ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ଆଉ ଏକ ଲଘୁଚାପ ! ୮ରୁ ବର୍ଷା ସମ୍ଭାବନା
  • ||
  • ପଦ୍ମପୁର ଉପନିର୍ବାଚନ : ନେତା ବାଛିବେ ଜନତା, ଭୋଟ ଦେବେ ୨ ଲକ୍ଷରୁ ଅଧିକ ଭୋଟର
  • ||

କରୋନା ଭାଇରସ : ୨୧ବର୍ଷୀୟ ଯୁବ ଫୁଟବଲ୍ କୋଚ୍‌ଙ୍କ ମୃତ୍ୟୁ

17/03/2020 at 9:37 AM

ନୂଆଦିଲ୍ଲୀ ୧୭।୦୩ : ଚୀନ୍‌ରୁ ଆରମ୍ଭ ହୋଇଥିବା କରୋନା ଭାଇରସ ଏବେ ସାରାବିଶ୍ବ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି । ବର୍ତ୍ତମାନ ପର୍ଯ୍ୟନ୍ତ କରୋନାରେ ମୃତ୍ୟୁ ସଂଖ୍ୟା ୭ହଜାର ପାର୍‌ ହୋଇଥିବା ବେଳେ ଆକ୍ରାନ୍ତଙ୍କ ସଂଖ୍ୟା ୨ଲକ୍ଷ ପାଖାପାଖି ହୋଇଛି ।  ଏହି ଭୂତାଣୁରେ ବିଗତ ୨୪ ଘଣ୍ଟା ମଧ୍ୟରେ ଇଟାଲୀରେ ୩୪୯ ଓ ସ୍ପେନରେ ୧୦୦ ଜଣଙ୍କ ମୃତ୍ୟୁ ହୋଇସାରିଛି । ତେବେ ମାରାତ୍ମକ ଭୂତାଣୁରେ ସ୍ପେନର ଯୁବ ଫୁଟବଲ କୋଚ ଫ୍ରାନ୍ସସ୍କୋ ଗ୍ରାସିଆ ଏହି ଭାଇରସ ସଂସ୍ପର୍ଶରେ ଆସି ମୃତ୍ୟୁ ହୋଇଛି । 

ସ୍ପେନ୍‌ର  ଏଥଲିଟକୋ ପୋର୍ଟାଡା କ୍ଲବରେ ଗ୍ରାସିଆ କୋଚ ଭାବେ କାର୍ଯ୍ୟ କରୁଥିଲେ । ତାଙ୍କୁ ମାତ୍ର ୨୧ ବର୍ଷ ବୟସ ହୋଇଥିଲା । ସେ  ପୂର୍ବରୁ କ୍ୟାନସର ରୋଗରେ ପୀଡିତ ଥିଲେ । ଏହାରି ମଧ୍ୟରେ ସେ କରୋନା ଭାଇରସର ସଂସ୍ପର୍ଶରେ ଆସିଥିଲେ । ପୂର୍ବରୁ ରୋଗୀ ଥିବାରୁ ତାଙ୍କର ରୋଗ ପ୍ରତିଷେଧକ କ୍ଷମତା ହ୍ରାସ ପାଇସାରିଥିଲା । ତେଣୁ ସେ ଚିକିତ୍ସାଧୀନ ଅବସ୍ଥାରେ ହସ୍ପିଟାଲରେ ତାଙ୍କର ମୃତ୍ୟୁ ଘଟିଥିଲା ।  ଗ୍ରାସିଆଙ୍କ ମୃତ୍ୟୁ ନେଇ କ୍ଲବ ପକ୍ଷରୁ ଶୋକ ଜଣାଇଯାଇଛି । ଏବଂ କ୍ଲବ କହିଛି ଯେ, ଏହିଭଳି ଘଡିସନ୍ଧି ସମୟରେ ତାଙ୍କ ପରିବାର ସହିତ କ୍ଲବ ରହିଛି । ଆପଣଙ୍କ ମୃତ୍ୟୁ ନେଇ ସବୁଠାରୁ ଅଧିକ ଦୁଃଖି ଆମେ, ଆପଣଙ୍କ ବିନା ଆମ ଖେଳ ଅଧୁରା । ଆମେ ଆପଣଙ୍କ ଯୋଗଦାନ ଏବଂ ଆପଣଙ୍କୁ କେବେ ବି ଭୁଲି ପାରିବୁନାହିଁ ।

ଏହି ମାରାତ୍ମକ ଭୂତାଣୁ ପ୍ରଥମେ ଚୀନ୍‌ ଏବେ ୟୁରୋପରେ ସବୁଠାରୁ ଅଧିକ କ୍ଷତି ପହଞ୍ଚାଉଛି । ଇଟାଲି ଓ ସ୍ପେନ୍‌ରେ ମଧ୍ୟ ଦିନକୁ ଦିନ ବଢିଚାଲିଛି ଆକ୍ରାନ୍ତ ଓ ମୃତ୍ୟୁ ସଂଖ୍ୟା । ସାରାବିଶ୍ବର ୧୬୨ଟି ଦେଶକୁ ବ୍ୟାପିସାରିଲାଣି କରୋନା ଭୂତାଣୁ ।

   Related Posts