ଭୁବନେଶ୍ୱର ୨୬/୦୯: ବିଧାନସବା ଅଧିବେଶନର ତୃତୀୟ ଦିନ । ପ୍ରଶ୍ନକାଳ ଆରମ୍ଭରୁ ବିରୋଧୀ ହୋହଲ୍ଲା ହଙ୍ଗାମା କରିଥିଲେ । ଏମିତିକି ବାଚସ୍ପତିଙ୍କ ଆସନ ସମ୍ମୁଖରେ ଯାଇ ନାରାବାଜି କରିଥିଲେ । ଫଳରେ ବାଚସ୍ପତି ଗୃହକୁ ୧୨ ଟା ଯାଏଁ ମୁଲତବୀ କରିଥିଲେ । ସେପଟେ ଗୃହ ସୁପରିଚାଳନା ପାଇଁ ବାଚସ୍ପତି ଡାକିଲେ ସର୍ବଦଳୀୟ ବୈଠକ ।

ସୂଚନା ଥାଉକି, ଗତ ସେପ୍ଟେମ୍ୱର ୨୨ ତାରିଖରୁ ଆରମ୍ଭ ହୋଇଥିଲା ବିଧାନସଭା ଅଧିବେଶନ । ତେବେ ଅଧିବେଶନ ଆରମ୍ଭରୁ ଗୃହରେ ଦେଖିବାକୁ ଅସ୍ୱାଭାବିକ ପରିସ୍ଥିତି । ଠିକ୍ ଭାବେ ଚାଲିପାରିନଥିଲା ଗୃହକାର୍ଯ୍ୟ । ଗତ ୩ ଦିନ ଧରି ବାରମ୍ୱାର ମୁଲତବୀ ହେବାରେ ଲାଗିଛି ଗୃହ । ତେବେ ଆଜି ଗୃହ ଠିକ୍‌ ଭାବେ ପରିଚାଳନା କରିବାକୁ ବାଚସ୍ପତି ଡାକିଛନ୍ତି ସର୍ବଦଳୀୟ ବୈଠକ । ଯାହା ଲାଗୁଛି ବୈଠକ ପରେ ଗୃହ କାର୍ଯ୍ୟ ସ୍ୱାଭାବିକ୍ ହେବ ବୋଲି ଆଶା କରାଯାଉଛି ।