ଏହି ଅଭିନେତ୍ରୀଙ୍କୁ ନିର୍ଯାତନା ଦେଉଥିଲେ ବୟଫ୍ରେଣ୍ଡ, କ୍ଷତାକ୍ତ ଫଟୋ ସେୟାର କରି କଲେ ଖୁଲାସା
7/03/2023 at 8:58 AM
ମୁମ୍ଵାଇ ୦୭।୦୩: ସାଉଥ୍ର ଲୋକପ୍ରିୟ ଅଭିନେତ୍ରୀ ଅନିକା ବିଜୟ ବିକ୍ରମଣ। ତାଙ୍କ ଫଟୋ ଏବେ ଚର୍ଚ୍ଚାର ବିଷୟ ପାଲଟିଛି । ନିକଟରେ ଅନିକା ସୋସିଆଲ ମିଡିଆରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ତାଙ୍କ ଆଖି ଫୁଲିଯାଇଥିବା ବେଳେ ଖଣ୍ଡିଆ ’ଦେଖାଯାଉଛି। ଯାହା ପ୍ରଶଂସକଙ୍କୁ ଏକ ଅଡୁଆରେ ପକାଇଛି । ଏହି ଫଟୋ ଗୁଡିକ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ଅନିକାଙ୍କ ଏହି ଅବସ୍ଥା କିପରି ହୋଇଛି ସେ ବିଷୟରେ ୟୁଜର୍ସମାନଙ୍କ ମନରେ ଅନେକ ପ୍ରଶ୍ନ ଉଠିଛି ।
ଲୋକପ୍ରିୟ ଦକ୍ଷିଣ ଅଭିନେତ୍ରୀ ଅନିକା ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ କିଛି ଫଟୋ ସେୟାର କରିଛନ୍ତି। ଯେଉଁଥିରେ ଅଭିନେତ୍ରୀଙ୍କ ଆଖିରେ, ମୁହଁରେ ଏବଂ ଶରୀରର ଅନ୍ୟାନ୍ୟ ଅଂଶରେ ଖଣ୍ଡିଆ ହୋଇଛି। ଆଖିର ଅବସ୍ଥା ଏପରି ଯେ ପ୍ରଶଂସକମାନେ ମଧ୍ୟ ଭୟଭୀତ ହୋଇଥାନ୍ତି। ଫଟୋ ସେୟାର କରି ଅନିକା କହିଛନ୍ତି ଯେ ତାଙ୍କର ଏପରି ଅବସ୍ଥା ତାଙ୍କ ପୂର୍ବତନ ପ୍ରେମିକା କରିଛନ୍ତି।
ଅନିକା ତାଙ୍କ ପୋଷ୍ଟରେ ଲେଖିଛନ୍ତି, ‘ ମୋ ସହ ଯାହା ହୋଇଛି, ତାକୁ ଅତୀତରେ ଛାଡିବା ସତ୍ଵେ , ମୁଁ ନିରନ୍ତର ଧମକପୂର୍ଣ୍ଣ କଲ ପାଇଛି। କ୍ରମାଗତ ଭାବରେ ମୋ ପରିବାର ଉପରେ କାଦୁଅ ପକାଯାଉଛି। ସେ ଆହୁରି ଲେଖିଛନ୍ତି, ‘ଦୁର୍ଭାଗ୍ୟବଶତଃ ମୁଁ ଅନୁପ ପିଲ୍ଲାଇ ନାମକ ଜଣେ ବ୍ୟକ୍ତିଙ୍କୁ ଡେଟ କରୁଥିଲି। କିନ୍ତୁ ସେ ମୋତେ ମାନସିକ ଓ ଶାରୀରିକ ନିର୍ଯାତନା ଦେଇଥିଲେ। ମୁଁ ତାଙ୍କ ପରି ଜଣେ ବ୍ୟକ୍ତିଙ୍କୁ କେବେ ଦେଖି ନାହିଁ । ଏସବୁ ପରେ ମଧ୍ୟ ସେ ମୋତେ ଧମକ ଦେଉଛନ୍ତି। ମୋର ସ୍ୱପ୍ନରେ ମଧ୍ୟ ମୁଁ କେବେ ଭାବି ନଥିଲି ଯେ ସେ କେବେ ଏପରି କରିବେ ।
‘ଯେତେବେଳେ ସେ ମୋତେ ପ୍ରଥମ ଥର ପାଇଁ ପିଟିଲେ, ଆମେ ଚେନ୍ନାଇରେ ଥିଲୁ। ତା’ପରେ ସେ ମୋ ପାଦତଳେ ପଡ଼ି କାନ୍ଦିବାକୁ ଲାଗିଲେ। ମୁଁ ମୁର୍ଖ ଥିଲି ଯେ ତାଙ୍କୁ କ୍ଷମା କରିଦେଲି। ଦ୍ୱିତୀୟ ଥର ଯେତେବେଳେ ଆମେ ବାଙ୍ଗାଲୋରରେ ଥିଲୁ ସେତେବେଳେ ମୋତେ ମାଡ ମାରିଥିଲା। ତା’ପରେ ମୁଁ ପୋଲିସ ନିକଟରେ ଅଭିଯୋଗ କଲି। ସେ ଆମ ମଧ୍ୟରେ ଏହି ସମସ୍ୟାର ସମାଧାନ କରିବାକୁ କହିଥିଲେ। ଏହା ପରେ ତାଙ୍କୁ ପୁନର୍ବାର ସାହାସ ମିଳିଗଲା ମୋତେ ମାରିବାକୁ ।
