ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରୀମନ୍ଦିର ଉପରେ ଡ୍ରୋନ୍‌ ଉଡାଇବା ଘଟଣା : ଅପଲୋଡ ଭିଡିଓ ଡିଲିଟ୍‌ କଲେ ୟୁଟ୍ୟୁବର, ଆଉ ହାତଯୋଡି କ୍ଷମା ବି ମାଗିଲେ…
  • ||
  • ଅର୍ଚ୍ଚନା ନାଗ ଗିରଫ ମାମଲା, ଇଡିକୁ ସବୁ ତଥ୍ୟ ଦେଲା କମିଶନରେଟ୍‌ ପୋଲିସ
  • ||
  • ଧର୍ମଗଡ଼ : ଦୁର୍ଘଟଣାଗ୍ରସ୍ତ ଟ୍ୟାଙ୍କରରୁ ଗ୍ୟାସ୍‌ ଲିକ୍‌, ଯାତାୟତ ବାଧାପ୍ରାପ୍ତ
  • ||

ଭାରତ-ପାକିସ୍ତାନ ମ୍ୟାଚ୍ ପୂର୍ବରୁ ଗାଙ୍ଗୁଲିଙ୍କ ବଡ ବୟାନ, କହିଲେ…

27/08/2022 at 9:46 AM

ନୂଆଦିଲ୍ଲୀ, ୨୭/୦୮  : ଶନିବାରଠୁ ଆରମ୍ଭ ହେବ ଏସିଆ କପ୍ । ରବିବାର ଭାରତ ପାକିସ୍ତାନ ବିପକ୍ଷରେ ନିଜର ଅଭିଯାନ ଆରମ୍ଭ କରିବ । ଏହି ମହା ମୁକାବିଲା ପାଇଁ ପ୍ରଶଂସକ ଖୁବ୍ ଉତ୍ସାହିତ ଅଛନ୍ତି । ଏବେ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି କୋଲକାତାରେ ଆୟୋଜିତ ଏକ ଇଭେଣ୍ଟରେ ଭାରତ-ପାକିସ୍ତାନ ମ୍ୟାଚ୍ ସମେତ ଅନ୍ୟ ପ୍ରସଙ୍ଗ ଉପରେ ପ୍ରତିକ୍ରିୟା ରଖିଛନ୍ତି ।

ଗାଙ୍ଗୁଲି କହିଛନ୍ତି ଯେ, ଭାରତ-ପାକିସ୍ତାନ ମୁକାବିଲା ଏକ ସାଧାରଣ ମ୍ୟାଚ୍ ଭଳି । ଭାରତୀୟ ଟିମରେ ଅନେକ ପୁରୁଖା ଖେଳାଳି ରହିଛନ୍ତି । ଚାପ କିପରି ନିୟନ୍ତ୍ରଣ କରାଯାଏ ସେମାନେ ତାହା ଜାଣନ୍ତି । ନକଆଉଟ୍ ମ୍ୟାଚରେ ଅତିରିକ୍ତ ଚାପ ରହିଥାଏ ବୋଲି କୁହନ୍ତି । କିନ୍ତୁ ରୋହିତ ଶର୍ମା, ବିରାଟ କୋହଲି, କେଏଲ ରାହୁଲଙ୍କ ଭଳି ଅଭିଜ୍ଞତା ଥିବା ଖେଳାଳି ରହିଛନ୍ତି । ସେମାନେ ଚାପ ସମ୍ଭାଳିବା ଜାଣନ୍ତି ।

ସେ ଆହୁରି କହିଛନ୍ତି ଯେ, ପାକ୍ ପାଇଁ ସାହିନ ଆଫ୍ରିଦି ଖେଳିବେନି । ତେବେ ଜଣେ ଖେଳାଳି ନଖେଳିଲେ ସେପରି କିଛି ପ୍ରଭାବ ପକାଇବ ବୋଲି ତାଙ୍କୁ ଲାଗୁନି । ଏହା ଟିମ୍ ଗେମ୍ । ଭାରତ ପାଖରେ ମଧ୍ୟ ଜସପ୍ରିତ ବୁମରାହ ନାହାଁନ୍ତି । ବିଶ୍ୱକପରେ ଭାରତ ୧୯୯୨ରୁ ୨୦୨୨ ଯାଏଁ କେବଳ ଥରୁଟିଏ ହାରିଛି । ୩୦ ବର୍ଷରେ କେବଳ ଥରେ ପରାଜିତ ହୋଇଛି ଭାରତ । ଉଭୟ ଦଳରେ ଷ୍ଟାର୍ ଖେଳାଳି ରହିଛନ୍ତି ।

ଦାଦା ଭାବେ ପରିଚିତ ଗାଙ୍ଗୁଲି ଆହୁରି କହିଛନ୍ତି ଯେ, ଟି୨୦ କ୍ରିକେଟରେ କେହି ଫେଭରେଟ୍ ନଥାନ୍ତି । ସମସ୍ତେ ଭଲ ଟିମ୍ । ଯିଏ ଭଲ ଖେଳିବ ସେ ଜିତିବ । ବିରାଟ କୋହଲି ଭଲ ଖେଳାଳି । ତାଙ୍କ ପାଖରେ ରନ୍ କରିବାର ଫର୍ମୁଲା ରହିଛି । ସେ ଶୀଘ୍ର ଫର୍ମରୁ ଫେରିବେ ବୋଲି ଗାଙ୍ଗୁଲି କହିଛନ୍ତି ।

   Related Posts