ମୁମ୍ବାଇ ୦୮।୦୬ : ରୋହିତଙ୍କୁ ସମାଲୋଚନା । ବିଶ୍ୱ ଟେଷ୍ଟ ଚାମ୍ପିଆନସିପ ଫାଇନାଲରେ ରବିଚନ୍ଦ୍ରନ ଅଶ୍ୱିନୀଙ୍କୁ ବାଦ୍‌ ଦେଇଛି ଟିମ୍‌ ଇଣ୍ଡିଆ । ଯାହାକୁ ନେଇ ବିବାଦ ବଢିବାରେ ଲାଗିଛି । ଲଗାତର ଭାବେ ପୂର୍ବତନ ଖେଳାଳି ଏବଂ କ୍ରୀଡା ପ୍ରଂଶସକମାନେ ସମାଲୋଚନା କରାଚାଲିଛନ୍ତି ।

ପୂର୍ବତନ ଅଧିନାୟକ ସୌରଭ ଗାଙ୍ଗୁଲି କହିଛନ୍ତି ଯେ, ରବିଚନ୍ଦ୍ରନ ଅଶ୍ୱିନୀଙ୍କୁ ବାଦ୍‌ ଦେବା ନିହାତି ଆଶ୍ଚର୍ଯ୍ୟକର କଥା । ଅଧିନାୟକ ଭାବେ ମୋ ଚିନ୍ତାଧାରା ଭିନ୍ନ ଏବଂ ରୋହିତଙ୍କ ଚିନ୍ତାଧାର ମଧ୍ୟ ଭିନ୍ନ ହୋଇପାରେ । କିନ୍ତୁ ଅଶ୍ବିନଙ୍କ ଭଳି କ୍ବାଲିଟି ସ୍ପିନରଙ୍କୁ ପ୍ଲେଇଂ ଇଲେଭେନରୁ ବାଦ୍‌ ଦେବା ଉଚିତ ନଥିଲା’। ଟସ୍‌ ପକାଇବା ପୂର୍ବରୁ ନିଷ୍ପତ୍ତି ନେବା କଥା ଆଉ ରୋହିତ ୪ ଜଣ ଦ୍ରୁତ ବୋଲରଙ୍କୁ ନେଇ ଖେଳିବାକୁ ପୂର୍ବରୁ ମନସ୍ଥ କରିସାରିଥିଲେ । ଅବଶ୍ୟ ଗତ କିଛି ବର୍ଷ ହେଲା ୪ ଜଣ ପେସର୍‌ଙ୍କୁ ନେଇ ଦଳ ଭଲ ପ୍ରଦର୍ଶନ କରିଛି । ମ୍ୟାଚ୍‌ ବି ଜିତିଛି ।

ସେହିପରି ସୁନିଲ ଗାଭାସ୍କର କହିଛନ୍ତି ଯେ, ରବିଚନ୍ଦ୍ରନ ଅଶ୍ବିନଙ୍କୁ ନଖେଳାଇ ଭାରତୀୟ ଦଳର ଭୁଲ ନିଷ୍ପତ୍ତି  । ରବିଚନ୍ଦ୍ରନ ଅଶ୍ୱିନୀ ବିଶ୍ବର ନଂ୧ ଟେଷ୍ଟ ବୋଲର। କିନ୍ତୁ ପିଚ୍‌ କଣ୍ଡିସନ ପାଇଁ ତାଙ୍କୁ ବାଦ୍‌ ଦିଆଯାଇ ପାରିବନାହିଁ । ଏଭଳି ନିଷ୍ପତ୍ତି ମୋ ବୁଝିବା ଠାରୁ ମଧ୍ୟ ବାହାରେ । ଉମେଶ ଯାଦବଙ୍କ ସ୍ଥାନରେ ଅଶ୍ବିନଙ୍କୁ ଖେଳାଇବାର ଥିଲା । କିନ୍ତୁ ପିଚ୍‌ ସ୍ଥିତିକୁ ନେଇ ତାଙ୍କୁ ବାଦ୍‌ ଦେବା ଦଳ ପାଇଁ ଠିକ୍‌ ନିଷ୍ପତ୍ତି ନଥିଲା’।

ସୂଚନାଯୋଗ୍ୟ ଯେ, ବିଶ୍ବ ଟେଷ୍ଟ ଚାମ୍ପିୟନସିପ୍‌ ଫାଇନାଲର ପ୍ରଥମ ଦିନରେ ଆଧିପତ୍ୟ ବିସ୍ତାର କରିଥିଲା ଅଷ୍ଟ୍ରେଲିଆ । ଆରମ୍ଭରୁ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହୋଇଥିବା କଙ୍ଗାରୁ ଟିମ୍‌, ଷ୍ଟିଭ୍‌ ସ୍ମିଥ ଓ ଟ୍ରେଭିସ୍‌ ହେଡଙ୍କ ଦମଦାର ଇନିଂସ ବଳରେ ପ୍ରଥମ ଦିନ ଖେଳ ଶେଷ ସୁଦ୍ଧା ୩ ଓ୍ବିକେଟ ହରାଇ ସଂଗ୍ରହ କରିଛି ୩୨୭ ରନ । ଇଣ୍ଡିଆ ଏବେ ବ୍ୟାକଫୁଟ୍‌ରେ ରହିଛି ।

You Can Read :