ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଉଦ୍ଧବ ଠାକରେଙ୍କୁ ସୋନିଆଙ୍କ ଚିଠି, ପ୍ରସଙ୍ଗ ସଂଖ୍ୟାଲଘୁ, କିନ୍ତୁ ଏପଟେ ମେଣ୍ଟ ରାଜନୀତି ସରଗରମ

20/12/2020 at 10:47 AM

ନୂଆଦିଲ୍ଲୀ,୨୦/୧୨:  ମହାରାଷ୍ଟ୍ର ରାଜନୀତିରେ ଘଡିକେ ଘୋଡା ଛୁଟୁଛି । ଏବେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ସାମାଜିକ ପଛୁଆ ବର୍ଗର ଲୋକଙ୍କୁ ଦିଆଯାଇଥିବା ପ୍ରତିଶ୍ରୁତିକୁ ନେଇ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଚିଠି ଲେଖିଛନ୍ତି । କିନ୍ତୁ ଏହି ଚିଠିକୁ ନେଇ ମହାରାଷ୍ଟ୍ର ସରକାରରେ ସହଯୋଗୀ ଥିବା ଏନସିପି ପସନ୍ଦ କରିନାହିଁ । ଏହାକୁ ନେଇ ସରକାର ଠିକ୍ ଭାବେ ଚାଲିନଥିବା ଏକ ପ୍ରକାର ସ୍ପଷ୍ଟ ହୋଇଯାଇଛି ।

ଆସନ୍ତା ଜାନୁଆରୀରେ ମହାରାଷ୍ଟ୍ରରେ ଗ୍ରାମ ପଞ୍ଚାୟତ ନିର୍ବାଚନ ଅନୁଷ୍ଠିତ ହେବ । ଏଥିରେ କଂଗ୍ରେସ, ଏନସିପି ଓ ଶିବସେନା ପୃଥକ ପୃଥକ ଭାବେ ଲଢିବେ ବୋଲି ଘୋଷଣା କରି ସାରିଛନ୍ତି । କିନ୍ତୁ ଏହା ପୂର୍ବରୁ ସମସ୍ତ ନିର୍ବାଚନ ମିଳିତ ଭାବେ ଲଢାଯିବ ବୋଲି ଉଦ୍ଧବ ଘୋଷଣା କରିଥିଲେ ।

ମେଣ୍ଟରେ ବିବାଦ ସୃଷ୍ଟି କରିଥିବା ଏହି ଚିଠି ସେହି ସମୟରେ ଲେଖାଯାଇଛି ଯେତେବେଳେ ରାଜ୍ୟର କଂଗ୍ରେସ ନେତା ନାନାଦି ଅଭିଯୋଗ ଆଣିଛନ୍ତି । ମହାରାଷ୍ଟ୍ର କଂଗ୍ରେସ ନେତାଙ୍କ କହିବାନୁସାରେ, ସରକାର କେବଳ ଉଦ୍ଧବ ଠାକରେ ଓ ଶରଦ ପାଓ୍ୱାର ଚଳାଉଛନ୍ତି । ଏଥିରେ କଂଗ୍ରେସର କୌଣସି ଭୂମିକା ନାହିଁ । ଏହାପୂର୍ବରୁ ଅନେକ କଂଗ୍ରେସ ନେତା ଫଣ୍ଡ୍ ମିଳୁନଥିବା ନେଇ ଅଭିଯୋଗ କରିଥିଲେ ।

ଜଣେ ବରିଷ୍ଠ କଂଗ୍ରେସ ନେତାଙ୍କ ଅନୁସାରେ, ଗତ କିଛି ଦିନ ତଳେ ଅଶୋକ ଚୌହ୍ୱାନ, ବିଜୟ ବଡେତିବାରଙ୍କ ଭଳି ଅନେକ ନେତା ଖୋଲୋଖୋଲି ଭାବେ କିଛି ଯୋଜନାରେ ଅର୍ଥ ମିଳୁନଥିବା ବାବଦରେ ଅସନ୍ତୋଷ ବ୍ୟକ୍ତ କରିଥିଲେ । ଏପରକି ଅର୍ଥ ବିଭାଗ ଏନସିପି ନେତା ଅଜିତ ପାଓ୍ୱାରଙ୍କ ହାତରେ ରହିଛି । ଏହାକୁ ନେଇ ଏନସିପି ପ୍ରବକ୍ତା ନବାବ ମଲିକ କହିଛନ୍ତି ଯେ, ଚିଠି ପଛରେ କଂଗ୍ରେସର ଆଭ୍ୟନ୍ତରୀଣ କନ୍ଦଳ ଦାୟୀ । ମହାମାରୀ ଓ କରୋନା ପାଇଁ ଅନେକ ଯୋଜନା ଉପରେ ପ୍ରଭାବ ପଡିଛି । ଆଦିବାସୀ କଲ୍ୟାଣ ବିଭାଗ କଂଗ୍ରେସ ନେତାଙ୍କ ଅଧିନରେ ରହିଛି । ଦଳର ନେତା ସତ କଣ କଂଗ୍ରେସ ମନ୍ତ୍ରୀଙ୍କୁ ପଚାରନ୍ତୁ ।

ମହାରାଷ୍ଟ୍ର କଂଗ୍ରେସ ଅଧ୍ୟକ୍ଷ ବାଲାସାହେବ ଥୋରାଟ କହିଛନ୍ତି ଯେ, ମହାମେଣ୍ଟରେ କୌଣସି ଅସୁବିଧା ନାହିଁ । ଚିଠି ଆଲୋଚନା ପାଇଁ ଲେଖାଯାଇଛି କୌଣସି ଅସନ୍ତୋଷ ପାଇଁ ନୁହେଁ ବୋଲି ସେ କହିଛନ୍ତି ।

   Related Posts