀନ କରିନାହାନ୍ତି ସରକାର । କାରଣ ଅସ୍ପଷ୍ଟ ରହିଥିବାରୁ ଏହାକୁ ନେଇ ଆରମ୍ଭ ହୋଇଛି ନାନା କଳ୍ପନା ଜଳ୍ପନା । ଖାସ୍ କରି ଜୋର୍ ଧରିଛି ଦେଶରେ ଆଗୁଆ ନିର୍ବାଚନ ଚର୍ଚ୍ଚା । ହଠାତ୍ ସ୍ବତନ୍ତ୍ର ଅଧିବେଶନର କ’ଣ ଆବଶ୍ୟକ ପଡ଼ିଲା ଏବଂ ଏହାର କାରଣ କ’ଣ ହୋଇପାରେ ଆସନ୍ତୁ ଦେଖିବା ଏହି ରିପୋର୍ଟରେ ।

ସେପ୍ଟେମ୍ବର ୨୨ ତାରିଖରେ ଆରମ୍ଭ ହେବ ବିଧାନସଭା । ୮ ଦିନ ଧରି ଚାଲିବ ଏହି ମୌସୁମୀ ଅଧିବେଶନ । କିନ୍ତୁ ସମସ୍ତଙ୍କ ନଜର ରହିଛି ବାଚସ୍ପତି ନିର୍ବାଚନ ଉପରେ । ବିଧାନସଭା ଆରମ୍ଭ ହେବାର ଠିକ ପୂର୍ବ ଦିନ ଅର୍ଥାତ ସେପ୍ଟେମ୍ବର ୨୧ ତାରିଖ ହେବ ବାଚସ୍ପତି ନିର୍ବାଚନ । ତେଣୁ ବାଚସ୍ପତି କିଏ ହେବେ ତା ଉପରେ ସମସ୍ତଙ୍କ ନଜର ରହିଛି।

ଖବର ଅନୁଯାୟୀ, ସେପ୍ଟେମ୍ବର ୨୧ରେ ପ୍ରଥମେ ବାଚସ୍ପତି ନିର୍ବାଚନ ହେବ । ସେପ୍ଟେମ୍ବରରେ ନାମାଙ୍କନ ଦାଖଲ ପାଇଁ ତାରିଖ ଧାର୍ଯ୍ୟ କରାଯାଇଛି । ତେବେ ବିଧାନସଭାର ମୌସୁମୀ ଅଧିବେଶନ ପୂର୍ବରୁ ବାଚସ୍ପତି ନିର୍ବାଚନ ହେବା ନେଇ ସୂଚନା ମିଳିଛି । ଏହାପରେ ସେପ୍ଟେମ୍ବର ୨୨ରେ ମୌସୁମୀ ଅଧିବେଶନର ଆରମ୍ଭ ହେବ । ଏହି ଅଧିବେଶନରେ ମୋଟ ୧୩ ଦିନର କାର୍ଯ୍ୟ ଦିବସ ରହିଛି । ଏହାପରେ ସେପ୍ଟେମ୍ବର ୩ରେ ଆସିବ ଅତିରିକ୍ତ ବଜେଟ ।

ଏନେଇ ବିଧାନସଭା ପକ୍ଷରୁ ବିଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ ପାଇବ । ସେପଟେ ପରବର୍ତ୍ତ ବାଚସ୍ପତି କିଏ ହେବ ? ସେନେଇ ଚର୍ଚ୍ଚା ଆଲୋଚନା ଚାଲିଛି । ଜଣେ ମହିଳାଙ୍କ ରାଜ୍ୟର ପରବର୍ତ୍ତୀ ବାଚସ୍ପତି ହେବା ନେଇ ଚର୍ଚ୍ଚା ଜୋର ଧରିଛି । ହେଲେ ଏବେ ଯାଏଁ କୌଣସି ସ୍ପଷ୍ଟ ସୂଚନା ମିଳିଛି । ବାଚସ୍ପତି ପଦରୁ ବିକ୍ରମ ଆରୁଖଙ୍କ ଇସ୍ତଫା ଦେବା ପରଠାରୁ ଖାଲି ପଡିଛି ଏହି ପଦ ।