scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଲ୍ୟାଣ୍ଡିଂ ପୂର୍ବରୁ ବିସ୍ଫୋରଣ : ଭୂମି ଛୁଇଁବା ଆଗରୁ ଜଳିଗଲା Space-X ଷ୍ଟାରସିପ୍ ରକେଟ୍

10/12/2020 at 7:25 PM

ଓ୍ବାଶିଂଟନ ୧୦/୧୨ : ମିଶନ ମଙ୍ଗଳ ଯାଇଥିବା Space-X ଷ୍ଟାରସିପ୍ ରକେଟ୍ ବିସ୍ଫୋରଣ ହୋଇଛି । ପରୀକ୍ଷଣ ସମୟରେ ଏହାର ଷ୍ଟାରସିପ୍ ରକେଟ୍ ବିସ୍ଫୋରଣ ହୋଇଥିବା ସୂଚନା ମିଳିଛି । ଟେକ୍ସାସ ସ୍ଥିତ ଲଞ୍ଚପ୍ୟାଡରୁ Space-Xର ଷ୍ଟାରସିପ୍ ରକେଟକୁ ବୁଧବାର ପରୀକ୍ଷଣ କରାଯାଉଥିବା ବେଳେ ସେଥିରେ ଭୟଙ୍କର ବିସ୍ଫୋରଣ ହୋଇଥିବା ସୂଚନା ମିଳିଛି ।

କିନ୍ତୁ ବିସ୍ଫୋରଣ ସତ୍ତ୍ଵେ ଏହି ରକେଟ୍ Space-Xକୁ ମଙ୍ଗଳ ଗ୍ରହ ପର୍ଯ୍ୟନ୍ତ ପହଞ୍ଚାଇବ ବୋଲି କମ୍ପନୀ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି । ରକେଟରେ ବିସ୍ଫୋରଣ ସତ୍ତ୍ଵେ କମ୍ପାନୀ ଏହି ମିଶନ ସଫଳ ହୋଇଥିବା କହିଛି ଏବଂ ଷ୍ଟାରସିପ ଟିମକୁ ସଫଳତା ପାଇଁ ଧନ୍ୟବାଦ ଦେଇଛି । Space-Xର ସଂସ୍ଥାପକ ଏଲନ୍ ମସ୍କ୍ ପ୍ରେରଣର କିଛି ସମୟ ପୂର୍ବରୁ ଟ୍ବିଟ୍ କରି କହିଛନ୍ତି, ‘ମଙ୍ଗଳ ଗ୍ରହକୁ ଆମେ ଆସୁଛୁ’ । ସେ ସ୍ପଷ୍ଟ କରିଛନ୍ତି ଯେ, ରକେଟ୍ ଅଧିକ ଗତିରେ ଲ୍ୟାଣ୍ଡ୍ କରୁଥିଲା । ଯାହ ଫଳରେ କି ଏହି ବିସ୍ଫୋରଣ ହୋଇଛି । ତେବେ ବିସ୍ଫୋରଣ ପୂର୍ବରୁ ଯେଉଁ ତଥ୍ୟ ଦରକାର ଥିଲା ତାହା ମିଳିଯାଇଥିବା ସେ କହିଛନ୍ତି ।

ଶନିବାର ଦିନ ଷ୍ଟାରସିପ୍ ସଠିକ ସମୟରେ ଟେକ୍ ଅଫ୍ କରିଥିଲା । ଉଡାଣ ଭରିବାର ୪ ମିନିଟ୍ ୪୫ ସେକେଣ୍ଡ ପରେ ରକେଟର ତୃତୀୟ ଇଞ୍ଜିନ ଆରମ୍ଭ କରାଯାଇଥିଲା । ତେବେ ଲ୍ୟାଣ୍ଡିଂର ଠିକ୍ ପୂର୍ବରୁ ରକେଟର ଗତିକୁ ଧିମା କରିବା ପାଇଁ ପ୍ରଥମ ଇଞ୍ଜିନକୁ ପୁଣି ଥରେ ଚାଲୁ କରାଯାଇଥିଲା । ପ୍ରଥମ ଇଞ୍ଜିନ ଚାଲିବା ଆରମ୍ଭ ହେବା କ୍ଷଣି ଏହା ବିସ୍ଫୋରଣ ହୋଇ ଗଳିପଡିଥିଲା ।

   Related Posts