ନୂଆଦିଲ୍ଲୀ: ବିମାନର ଜରୁରୀକାଳୀନ ଗେଟ୍ ଖୋଲି ଦେଲେ ଯାତ୍ରୀ। ମଝି ଆକାଶରେ ଝୁଲି ରହିଥିବା ଜୀବନ ଅଳ୍ପକେ ବର୍ତ୍ତିଲା । ପାଇଲଟଙ୍କ ଚତୁରତା ପାଇଁ ଏକ ବଡ଼ ବିମାନ ଦୁର୍ଘଟଣା ଟଳି ଯାଇଛି । ସୁରକ୍ଷିତ ଭାବେ ଫ୍ଲାଇଟକୁ ଅବତରଣ କରାଯାଇଛି । ଏଭଳି ଏକ ଅବିଶ୍ବନୀୟ ଘଟଣା ଘଟିଛି ଦକ୍ଷିଣ କୋରିଆର ଏକ ବିମାନରେ ।  ଫ୍ଲାଇଟ୍‌ଟି ୬୫୦ ଫୁଟ୍ ଉଚ୍ଚତାରେ ଉଡ଼ୁଥିବା ବେଳେ ଜଣେ ବ୍ୟକ୍ତି ବିମାନର ଏମରଜେନ୍ସି ଗେଟ୍ ଖୋଲି ଦେଇଖିଲେ । ଫଳରେ ଯାତ୍ରୀମାନେ ଭୟଭୀୟ ହୋଇଯାଇଥିଲେ ।

ନ୍ୟୁଜ୍ ଏଜେନ୍ସି  ଏଏଏଫପି ରିପୋର୍ଟ ମୁତାବକ, ଏସିଆନା ଏୟାରଲାଇନ୍ସର ଏୟାରବସ୍ A321-200ରେ ପ୍ରାୟ ୨୦୦ଜଣ ଯାତ୍ରୀଙ୍କୁ ନେଇ ରାଜଧାନୀ ସିୟୋଲରୁ ଡେଙ୍ଗୁ ଯାଉଥିବା ବେଳେ ଏହି ଅଘଟଣ ଘଟିଥିଲା । ସିୟୋଲ ଠାରୁ ପ୍ରାୟ ୨୪୦ କିଲୋମିଟର ଦୂର ଡେଙ୍ଗୁ ଇଣ୍ଟର ନ୍ୟାସନାଲ ଏୟାରପୋର୍ଟରେ ଲ୍ୟାଣ୍ଡିଂ କରୁଥିବା ସମୟରେ ଜରୁରୀକାଳୀନ ଡୋର୍ ପାଖରେ ବସିଥିବା ଜଣେ ଯାତ୍ରୀ ଲିବର ଟାଣି ଦେଇଥିଲେ । ବିମାନଟି ୬୫୦ ଫୁଟ୍ ବା ୨୦୦ ମିଟର ଉଚ୍ଚତାରେ ଉଡ଼ୁଥିବା ବେଳେ ଗେଟ୍ ଖୋଲିଯାଇଥିଲା  । ଫଳରେ ବିମାନର ସନ୍ତୁଳନ ବିଗିଡ଼ିଯାଇଥିଲା ।

ଆକାଶରେ ଗେଟ୍ ଖୋଲିଯିବାରୁ ପ୍ରବଳ ବେଗରେ ବିମାନ ଭିତରକୁ ପବନ ପଶିଥିଲା । ଫଳରେ ଯାତ୍ରୀମାନେ ଭୟଭୀତ ହୋଇ ଚିତ୍କାର କରିଥିଲେ । କିଛି ଯାତ୍ରୀ ଅଣନିଶ୍ବାସୀ ହୋଇଯାଇଥିଲେ । ପରେ ପାଇଲଟ ଚତୁରତାର ସହିତ ବିମାନକୁ ଅବତରଣ କରିଥିଲେ । ଫଳରେ ୨୦୦ଜଣ ଯାତ୍ରୀଙ୍କ ଜୀବନ ବଞ୍ଚିଯାଇଛି । ଏହି ଭୟଙ୍କର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି ।

wp:html

🚨 Un pasajero ha abierto una salida de emergencia del #A321 HL8256 de #AsianaAirlines en pleno vuelo.
El vuelo #OZ8124 entre Jeju y Daegu del 26 de mayo se encontraba en aproximación cuando una de las salidas de emergencia sobre el ala fue abierta por un pasajero.
El avión… pic.twitter.com/G0rlxPNQuW

— On The Wings of Aviation (@OnAviation) May 26, 2023

/wp:html

ସେପଟେ ବିମାନଟି ଡେଗୁ ଏୟାରପୋର୍ଟ ସୁରକ୍ଷିତ ଭାବେ ଅବତରଣ କରିବା ପରେ ସମସ୍ତ ଯାତ୍ରୀଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଅଘଟଣରେ ୯ଜଣ ଯାତ୍ରୀଙ୍କ ଶ୍ବାସକ୍ରିୟାରେ ସମସ୍ୟା ସୃଷ୍ଟି ହେବାରୁ ଅଚେତ ହୋଇଯାଇଥିଲା । ହସ୍ପିଟାଲରେ ସେମାନଙ୍କର ଚିକିତ୍ସା ଚାଲିଛି ।  ଅନ୍ୟପଟେ ଜୁରରୀକାଳୀନ ଗେଟ୍ ଖୋଲିଥିବା ଯାତ୍ରୀକୁ ପୋଲିସ ଗିରଫ କରି ପଚରାଉଚରା କରାଯାଉଛି ବୋଲି ଏୟାରଲାଇନ୍ସ ପକ୍ଷରୁ ବୟାନ ଜାରି କରାଯାଇଛି ।